Thread by @SundarrajanG

விபத்தினாலோ வேறு காரணங்களாலோ மூளையில் அடிபட்டு சிகிச்சை பெறுபவர்களை மேம்படுத்த, 'மஹாமிருத்யுஞ்சய' மந்திரம் உதவுமா என்ற ஆராய்ச்சிக்கு இந்தியன் கவுன்சில் ஃபார் மெடிக்கல் ரிசர்ச் நிதியுதவி அளித்திருக்கிறது.

'மஹாமிருத்யுஞ்சய' மந்திரம் என்பது ரிக் வேதத்தில், இறந்தவர்களை

உயிர்ப்பிப்பதற்காக சொல்லப்பட்டதாகக் கூறப்படும் மந்திரம்.
மந்திரம் இதுதான்:
"oṃ tryambakaṃ yajāmahe sugandhiṃ puṣṭi-vardhanam
urvārukam iva bandhanān mṛtyor mukṣīya mā 'mṛtāt".

எய்ம்ஸில் பணியாற்றிவந்த நியூரோஃபார்மகாலஜிஸ்டான டாக்டர் அசோக் குமார் என்பவர் 2014ல் இந்த

திட்டத்தை ஐசிஎம்ஆர் முன்பாக வைக்கிறார். இதை ஆராய்ந்து பார்த்த ஐசிஎம்ஆர், மாதம் 28,000 ரூபாய் வழங்குவதாகக் கூறி இந்தத் திட்டத்திற்கு அனுமதியளிக்கிறது. முதலில் ஒரு வருடத்திற்கு அனுமதியளக்கப்பட்ட இந்தத் திட்டம், பிறகு மேலும் இரண்டு ஆண்டுகளுக்கு நீட்டிக்கபடுகிறது.
இதனை செயல்படுத்திப்

பார்க்க எய்ம்ஸில் அனுமதி கேட்கிறார் அசோக் குமார். அவர்கள் அனுமதி மறுக்கவே ராம் மனோகர் லோகியா மருத்துவமனையை அணுகி அனுமதி பெறுகிறார். மொத்தம் நாற்பது நோயாளிகள் கணக்கில் எடுத்துக்கொள்ளப்பட்டனர். இருபது பேர் சிகிச்சை பெறும்போது மந்திரங்கள் ஓதப்பட்டன. 20 பேருக்கு மந்திரங்கள்

ஓதப்படவில்லை.
இதை மூளைக் காயமடைந்து ஒரு நாளைக்குள் சொல்லத் துவங்க வேண்டும். 7 நாட்களுக்குள் ஒரு லட்சத்து 25 ஆயிரம் தடவை சொல்ல வேண்டும். இதைச் சொல்வதற்காக லால் பகதூர் சாஸ்திரி ராஷ்ட்ரிய சன்ஸ்க்ருத் வித்யாபீடத்திலிருந்து ஆசிரியர்கள் வரவழைக்கப்பட்டனர்.

ஆய்வு முடிந்துவிட்டது.

முடிவுகள் வெளியிடப்படவில்லை. இந்த மந்திரத்தால் நோயாளிகள் மேம்பட்டார்கள் என்கிறார் டாக்டர் அசோக் குமார். மேம்பாடு இருந்ததாகத் தெரியவில்லை என்கிறார் நியூராலஜி துறையின் தலைவர் அஜய் சவுத்ரி (விரைவில் இவர் இடமாற்றத்தை எதிர்பார்க்கலாம்).முடிவு எப்படியிருக்கும் என எல்லோருக்கும் தெரியும்

caravanmagazine.in/health/brain-i…
@muralijourno