Thread by @sandhya_renjith

ഇന്നലെയും ഇന്നുമായി സമുദായാചാര്യന്റെ ഓർമ്മകൾ സ്പന്ദിക്കുന്ന പെരുന്നയിലെ സമാധിമണ്ഡപത്തിൽ എല്ലാ വർഷത്തെയും പോലെ ഈ വർഷവും പുഷ്പാഞ്ജലി അർപ്പിക്കുവാനുള്ള അവസരം വീണ്ടും കിട്ടി. ഒരു നായർ സമുദായ അംഗം എന്ന നിലയിൽ അഭിമാനാർഹമായ നിമിഷങ്ങളായിരുന്നു അത്. ~1

ആചാര്യൻ ഉപയോഗിച്ചിരുന്ന ഓഫീസ് മുറിയുടെ വാതിൽക്കൽ ഇരുന്നപ്പോൾ എന്റെ ചിന്തകൾ അനേകം വർഷങ്ങൾക്കു് പിന്നിലേക്ക് പറന്നു പോയി. ഞാൻ കോളജ് വിദ്യാർത്ഥി ആയിരുന്ന കാലം മുതൽ എന്റെ ഔദ്യോഗിക ജീവിതകാലം ഒഴിച്ചു നിർത്തിയാൽ~2

ഇന്നുവരെ അവിടെ നടന്ന മാറ്റങ്ങൾക്ക് ദൃക്സാക്ഷിയാണ് ഞാൻ - കിടങ്ങൂർ ഗോപാലകൃഷ്ണപിള്ള എന്ന അതിശക്തനായ ജനറൽ സെക്രട്ടറിയുടെ ഭരണകാലം മുതലാണ് എന്റെ മന്നം ജയന്തി ഓർമ്മകൾ തുടങ്ങുന്നത്. ആ ശബ്ദം കേൾക്കാൻ കൗതുകത്തോടെ രാഷ്ട്രീയ കേരളവും നായർ സമുദായവും കാതോർപ്പിച്ചിരുന്ന കാലഘട്ടം.~3

സ്വസമുദായത്തിന് വേണ്ടി മന്നത്ത് ആചാര്യന്റെ കൂടെ നിഴലായി നിന്ന വ്യക്തിത്വം. സാമ്പത്തിക സംവരണം നേടി എടുക്കണമെന്ന ഉദ്ദേശത്തോടെ രൂപീകരിച്ച എൻ.ഡി.പി.(നാഷണൽ ഡെമോക്രാറ്റിക് പാർട്ടി ) ക്ക് 5 എം.എൽ.എ.മാർ അതിൽ 2 മന്ത്രിമാർ അതായിരുന്നു കിടങ്ങൂർ ' എന്ന വടവൃക്ഷം .~4

ആ കസേരയിൽ പിന്നെ കയറിയിരുന്ന നമ്മുടെ പണിക്കർ ചേട്ടൻ ആരാഷ്ട്രീയ പാർട്ടിയെ കോൺഗ്രസിന്റെ നിരന്തരമായ സമ്മർദ്ദത്തിന് വഴങ്ങി പിരിച്ചുവിട്ടു.കാലം മാപ്പു നല്കില്ലാത്ത അക്ഷന്തവ്യമായ തെറ്റായിരുന്നു അത്. അദ്ദേഹത്തിന്റെ ഭരണകാലം നായർ സർവ്വീസ് സൊസൈറ്റിയുടെ ഇരുണ്ട കാലമാണെന്ന് ~5

ഞാൻ പറഞ്ഞാൽ ഒരു പക്ഷേ
നിഷ്പക്ഷമതികളായവർ അംഗീകരിച്ചേക്കാം. രാഷട്രീയ ലക്ഷ്യത്തോടെ നോക്കിക്കാണുന്നവർക്ക് അതംഗീകരിക്കാൻ ബുദ്ധിമുട്ടുണ്ടാകാം.തുടർന്നിങ്ങോട്ട് കൊട്ടും കുരവയും ആയി പിൻ വാതിലിലൂടെ ജനറൽ സെക്രട്ടറിയുടെ പദത്തിലേറിയ ഗോപുരത്തിങ്കൽ സുകുമാരൻ നായർ എന്ന മണിച്ചേട്ടൻ~6

വിവാദങ്ങളിലേക്ക് തുടർച്ചയായി എടുത്തു ചാടി. ഇപ്പോഴും ചാടിക്കൊണ്ടിരിക്കുന്നു. ഞാൻ ഇതെഴുതുന്നത് കഴിഞ്ഞ രണ്ടു ദിവസം ചെങ്ങനാശേരിയിൽ നടന്ന ജയന്തി സമ്മേളനത്തിന്റെ ആമുഖമായാണ്. ഇന്നലെ പ്രതിനിധി സമ്മേളനത്തിൽ പതിവിലധികം പ്രതിനിധികൾ പങ്കെടുത്തു.~7

