Thread by @hajendrenP

நண்பர் பா ஏகலைவன் (பா. ஏகலைவன் ) செய்த சிறப்பான சம்பவம்.. ;)

பேசாததை பேசுவோம்-4
----------------------------------------------
காலம் தோறும் மோசடிகள்.!

அதனால், நிறைய பேச வேண்டிய காலம் இது.

#கீழடி_தமிழர்_நாகரிகம் #திருட்டுதிராவிடம்

https://twitter.com/cartoonistbala/status/1176063780876427265

எழுத்தாளர் சு. வெங்கிடேசனுக்கும் கீழடி அகழாய்வுக்கும் என்ன தொடர்பு.?

அவர் அந்த நிலத்தை தானமாக வழங்கிய பேரா. #கரு_முருகேசனா? #சோலைக்குடும்பரா? ஆய்வுக்கு வழிகாட்டி உதவிய உள்ளூர் பள்ளி ஆசிரியர்,#பாலசுப்ரமணியனா? அல்லது கீழடியை பரிந்துரை செய்த தொல்லியல் அறிஞர் #வெ_வேதாசலம் மா?

இல்லை, இந்த ஆய்வை நடத்தவேண்டும் என முனைந்து ஆய்வு செய்ய அலைந்து தேடி அறிந்த மத்திய தொல்லியல் துறை கண்காணிப்பாளர் #அமர்நாத்_ராமகிருஷ்ணன் னா? அல்லது இதில் மத்திய அரசு சிக்கல் செய்த போது நீதிமன்றத்தில் சட்டப் போராட்டம் நடத்திய !#வழக்கறிஞர்கனிமொழி மதியா?

பிறகு ஏன் இந்த #தலைவர்கள் எல்லாம் சுற்றி நின்று ‘வெங்கிடேசனே போற்றி’ என்கிறார்கள்? இவர்களின் நோக்கம் என்ன? என்றாய்ந்தால்....காலம் காலமான இவர்களின் மோசடி அரசியல் அம்பலமாகும்.

உண்மையில் இந்த தலைவர்கள் பாராட்ட வேண்டும் என்றால், நாம் மேலே சொன்ன பெருந்தகையாளர்களை பாராட்டியிருக்க

வேண்டும்.
கொண்டாடி இருக்க வேண்டும். ஆனால் அப்படி செய்யவில்லை.

#சு.#வெங்கிடேசனை மட்டுமே முன்நிறுத்துகிறீர்கள். இதன் மூலம், ‘திராவிடர்கள்தான் தமிழர்களின் நாகரீகத்தை தோண்டி எடுத்து கொண்டுவந்தார்கள்’ என்ற வரலாற்று திரிப்பை முன் வைக்கிறீர்கள். வழக்கம்போல் நாங்கள்தான் துணை நின்றோம்

என்ற திரிப்பு வேலையை செய்கிறீர்கள். இது காலம் காலமாக நடந்து வருவது.

#மாணவர்களின் இந்தி எதிர்ப்பு போராட்டத்தை உங்களுடையதாக்கி கொண்டீர்கள்.

#காங்கிரஸ் கட்சி முன்னெடுத்த வைக்கம் போராட்டத்தை உங்களுடையதாக்கி கொண்டீர்கள்.

#காங்கிரஸ் கட்சியின் கோயில் நுழைவுப் போராட்டடத்தையும் உங்களுடையதாக்கி நின்றீர்கள்.

அந்த வரிசையில் ’#கீழடி_அகழாய்வையும்’ முடிக்கப் பார்க்கீறீர்கள்.

திட்டமிட்டு காய் நகர்த்தி வந்த சு.வெங்கிடேசனை கீழடிக்கான கதாநாயகனாக்குறீர்கள்.

சு.வெங்கிடேசன் இது பற்றி நாளேட்டில் எழுதிய அதே காலகட்டத்தில் பலரும் கீழடியை பற்றி எழுதினார்கள். சமூக #வலைதளங்களில் பரப்பினார்கள். கொடுங்கேடு என்ன என்றால் ‘சு.வெ’-விற்கு இருந்த ஊடக விசிறி மற்றவர்களுக்கு இல்லை. அது இங்கே திட்டமிட்டு உருவாக்கப்பட்டிருக்கும் ஊடக தர்மம்.

அந்த ‘பில்டப்போடு’ கருப்பனசாமி, ஐய்யனார்சாமி வேடமணிந்தவர்களை வைத்து ஆட்டம் பாட்டமென கீழடி சென்று மூன்று கலயங்களில் மண் எடுத்து வந்தார். அதை வைத்து சென்னை மதுரையில் தமிழர் உரிமை மாநாடு என நடத்தி ‘பில்டப் கட்டிடத்தை’ எழுப்பிக் கொண்டார்.

