Thread by @RajarajanRj

நடப்பது மிகப்பெரிய உளவியல் தாக்குதல். செய்பவர்கள் அதில் இரண்டாயிரம் ஆண்டு அனுபவமிக்கவர்கள்.

அவர்களின் கொள்கையான இந்துத்துவத்தை அதாவது பார்ப்பனியத்தை வலுவாக எதிர்த்த கொள்கைகள். மதசார்பின்மை, பொதுவுடமை(கம்யுனிசம்), திராவிடம்.

முறையே இந்த மூன்றுக்கொள்கைகளையும் முன்னெடுத்த கட்சிகள்

காங்கிரஸ்,
கம்யுனிஸ்ட் கட்சிகள்,
திமுக.

இந்துத்துவா இன்று இருக்கும் பலத்திற்கு அவர்கள் அடித்தளம் போட ஆரம்பித்து பல ஆண்டுகள் ஆகிறது. தங்களை வலுவாக எதிர்க்கும் கருத்தியல்களை நீர்த்துப்போகச்செய்வது அவர்களின் முதல் வேலை.

காங்கிரசின் மூலக்கொள்கையான மதச்சார்பின்மை என்பதை

கேள்விக்குள்ளாக்கியதுமில்லாமல், கேலிக்குள்ளாக்கினார்கள். Secular என்பதை Sickular என்றார்கள். அதாவது மதசார்பின்மை என்பது ஒரு போலித்தனம் எனப்பரப்பினார்கள். மதசார்ப்பின்மை பேசுபவர்கள் இந்து விரோதிகள் என்றார்கள். இந்த பிரச்சாரம் வட இந்தியாவில் எடுபட்டதால் தான் வடக்கில் பாஜக ஜெயிக்க

முடிகிறது.

கம்யுனிசம் என்பதையும் இந்துத்துவம் அடியோடு வெறுக்கும். கம்யுனிசத்தின் மூலக்கொள்கை மதங்களையும், முதலாளித்துவத்தையும் எதிர்ப்பது தான். மதமும் முதலாளித்துவமும் இந்துத்துவத்தின் இரண்டு கண்களாக இருக்கிறது. ஆகவே, கம்யுனிசத்திற்கு எதிரான பரப்புரைகளை ஆழமாக விதைத்தார்கள்.

அவர்களை வன்முறையாளர்களாக, கொலைக்காரர்களாக, நக்சல்கள் என்றும் கட்டமைத்தார்கள். விளைவு, கம்யுனிசம் பெரும்பான்மையான மாநிலங்களில் வீழ்த்தப்படுகிறது. கேரளா மட்டுமே சற்று ஆறுதலைத்தருகிறது. கேரளாவிலும் இந்துத்துவம் வேறூன்ற அனைத்துவித வேலைகளையும் செய்து வருகிறது.

இந்துத்துவத்திற்கு,அதாவது பார்ப்பனியத்திற்கு நேரெதிரான கொள்கை திராவிடம். இந்துத்துவம் ஆதிக்கம் செலுத்தும் மொழி, மதம், முதலாளித்துவம், சாதியம் என எல்லாவற்றையுமே எதிர்க்கும் ஒரு கருத்தியல் திராவிடம். மதத்தை வைத்து இங்கே மக்களை பிரிக்கமுடியாது என்பதை அவர்கள் உணர்ந்தே இருக்கிறார்கள்.

தமிழ்நாட்டில் இருக்கும் திராவிட அடித்தளத்திற்கு மேலெழுந்த தமிழ் உணர்வு இந்துத்துவத்திற்கு பெரும் சவாலாக இருந்தது. அதை வைத்தே திராவிடத்தை அழிக்க நினைத்தது இந்துத்துவம். தமிழை திராவிடத்திற்கு எதிராக நிறுத்தியது. தமிழ் வேறு திராவிடம் வேறு என எதிரெதிராக நிறுத்தியது. இதை அவர்கள் ஆழமாக

விதைத்தார்கள். அதில் அவர்கள் வெற்றியும் பெற்றார்கள் என்பதே உண்மை. திராவிடம் தேவையில்லை. தமிழ் தேசியம் தான் தேவை என பலக்குரல்கள் கேட்க ஆரம்பித்தது. ஆனால், திராவிடம் என்பது இங்கே மேம்போக்கானதாக இல்லை. அதன் அடித்தளம் பலமானது. சமூகநீதியும், பகுத்தறிவும், மதசார்பின்மையும், சமத்துவ

சிந்தனை மரபும் அதன் தேவையை இன்றும் காட்டியே வருகிறது. திராவிடத்தையும் தமிழையும் எதிரெதிராக நிறுத்தியவர்கள் இப்போது தமிழ் என்பதே இந்து தான் என காவி பெயிண்டை தூக்கிக்கொண்டு வருகிறார்கள். ஆனால், இன்னும் தமிழ்நாட்டில் காவிக்கு செல்ப் எடுக்கவில்லை.

ஆனால், நாம் எதிரிகளை எளிதாக எடைப்போடக்கூடாது. நம் கருத்தியல்கள் மேலும் வலுப்பெற உழைக்க வேண்டும். மதசார்பின்மை, பொதுவுடமை, திராவிடம் ஆகியவற்றை இந்துத்துவத்தை விரட்டியடிக்க நாம் கையிலேந்த வேண்டும்!

- ராஜராஜன். ஆர்.ஜெ