Thread by @vmmadhav

சப்த பிரகார மத்யே சரசிஜ முகளோத்பா சமாநே விமாநே
காவேரி மத்யதேச ம்ருதுதர பணிராட் போக பர்யங்கே பாகே
நித்ரா முத்ரா பிராமம் கடி நிகட சிர பார்ச்வ வினயச்த ஹஸ்தம்
பத்மாதாத்ரீ கராப்யாம் பரிசித சரணம் ரங்கராஜம் பஜேஹம் 🙏
#ஸ்ரீரங்கநாதஸ்தோத்ரம் #ஸ்ரீபராசரபட்டர் #Srirangam #Divyadesams #Trichy

கடந்த வாரம் சனி மற்றும் ஞாற்றுக்கிழமை இனிதே சென்றது. ஆம். பூலோக வைகுண்டத்தில். அன்று ஏகாதசி. விஸ்வரூப தரிசனம், அரங்கனின் கடாக்ஷம் கிடைக்கப் பெற்றோம் . ரங்கநாயகி தாயாருடைய கடாக்ஷமும் நிரம்பப் பெற்றோம். இதோ இங்கே அரங்கனின் கம்பீரமான கோபுர தரிசனம் - "ஸ்ரீரங்கா ஸ்ரீரங்கா ஸ்ரீரங்கா"🙏

செங்கமலவல்லி தாயார், முதலாழ்வார்கள் , தன்வந்திரி, லக்ஷ்மி நாராயணன், வேதாந்த தேசிகன், சந்திர புஷ்கரனி, மேட்டு அழகிய சிங்கர், வேணுகோபாலன், வாசுதேவன், ராமன், ஆண்டாள், பரமபதநாதன்-ஸ்ரீதேவி பூதேவி, நீளாதேவி நாச்சியார்களுடன், ஆழ்வார்கள், ஆச்சார்யர்கள் எல்லோரும் ஒருசேர கண்ணாடி அறையில்,

ஸ்ரீனிவாசன், இராமானுஜர் - தானான திருமேனி, கருடாழ்வார், சக்கரத்தாழ்வார் என எல்லா உப சந்நிதிகளையும் ஸேவித்து அவர்களது கடாக்ஷத்தையும் பெற்றோம்.

அடுத்து, உறையூரில் கமலவல்லி நாச்சியாரை தரிசிக்க பயணித்தோம். ஸ்ரீரங்கத்திலிருந்து 5 கி.மி தூரத்தில் உள்ளது, இந்த திவ்யா தேசம்.

அழகிய மணவாளன் அவனுடைய பெயருக்கேற்றாற்போல் காட்சியளித்தான். இங்கு கமலவல்லித் தாயாருக்கும் அழகிய மணவாளனுக்கும் ஒரே சந்நிதி. பங்குனி ஆயில்யம் அன்று நம்பெருமாள், இந்த திவ்யதேசத்திற்கு எழுந்தருளி கமலவல்லி நாச்சியாருடன் சேர்த்தி சேவை சாதிக்கிறார். திருப்பாணாழ்வாரின் அவதார ஸ்தலம்.

அவருக்கு இங்கு தனி சந்நிதி உள்ளது.

ஆபாதசூட மநுபூய ஹரிம் ஸயாநம்
மத்யே கவேர துஹிதுர் முதிதாந்தராத்மா|
அத்ரஷ்ட்ருதாம் நயநயோர் விஷயாந்தராணாம்
யோ நிஸ்சிகாய மநவை முநிவாஹநம் தம்||

இவர் கார்த்திகை ரோஹிணி நக்ஷத்திரத்தில் அவதரித்தார். அரங்கனைக் கண்ட கண்கள் மற்றொன்றினை காணாதே என்று உருகி

அரங்கன் மேல் தீராத காதல் கொண்டு "அமலனாதிபிரான்" என்ற நாலாயிர திவ்யா பிரபந்தத்தை இயற்றினார். இங்கு நம்மாழ்வார் மற்றும் இராமானுஜனுக்கும் தனி சந்நிதிகள் உள்ளன. அழகிய மணவாளன் இந்த திவ்யா தேசத்தில் நின்ற திருக்கோலத்தில் காட்சிதருகின்றான். #Woraiyur #Divyadesam #Trichy

அடுத்து உத்தமர் கோவில் என்கிற திவ்யதேசம். இந்த திவ்யா தேசத்தின் சிறப்பு, மும்மூர்த்திகள் பிரம்மா, விஷ்ணு, சிவன் தங்கள் தேவிமார்களுடன் காட்சியளிக்கின்றனர். பெருமாள் புருஷோத்தமன் என்ற நாமத்துடன், சயனக்கோலத்தில் காட்சி தருகிறார். தாயார் பூரணவல்லித் தாயார். #UthamarKovil #Divyadesam