ഇന്ന് നടന്ന ജയന്തി സമ്മേ ളനം സമുദായ അംഗങ്ങളുടെ എണ്ണത്തിൽ സർവ്വകാല റെക്കോർഡും ഭേദിച്ചു. പക്ഷേ ഞങ്ങൾ ഒട്ടുമിക്ക സമുദായ അംഗങ്ങളും പിരിഞ്ഞത് മനോവേദനയോടെയാണ്. നായർ സർവ്വീസ് സൊസൈറ്റിയുടെ നേതൃത്വം എന്തു ഭാവിച്ചാണ് ഈ പോക്കു പോകുന്നത് എന്ന ചോദ്യമായിരുന്നു പലരുടേയും മനസിൽ. ~8

ഇന്ന് ജനറൽ സെക്രട്ടറിയുടെ പ്രസംഗത്തിൽ നിറഞ്ഞു നിന്ന ദുരൂഹതകൾക്ക് ആരാണ് വിശദീകരണം നല്കുക? സർവ്വീസ് സൊസൈറ്റി മതേതര സംഘടനയാണ് എന്ന പ്രഖ്യാപനവും പൗരത്വ നിയമത്തെ ജനറൽ സെക്രട്ടറി ചോദ്യം ചെയ്തതുമാണ് ഏറെ ചർച്ച ചെയ്യപ്പെടേണ്ട വിഷയം. ~9

നായർ സർവീസ് സൊസൈറ്റി ഒരു മതേതര സംഘടനയായി മാറുന്നു എന്നതിന്റെ തെളിവായിട്ടാണോ ഇന്ന് നടന്ന പേക്കൂത്തിനെ വ്യാഖ്യാനിക്കേണ്ടതു്? മുൻപൊരിക്കൽ ഇതേ നാടകം പരിപാവനമായ ആ മണ്ണിൽ അരങ്ങേറിയിട്ടുണ്ട്. ചങ്ങനാശേരി മെത്രാനെ നാഗസ്വരവും കുരവയുമായി എതിരേറ്റ് കൊണ്ടുവന്ന രംഗം കണ്ടപ്പോൾ~10

കാലയവനികക്കുള്ളിൽ മറഞ്ഞ നമ്മുടെ മുൻ കരയോഗം സെക്രട്ടറി ശ്രീ പറമ്പത്ത് പത്മനാഭൻ നായർ ഞങ്ങളോട് പറഞ്ഞ ഒരു കാര്യം മനസിലേക്ക് വേദനയോടെ തികട്ടി വന്നു . നായർ സ്ത്രീകൾ തെരുവിലിറങ്ങാൻ മടിച്ചു നിന്ന കാലഘട്ടത്തിൽ ആചാര്യൻ ക്രിസ്തീയ സമുദായത്തിലെ സ്ത്രീകളടക്കം ഉള്ളവരെക്കൊണ്ട് കണ്ടോടാ കണ്ടോടാ~11

നായർ പടയെ കണ്ടാ ടാ എന്ന് വിളിപ്പിച്ച് കോട്ടയം ടൗണിൽ പ്രകടനം നടത്തിയ സംഭവം ആണ് അത്. കാലം കരുതിവച്ചിരുന്ന മറുപടി ആയിരുന്നോ ഇന്ന് നടന്നത്? നായർ സ്ത്രീകളെ കൊണ്ട് ഒരു പാതിരിക്കു സ്വീകരണം നൽകാൻ കുരവയിടീക്കുക - ഛേ-' വേണ്ടായിരുന്നു. നിങ്ങൾക്കും തോന്നുന്നില്ലേ? ~12

പൗരത്വ ബില്ലിനെ എതിർക്കുന്നതു പോലെയാണോ ആ നിയമമായിക്കഴിഞ്ഞ വകുപ്പിനെ എതിർക്കുന്നത്? ആർക്കു വേണ്ടിയാണ് സുകുമാരൻ നായർ അങ്ങനെ ഒരു പ്രസ്താവന നടത്തിയത്? ഈ നിയമം നായർ സമുദായത്തിനെ ഏതു തരത്തിലാണ് പ്രതികൂലമായി ബാധിക്കുന്നത്? ~13

അതിനെതിരെ ശബ്ദിക്കുവാൻ ഇദ്ദേഹത്തെ ആരാണ് ചുമതലപ്പെടുത്തിയത്? നായർ സർവീസ് സൊസൈറ്റിയിൽ പല രാഷ്ട്രീയ വിശ്വാസികളും ഉണ്ട്. അവർ തിങ്ങിനിറഞ്ഞു നിന്ന സദസിൽ ഇത്തരം ഒരു പ്രസ്താവന ഇറക്കിയത് ഉചിതമായോ?
ഈ പോക്ക് അപകടത്തിലേക്കാണ്.~14

സമുദായാംഗങ്ങൾ കരുതിയിരിക്കുക.
ഇത് ഒരു തുറന്ന ചർച്ചക്ക് വിടുകയാണ്. എല്ലാവരും അവരവരുടെ അഭിപ്രായം തുറന്നെഴുതണം. നമുക്ക് നിസംഗതയാണിഷ്ടം എന്നെനിക്കറിയാം ആരും പ്രതികരിക്കും എന്ന പ്രതീക്ഷ എനിക്കില്ല. ~15

എന്നാലും ഒരു ശ്രമം. ആത്മാഭിമാനമുള്ള കുറേ നായന്മാർ കാണുമല്ലോ?~16/16

കടപ്പാട്🙏🙏