Thread by @abhiautade

भाजपला राज्यात अजिबात स्थान नव्हते त्या काळात मा बाळासाहेब ठाकरे आणि खा शरद पवार ही दोन नक्षत्र एकमेका समोर दंड थोपटून लढत होते. दोघंही प्रसिद्धीच्या शिखरावर होते. त्यावेळी भाजप पाळण्यात खेळत होता. पण हे पाळण्यातील बाळ खूप हुशार होत. त्यांनी बाळासाहेब ठाकरेंचं बोट घट्ट धरून

स्वतःची वाढ करून घेतली आणि तो हळूहळू राज्यात चवथ्या क्रमांकावर पोहचला. त्यांनी शिवसेनेशी दोस्ती करून एक करार करून घेतला. आम्हाला राज्य पातळीवर रस नाही देश पातळीवर रस आहे, तुम्हाला देश पातळीवर रस नाही राज्य पातळीवर रस आहे. केंद्रात आम्ही मोठे भाऊ राज्यात तुम्ही मोठे भाऊ. याचा अर्थ

स्पष्ट होता. दिल्लीत पंतप्रधान भाजपचा आणि मुंबईत मुख्यमंत्री शिवसेनेचा.हा त्यांच्या युतीचा फॉर्म्युला.त्यासाठी राज्यात जास्त लोकसभा भाजप लढविणार आणि विधानभेच्या जास्त जागा शिव सेना लढणार.त्यासाठी त्यांनी 9 चा आकडा लकी ठरवून जागा वाटप केल्या. विधान सभेत
शिवसेना 171
भाजप 117

1+7+1=9
1+1+7=9
असा जागा वाटप फॉर्म्युला होता. हा फॉर्म्युला स्व बाळासाहेब ठाकरे आणि स्व प्रमोद महाजन व स्व गोपीनाथ मुंढे यांनी ठरविला. आता या तिघांही नेत्यांच निधन झालं आहे आणि हा फॉर्म्युलाही मृत झाला.
2014 च्या लोकसभेच्या निवडणुकीत सेना भाजपची युती झाली होती आणि तेंव्हा

गोपीनाथ मुंढे हयात होते. नंतर त्यांचं लगेच निधन झालं आणि विधानसभा निवडणुका लागल्या. यावेळी भाजपने 117 पेक्षा जास्त जागांची मागणी करत युती तोडली. याच कारण अस होत,धनगर सारखा खूप मोठा जाती समूह भाजप सोबत होता आणि मोदीं साहेबांची हवा होती. त्यांचा अंदाज खरा ठरला 122 जागा जिंकत भाजप

विधानसभेतील सर्वात मोठा पक्ष ठरला. मग भाजप+सेना यांची युती होऊन नवं सरकार स्थापन झाले.पण भाजप अधून मधून शत प्रतिशत भाजपच्या घोषणा देतच होते.
2019 च्या लोकसभा निवडणुकी पूर्वी भाजपने पक्ष वाढीसाठी काँग्रेस एनसीपी मधून अनेक बड्या नेत्यांची आवक केली तरी स्वबळावर भाजप उमेदवार निवडून

येतील याची त्यांना खात्री वाटत नव्हती म्हणून त्यांनी पुन्हा शिव सेने सोबत युती केली आणि त्याच वेळी करारही केला.विधान सभेत 18 जागा मित्र पक्षांना देऊन दोन्ही पक्ष 135/135 जागांवर लढतील असा करार झाला.
पण आता प्रत्यक्ष निवडणुकीच्या वेळी
135/135 जागांचा करारही भाजपने तोडाला. मोदींची

हवा असल्यामुळे खुद्द उद्धवजी हवाल दिलं
झाले आहेत त्यांनी भाजपच्या दांडगाईला मान्यता दिली.पुन्हा नवा करार झाला.भाजपने मित्र पक्षासाठी 18 जागा मागून घेतल्या आणि उरलेल्या जागेतून 124 जागा शिवसेनेला देत स्वतःकडे 146 जागा घेतल्या.मित्र पक्षासाठी 18 जागा मागून घेतल्या असतांना त्यातल्या

पुन्हा 6 जागा भाजपने काढून घेतल्या आता या जागा अशा झाल्या,
भाजप 152
शिव-सेना 124
मित्र पक्ष 12
पण इथेही भाजपने मित्र पक्षाच्या उमेदवारांनी भाजपच्या कमळ🍁 चिन्हावर निवडणूक लढवावी अशी अट घातली. ही अट,रामदास आठवले, विनायक मेटे आणि सदाभाऊ खोत यांनी मान्य केली पण महादेव जानकर यांनी

विरोध करत रासपच्या चिन्हावर लढण्याचा हट्ट धरला.भाजप तयार झाला त्यांनी दोन जागा रासपला सोडून ईतर मित्र पक्षाच्या उमेदवारांना कमळ चिन्ह दिलं.आता पुन्हा या 10 जागा भाजपच्या खात्यात गेल्या आता भाजपच्या जागा झाल्या 162.पण इथेही भाजपने रासपला अट घातली.चिन्ह तुम्ही ठरवाल ते आणि उमेदवार

आम्ही ठरवू ते.त्या प्रमाणे भाजपने दौंड आणि जिंतूरची जागा रासपला देऊन दौंड साठी राहुल कुल आणि जिंतूरसाठी रामप्रसाद बोर्डीकर हे उमेदवार दिले.या दोघांना रासप बद्दल कोणतीही आपुलकी नाही आत्मीयता नाही हे दोघेही भाजपशी एकनिष्ठ आहेत.रासपने आपल्या या दोन उमेदवारा साठी ए बी फॉर्म तयार केले

आणि स्वतः महादेव जानकर पक्षाचे ए बी फॉर्म घेऊन दौंडला गेले आणि बाळासाहेब दोलतोडे जिंतूरसाठी रवाना झाले. हे दोघे फार्म भरायच्या जागी पोहचण्या आधीच फडणवीस साहेब आणि चंद्रकांतदादा पाटील यांची माणसं तिथे पोहचले त्यांनी भाजपचे ए बी फॉर्म देऊन कुल आणि बोर्डीकर यांचे अर्ज दाखल केले.

आता जागा वाटप अस झालं,
भाजप 164
शिवसेना 124
मित्र पक्ष 000
याला राजकारणात मुत्सद्दी पणा म्हणतात आणि आपल्या सामान्य लोकांच्या भाषेत *लबाडी* म्हणतात.भाजपने मित्र पक्षांची दिशाभूल करत,शिवसेनेची नजरबंदी केली आहे.
हे धोरण आहे भाजपच.पुढच्या निवडणुकीत महायुती नाही, कोणी मित्र नाही🤔