Thread by @VasaviNarayanan

*மருத்துவர் அன்புமணி ராமதாஸ் பலமுறை நேருக்கு நேர் தன்னுடன் விவாதத்திற்கு வர முடியுமா என கூப்பிட்டபோதெல்லாம் ஓடி ஒளிந்த மு.க.ஸ்டாலின்* சமீபமாக ஒரே வசனத்தை பல கூட்டங்களில் சொல்லி வருகிறார்.
அது ' என்னோடு முதல்வர் எடப்பாடி பழனிசாமி ஏதாவது ஒரு கிராமத்திற்கு வர முடியுமா?

அங்கு மக்கள் எங்கள் இருவரில் யாரை அடையாளம் கண்டுகொள்கிறார்கள் என பார்ப்போமா?' என பேசி வருகிறார்.
இதைக் கேட்கும்போது சிரிப்பதா அல்லது ஸ்டாலினின் அறிவு முதிர்ச்சியின்மையை பார்த்து பரிதாபப்படுவதா என தெரியவில்லை.
*மு.க.ஸ்டாலின் பள்ளிக்கூடம்* போகும்போதே அவரின் தகப்பனார் திமுகவில் ஒரு

முக்கிய தலைவர்.
அரை நூற்றாண்டுக்கு முன்பு மு.க.ஸ்டாலின் வயசுக்கு வந்த காலகட்டத்தில் சேலம் ஜில்லாவின் ஏதோ ஒரு மூலையில் கருப்ப கவுண்டரின் மகனான பழனிசாமி கரும்பு தோட்டத்தில் விவசாயம் செய்து கொண்டிருந்திருப்பார்.
*1984* சட்டசமன்ற தேர்தலில் திமுக தலைவரின் மகன் என்ற தகுதியில்

சென்னை ஆயிரம் விளக்கு தொகுதியில் மு.க.ஸ்டாலின் போட்டியிட்டபோது, பக்கத்து ஊர் மக்களுக்குக்கூட தெரிந்திராத சிலுவம்பாளையம் கிராம அதிமுக கிளைச்செயலாளராக இருந்தார் பழனிசாமி.
*ஸ்டாலினை அரியணை ஏற்ற அவரது நைனா கருணாநிதி வைகோவுக்கு குழி வெட்டிக்கொண்டிருந்த காலகட்டமான 1989ல்* இரு அணிகளாக

பிளவு பட்டிருந்த அதிமுகவில் ஜெ அணியில் சேவல் சின்னத்தில் நின்று முதல்முறையாக வெற்றி பெற்றார் பழனிசாமி. சிலுவம்பாளையம் பழனிசாமி அப்போது எடப்பாடி பழனிசாமி எம்.எல்.ஏவாக மாறியிருந்தார்.
மீண்டும் *1991* சட்டமன்ற தேர்தலில் எடப்பாடி தொகுதியில் பழனிசாமி வெற்றி பெறும்போது

மு.க ஸ்டாலின் திமுகவின் பட்டத்து இளவரசர்.
*1998ல்* எடப்பாடி பழனிசாமி திருச்செங்கோடு பாராளுமன்ற தொகுதியின் எம்.பி.
மு.க.ஸ்டாலினின் அப்போது சென்னை மேயர் . அவரது தந்தை தமிழக முதல்வர்.
*2006 - 2009* காலகட்டங்களில் மு.க.ஸ்டாலின் தமிழக உள்ளாட்சித்துறை அமைச்சர். *2009ல்* ஸ்டாலினின்

அண்ணன் மு.க.அழகிரியை மத்திய கேபினட் அமைச்சராக்கும்போது குடும்பத்துக்குள் எழும் வெட்டுக்குத்துக்கு பயந்து அப்போது மு.க.ஸ்டாலினை துணை முதல்வராக்கிவிட்டு தினமும் பாராட்டு விழாக்களுக்கு போவதும் , சினிமா படங்களுக்கு வசனம் எழுதுவதுமாக காலத்தை ஓட்டிக்கொண்டிருந்தார் அவர் நைனா.

*2011ல்* திமுக எதிர்க்கட்சி அந்தஸ்தைக்கூட தேமுதிகவிடம் பறிகொடுத்துவிட்டு சட்டசபையின் மூன்றாவது கட்சியாக இருந்தபோது எடப்பாடி பழனிசாமி நெடுஞ்சாலைத்துறை அமைச்சர்.
*2016ல்* மு.க.ஸ்டாலின் எதிர்க்கட்சி தலைவராகும்போது எடப்பாடி பழனிசாமி பொதுப்பணித்துறை அமைச்சர்.
*அதிமுகவின் ஆலமரமாக*

