Thread by @r_raktade

हिंदुस्थानात याआधी ही मूर्ती विध्वंसक आले, परंतु हिंदुस्थानच्या मातीने त्यांना याच मातीत गा इतिहास आहे!🚩
वाचला असेल तर नक्की उमजेल...
तुमच्या सात पिढ्या खपल्या तरी स्वामी विवेकानंदांचे विचार तुम्ही मिटवू शकत नाही, कारण...
#SwamiVivekananda

"इंग्रजाळलेल्या भारतीयांनो, तुमची शरम वाटते!"
पायाच्या नखापासून डोक्यापर्यंत साहेबी बनलेल्या, साहेबी कल्पनांचे अनुकरण करणाऱ्या माझ्या इंग्रजाळलेल्या बांधवांनो ! तुमची मला शरम वाटते. युरोपियांच्या पायाशी बसून लाचारीने अश्रू गाळीत त्यांना विनवत असता, "हे गौरकाय देवांनो!

आम्ही दिन-हीन पतित आहोत. पशुतुल्य जिणे जगत आहोत. आता तुम्हीच आमचे तारणकर्ते व्हा आणि या दीनवाण्या अवस्थेतून आमचा उद्धार करा !"
'येशू भारतात आला आहे आणि आकाशातल्या बापाचा आदेश लवकरच फळाला येणार आहे !" असा डंके पिटणाऱ्यानो, तुम्ही उघड्या कानांनी ऐका.

जिझसही इथे आलेला नाही आणि येहोवा त्याहून आलेला नाही. ते येण्याची सुतराम शक्यताही नाही. आपापल्या चुली सांभाळताना त्यांना इथे यायला उसंत देखील होणार नाही.
इथे तो पुरातन शिवसम्राटच पूर्ववत आसनस्थ आहे. रुधीरप्रिया कालीमातेचीच इथे समारंभपूर्वक पूजा होत आहे.

तो यशोदानंदन गोपाल आपली मोहक मुरली वाजवितो आहे. या शिवाने एकदा वृषभावर आरूढ होऊन डमरूचा रुद्रनाद करीत सुमात्रा, बोर्निओ, सेलेबर, जपानपासून सैबेरियापर्यंत आपली मुद्रा उमटविली होती. आजही उमटवीत आहे. कालीची पूजा चीन आणि जपानमध्ये आजही चाललेली आहे.

ख्रिश्चनांनी तिचे रुपांतर माता मेरीमध्ये केले आहे. ख्रिस्तमाता म्हणून ते तिची पूजा करतात.

हिमालयाची ती उत्तुंग शिखरे पाहा ! उत्तरेला शिवाचे निधान कैलास आहे. दहा तोंडाचा आणि वीस हातांचा महाबलाढ्य रावणसुद्धा ते शिवसिंहासन हलवू शकला नाही. मग बिचाऱ्या मिशनरयांचा काय पाड??

या भरतभूमीत भगवान शिवांचा डमरू सतत रुद्रनाद करीतच राहील. कालीमातेला पशुबली दिले जातच राहतील आणि गोपालकृष्ण त्याची भुवनमोहिनी मुरली वाजवीतच राहील ! हिमालयाइतकेच ते दृढ अचल आहेत. ख्रिस्ती किंवा आणखी कोणा धर्मप्रचारकांनी आकाशपाताळ एक केले तरी ते त्यांना झळ पोहचू शकणार नाही.

तुम्हाला जर हि दैवते सोसत नसली तर रामराम ! तुमच्यासारख्या मुठभर करंट्यासाठी काय या देशाने दम उखडावा आणि मुलखाचे नीरस जीवन पत्करावे? एवढे जग तुमच्यापुढे पडले आहे. शोधा की तुम्हाला सोयीचे कुरण मनमुक्त चरायला! पण हे मुठभर करंटे असे गुण्यागोविंदाने जातील थोडेच!

तसे करायलाही हिंमत लागते. ते शिवाच्या या भूमीतच पोटे भरून घेतील, पण शिवाचीच बदनामी करतील आणि कुठल्यातरी परक्या प्रेषिताचे गोडवे गातील !

पाश्चात्यांच्या पायाशी लाळ घोटणाऱ्या माझ्या देशातल्या या करंट्यांना काय करावे ? ते ओरडत आहेत : 'आम्ही अध:पतित आहोत. ' अशांना म्हटले पाहिजे:

'तुम्ही म्हणता ते खरे असेलही बाबांनो. तुमच्यापुरते ते खरेही असेल. आम्ही कशाला तुमच्यावर अविश्वास धरावा ? पण स्वत:बरोबर सगळ्या राष्ट्राला कशाला त्या खाईत ओढता! हे कोणत्या सभ्यतेचे लक्षण आहे ?'
- स्वामी विवेकानंद

(पूर्व आणि पश्चिम . समग्र वाडमय़, खंड ५)