Thread by @PawarSpeaks

महाराष्ट्राच्या जनतेच्या पाठिंब्यावर निवडून आलेल्या इथे उपस्थित #162 नवनिर्वाचित आमदारांचं सर्वप्रथम निवडणुकीतील यशाबद्दल हार्दिक अभिनंदन. उद्याच्या पाच वर्षांसाठी महाराष्ट्राच्या हिताची जपणूक करण्याचा संकल्प आपण केला आहे.
#WeAre162

माझी खात्री आहे की हा संकल्प सिद्धीस नेण्यासाठी पुरेशा संख्येला पाठिंबा देण्याच्या दृष्टीने आपण सगळे एकत्र आलो आहोत. बहुमत नसताना आज महाराष्ट्रात सरकार आलेलं आहे. केंद्राची सत्ता ज्यांच्या हाती आहे त्यांनी देशाच्या काही राज्यात बहुमत नसताना सरकार स्थापन केले.
#WeAre162

कर्नाटक, गोवा, मणिपूर या ठिकाणी संसदीय पद्धतीच्या तत्त्वाला हरताळ फासून सत्तेचा गैरवापर कसा केला जातो हे देशाच्या इतिहासात @BJP4India ने दाखवले. आता महाराष्ट्रावरही तीच वेळ आणली आहे.
#WeAre162

महाराष्ट्रात २८८ पैकी १६२ सदस्य इथे उपस्थित आहेत. आणखी काही लोकांनी आमच्याशी संपर्क केला आहे. ज्यादिवशी सुप्रीम कोर्टात बहुमत स्पष्ट करण्याचा आदेश दिला जाईल, त्यादिवशी तो पूर्णपणे पाळण्याची आपल्या सगळ्यांची तयारी आहे. त्यात कुठलीही अडचण येणार नाही.
#WeAre162

काही गैरसमज नवीन सदस्यांच्या मनामध्ये निर्माण केले जात आहेत. @AjitPawarSpeaks यांची @NCPspeaks विधिमंडळ नेता म्हणून निवड झाली होती. परंतु त्यांनी @BJP4Maharashtra सोबत जाण्याचा निर्णय घेतला जो पक्षाच्या धोरणाच्या विरोधात असल्याने पक्षाने त्यांच्यावर कारवाई केली.
#WeAre162

आता असं सांगण्यात येत आहे की @AjitPawarSpeaks विधिमंडळ पक्षनेते होते त्यामुळे त्यांना व्हिप द्यायचा अधिकार आहे व त्याची अंमलबजावणी केली नाही तर सदस्यांचं सदस्यत्व रद्द होईल. या पद्धतीने नव्या सदस्यांच्या मनामध्ये संभ्रम आणि भीती दाखवण्याचा प्रयत्न केला जातोय.
#WeAre162

मी स्वच्छपणे आपल्याला सांगतो की ज्या व्यक्तीला पक्षाने दूर करण्याबाबत निर्णय घेतला, ते ज्या पदावर होते त्या पदावरून निष्कासित करण्याचा निर्णय घेतला, त्यांना त्या पक्षाच्या संदर्भात कुठलाही निर्णय, कुठलाही आदेश काढण्याचा अधिकार नाही.
#WeAre162

देशाच्या संसदीय नियमांद्वारे त्याबाबत आम्ही स्पष्टता घेतली, घटनातज्ज्ञांकडून स्पष्टता घेतली व महाराष्ट्रातील विधिमंडळात ज्यांनी अनेक वर्षे काम केले अशा ज्येष्ठ निवृत्त अधिकाऱ्यांकडूनही लिखित मतं घेतली आहेत. जो पक्षातून सस्पेंड झाला आहे त्याला आदेश देण्याचा अधिकार नाही.
#WeAre162

त्यामुळे कुणीतरी सांगत असेल की सदस्यत्व धोक्यात येईल, तर मी जबाबदारीने सांगतो की त्याची पूर्ण जबाबदारी मी व्यक्तिगतरीत्या घ्यायला तयार आहे. अशी काहीही स्थिती नाही. आणि जे सांगतात त्यांनी कृपा करून सदस्यांच्या मनामध्ये अशा प्रकारचा संभ्रम निर्माण करू नये.
#WeAre162

अवैध मार्गाने सत्तेत आलेल्यांना आपण सत्तेपासून तातडीने दूर करू. आपण एकत्रित बसून घेतलेल्या निर्णयांची अमलबजावणी करणारे, सत्य व लोकशाही मार्गाने जाणारे आणि संसदीय मार्गाची प्रतिष्ठा ठेवणारे सरकार आपण महाराष्ट्रात निर्माण करू शकू, हा विश्‍वास तुम्हाला देत आहे.
#WeAre162