சிவபெருமானுக்கு ப்ரம்மாவின் ஐந்தாவது தலையைக் எடுத்ததனால் ஏற்பட்ட ப்ரஹ்மஹத்தி தோஷத்தை, பூரணவல்லி தாயார் பிக்ஷை இட்டு நீக்கியதாக ஸ்தல புராணம் கூறுகின்றது. சிவபெருமான் இங்கு பிச்சாண்டார் என்று அழைக்கப்படுகிறார். இந்த கோவில் பிச்சாண்டார் கோவில் மற்றும் திருக்கரம்பனூர் என்றும்

அழைக்கப்ப்படுகிறது. பிரம்மா மற்றும் சரஸ்வதிக்கும் இங்கு தனி சந்நிதிகள் உள்ளன. தற்போது திருப்பணிகள் நடைபெற்று கொண்டுள்ளது. திருமங்கையாழ்வார் இந்த திவ்யதேசத்தை மங்களாசாசனம் செய்துள்ளார்.

பேரானைக் குறுங்குடி யெம் பெருமானைத் திருத்தண்கா
லூரானைக் கரம்பனூர் உத்தமனை முத்திலங்கு

காரார் திண்கடலேழும் மலையேழிவ் வுலகுண்டும்
ஆராதென் றிருந்தானைக் கண்டது தென்னரங்கத்தே

பொதுவாக, வைணவக் கோவில்களில் நவகிரஹ சந்நிதி இருக்காது, அனால் இந்த திவ்யதேசத்தில் நவகிரஹ சந்நிதி மற்றும் ஹனுமான் சந்நிதிகளும் உள்ள

#Thirukarambanoor #Divyadesam #Trichy

அடுத்து திருவெள்ளறை என்கிற திவ்யதேசம். இங்கு பெருமாள் புண்டரீகாக்ஷனாக நின்ற திருக்கோலத்தில் காட்சி தருகின்றார். மிக பரந்து விரிந்த கோவில். இங்கு ஒரு 20 அல்லது 30 படிக்கட்டுகள் ஏற வேண்டும். இரு வாசல்கள் உள்ளன. தக்ஷிணாயன வாசல், உத்தராயண வாசல். அயனத்தை பொறுத்து, பெருமாள் சந்நிதி

நுழைவாயில் திறக்கப்படும். பெரியாழ்வார் காப்பிடல் என்ற பிரபந்தத்தை திருவெள்ளறை எம்பெருமான் மேல் பாடியுள்ளார். இங்கு பெருமாளுக்கு இந்திரன், சந்திரன் சாமரம் வீசுகின்றனர். கருடாழ்வார், ஆதிசேஷன் வலது, இடது புறங்களில் இருக்கின்றனர். இங்கு ஆதி சேஷன் மனித உருவில் காட்சி தருவது விசேஷம்.

மார்க்கண்டேய மகரிஷியும் பூமாதேவி தாயாரும் அமர்ந்து காட்சி தருகின்றனர்.

இந்திர னோடு பிரமன் ஈசன் இமையவ ரெல்லாம்
மந்திர மாமலர் கொண்டு மறைந்துஉவ ராய்வந்து நின்றார்
சந்திரன் மாளிகை சேரும் சதிரர்கள் வெள்ளறை நின்றாய்
அந்தியம் போதுஇது வாகும் அழகனே காப்பிட வாராய்

#Thiruvellarai

தாயாருக்கு தனி சந்நிதி உள்ளது. தாயாரின் பெயர் பங்கஜவல்லித் தாயார்.

வைணவ குருபரம்பரையில் பெரும் ஆச்சார்யரான உய்யகொண்டாரின் அவதார ஸ்தலம். எங்கள் ஆழ்வான் என்று உடையவரால் அழைக்க பெற்ற ஆச்சார்யரின் அவதார ஸ்தலம். கூரத்தாழ்வன் பரமபதித்தபின் எங்கள் ஆழ்வான், இராமானுஜருக்கு ஸ்ரீபாஷ்யத்தை

முடிக்க உதவியாக இருந்தார். இங்கு குலசேகராழ்வார் சக்கரத்தாழ்வார், ஆண்டாள், ந்ருஸிம்ஹருக்கும் தனி சந்நிதிகள் உள்ளன.

இங்கு இராஜகோபுரம் முடியாத நிலையில் உள்ளது.
நங்கள் சென்ற சமயம், சாயம் சந்தியா காலம். குளிர்ந்த காற்று, அழகிய பெருமாள் தாயாரைப் பிரிந்து வர மனமில்லாமல் புறப்பட்டோம்.