இங்கே ஒரு விஷயத்தை கூற வேண்டும். 1990 களின் தொடக்கம் என நினைக்கின்றேன். தமிழ்நாடு முற்போக்கு எழுத்தாளர்கள் சங்கத்தின் ‘கலை இலக்கிய இரவு’ நிகழ்ச்சி என்றால் அது திருவண்ணாமலைதான். #பவா_செல்லதுரை, #கருப்புகருணா, காளிதாசன், கருப்பு அன்பரசன் உள்ளிட்ட பலரின் உழைப்பு அப்படியான பெயரை

நிலைக்க வைத்தது.

அதைக்கண்டு, தானும் அப்படி செய்ய வேண்டும் என திருவண்ணாமலைக்கு வந்து மாதக்கணக்கில் கூடவே இருந்து அனைத்தையும் அறிந்துகொண்டு, மதுரை சென்று, அதைப்போலவே ‘கலை இலக்கிய இரவு’ நிகழ்ச்சியை நடத்தி...அப்படித்தான் தன்னை நிலைநிறுத்திக் கொண்டார். இது ஒரு

லாபி- சந்தைப்படுத்தும் முறை! கட்சிதமாக செய்யக்கூடியவர். அவரது தனித் திறமை. (பாராட்டலாம்தான்)

சொல்லப்போனால் அப்படித்தான் கீழடியில் தன் முகத்தை வலிய வைத்து முன்னிலைப் படுத்திக் கொண்டார். நாடாளுமன்ற தேர்தல் வந்தது. ஆதவன் தீட்சன்யாவுக்கோ, கருப்பு

கருணா, இன்னுமுள்ள மற்றவர்களுக்கோ எம்.பி. சீட் கிடைக்கவில்லை. அது ஒரு அரசியல்!!

ஆனால், ‘சு.வெ’ கிடைத்தது.
தேர்தல் பிரச்சாரத்திற்கு முன்பு அவரது ‘திராவிடத் தாயை’ வணங்கவில்லை. தமிழ்த் தாய் சிலைக்கு மாலையிட்டு வணங்கிதான் தமிழர்களிடம் ஓட்டுப் பிச்சைக் கேட்டார். வெற்றியும் பெற்றார்.

அப்படி, டெல்லிக்கு சென்ற இந்த புன்னியவானின் தலையில் தமிழ்த் தாய் அல்ல,திராவிடத் தாய்தான் ஏறி அமர்ந்துகொண்டார்.

பேசாத தன் பிள்ளை பேசவேண்டும் என தவமிருந்த அம்மாவுக்கு, மகன் பேசத் தொடங்கி சொன்ன முதல் வார்த்தையே ‘அம்மா நீ எப்போ நாசமா போவே’ என்றதைப்

போன்றுதான் சு.வெங்கிடேசனின் துரோகம்.

கீழடி அகழாய்வு குறித்து அவர் நாடாளுமன்றத்தில், பேசியபோது ‘திராவிட நாகரீகம்’ என்றே பதிவு செய்தார். எப்படியான துரோகம் இது.

இப்படியான நபர்களைத்தான் இந்த அரசியல் தலைவர்கள் ’தூக்கி நிறுத்துகிறார்கள்’. ஏதோ கீழடி ஆய்வையே வெங்கிடேசன்தான் தூக்கி

நிறுத்தினார். அவர் இல்லை என்றால் தமிழர்களின் தடயமே தெரிந்திருக்காது என்று.

பிராமணர்கள் கட்டிப்பிடித்து, முதுகில் நூல் இருக்கின்றதா என தடவிப்பார்த்து, ஆதரித்து தூக்கி நிறுத்தியதெல்லாம் அந்த காலம். இப்போதெல்லாம் திராவிடர்கள் தான் அதை கச்சிதமாக செய்கிறார்கள்.

சமூக ஊடகங்கள்-வலைதளங்கள் வந்துவிட்ட இந்த காலத்தில், முன்பைவிட இன்று ஏராளமான பிள்ளைகள் படித்தறியத் தொடங்கிவிட்ட நிலையில், இப்படி ஒரு மடை மாற்றத்தை துணிந்து செய்கிறார்கள் என்றால்.... இது எல்லாம் இல்லாத காலத்தில் செய்த ‘மடை மாற்றிய வரலாறுதானே’ இன்று திராவிட வரலாறு என்கிறார்கள்.

குறிப்பு- அமெரிக்க அதிபர் டொனால்ட் ட்ரம்ப்பிடம் பேசி அறிக்கை வெளியிடச் செய்தாலும் வேலைக்காகாது. பிள்ளைகள் முன்பு போல் இல்லை.

#TamilsOldestCivilization
#KeezhadiTamilCivilization