இருந்த அம்மா மறைந்தபோது கட்சியும் ஆட்சியும் கலகலத்தது.
அப்போது எழுந்த ஓபிஎஸ்சின் தர்மயுத்த கலகத்தில் அதிமுகவிற்கு வழி பிறந்தது.
தனக்கு இனி வேறு வழியில்லை என்ற சூழல் வந்தபோது சசிகலாவால் முன்மொழியப்பட்டார் பழனிசாமி.
ஆமாம். இதில் மறைக்கவோ மறுக்கவோ எதுவும் இல்லை. பழைய கதைகளில் வரும்

காட்சி போலதான் இதுவும் நடந்தது.
வாரிசு இல்லா மன்னன் இறந்துபோனால் பட்டத்து யானையின் கையில் மாலையை கொடுத்து அது யார் கழுத்தில் மாலையை போடுகிறதோ அவரே மன்னர் என அறிவித்த கதைபோல இந்த உண்மை கதையில் சசிகலாதான் அந்த பட்டத்து யானை.
பட்டத்து யானை மாலையை போட்ட கையோடு தன் குட்டிக்கு

தன்னுடைய மரியாதையை கொடுக்க சொல்லிவிட்டு காட்டுக்கு போனது.
அந்த குட்டி யானை தன்நிலை அறியாமல் புதிய மன்னனின் சிம்மானத்தின் மீதே குறியாக இருந்தது.
சமயம் பார்த்து குட்டி யானை அரண்மனையை (அதிமுக) விட்டு விரட்டப்பட்டு அனைத்தும் சுபமாக முடிந்தது.
இதெல்லாம் தன் முன்னே

நடக்கும்போது திமுக பொருளாளர் பதவியிலிருந்து திமுக தலைவர் என்ற பதவிக்கு மாறியிருந்தார் மு.க.ஸ்டாலின்.
*'சீனி சக்கரை சித்தப்பா'* என்ற பழமொழியை காது புளிக்க சொன்னதுபோல 'எடப்பாடி ஆட்சி இன்னும் 30 நாளில் கவிழும், கவிழும், விழும், ழும், ழும்' ம்' என சொல்லி சொல்லி

காதடைத்துப்போய் இப்போது அதை சொல்வதையே விட்டுவிட்டார்.
*எடப்பாடி பழனிசாமி முதல்வரானது வேண்டுமானால் அதிர்ஷ்டத்தால் இருக்கலாம்* ஆனால் அதை 3 ஆண்டுகளுக்கும் மேலாக தக்க வைத்துக்கொள்ள அதையும் தாண்டின திறமை வேண்டும்.
*"மு.க"* என்ற ஒரு இனிஷியலை எடுத்துவிட்டு பார்த்தால் வெறும்

*ஸ்டாலின் என்ற ஒரு மனித பொம்மைக்கு* எந்த ஒரு தனித்த அடையாளமும் கிடையாது.
அரசியல் வாழ்க்கையை விட்டே விலகினாலும் பழனிசாமி என்ற மனிதருக்கு விவசாயி என்ற ஒரு அடையாளம் இருக்கும்.
30 நாளில் ஆட்சி கவிழும் என குடுகுடுப்பை அடிக்காத குறையாக குறி சொல்லிக்கொண்டிருந்த

ராஜமுந்திரி வகையரா *ஸ்டாலின் கண் முன்பே 3 முறை கோட்டையில் தேசிய கொடியை ஏற்றிவிட்டார்* எடப்பாடி பழனிசாமி என்ற ஒரு அதிமுக தொண்டன்.
கால் நூற்றாண்டுக்கும் மேலான காலத்தில் தன் தந்தையின் தயவில் கட்சியின் தலைமை பதவியை நோக்கிய முன்னேறி இப்போதும் கோலம் போட்டுக்கொண்டிருக்கும்

ஸ்டாலினுக்கு மத்தியில் எங்கோ ஒரு மூலையில் கருப்ப கவுண்டர் என்ற விவசாயியின் மகனாக பிறந்து தமிழக மக்களின் பிரதிநிதியாக வெளிநாட்டுக்கு சென்றிருக்கும் எடப்பாடி பழனிசாமி என்ற ஒரு அதிமுக முதன்மை தொண்டனின் வளர்ச்சி நிச்சயம் பிரமிக்க வைக்கிறது.
இன்னும் *30* ஆண்டுகளுக்கு

பிறகு அதிமுகவிற்கு *வேறொரு புது முகம், வேறொரு தொண்டன் தலைவனாக கிடைப்பான்.* ஆனால் திமுகவில் *திராவிட வர்ணாசிரமத்தை தாண்டி வேறோரு புது தலைவர் கிடைக்க வாய்ப்பே இல்லை.*

அதனால்தான் *அதிமுக என்ற ஒரு கட்சி தொடங்கப்பட்டு தற்போது வரையுள்ள 45 ஆண்டுகளில் வெறும் 14 ஆண்டுகளை மட்டுமே திமுகவால் ஆட்சி செய்யமுடிந்திருக்கிறது.*