My Authors
Read all threads
#दिल्लीउच्चन्यायालय

आज दिल्ली उच्च न्यायालयात जस्टीस मुरलीधर व जस्टीस तलवंत सिंग यांच्या बेंचसमोर दिल्लीत उद्भवलेल्या कायदा-सुव्यवस्थेच्या प्रश्नाबाबत सुनावणी झाली.
ह्यात दोन प्रकारच्या केसेस होत्या एका केस मधे दंगलग्रस्त लोकांसाठी उपाययोजना करण्याचे आदेश प्रशासनाला देण्यात यावेत या संदर्भात तर हर्ष मंदार यांनी प्रक्षोभक भाषण केलेल्या लोकांवर गुन्हे नोंदवून कारवाई करण्याचे निर्देश देण्यात यावेत यासंदर्भात याचिका केली होती.
पहिल्या याचिकेत कोर्टाने सरकारने दंगलग्रस्त लोकांच्या परिवाराची भेट घेऊन विचारपूस करावी असे मत नोंदवले. हि वेळ लोकांपर्यंत पोहचून त्यांना विश्वासात घेण्याची आहे, पुन्हा एकदा 1984 सारखी परिस्थिती निर्माण होऊ नये असे मत जस्टीस मूरलीधर यांनी मांडले.
एका आयबी कर्मचाऱ्याचा मृत्यू झाल्याची बातमी आहे, अश्या घटनांमधे तात्काळ लक्ष घालून कारवाई करण्याचे आदेश देण्यात आले आहेत.प्रत्येक स्थानिक कोर्टात नाईट मॅजिस्ट्रेट ची नेमणूक करावी तसेच वकील जुबेदा बेगम यांची नोडल अधिकारी म्हणून नेमणूक केली आहे....
त्यांना कोर्टाच्या सूचनांचे पालन होण्याकडे लक्ष देण्यास सांगितले आहे.ज्यांना घर सोडावं लागलं आहे अश्या लोकांना राहण्याची जागा व बेसिक सुविधा उपलब्ध करून देण्यात याव्यात व मृत व्यक्तींच्या अंत्यसंस्काराला सुरक्षा उपलब्ध करून द्यावी अशी सूचना दिल्ली सरकारला व पोलिसांना केल्या आहेत.
प्रक्षोभक भाषण करणाऱ्या व्यक्तींवर गुन्हे दाखल व्हावेत या संदर्भातील याचिकेवर हर्ष मंदार यांच्या वतीने कॉलिन गोंसालविस यांनी तर दिल्ली पोलिसांच्या वतीने तुषार मेहता यांनी बाजू मांडली.
दिल्ली सरकारचे स्टँडिंग कौन्सिल राहुल मेहरा यांनी तुषार मेहता यांच्या बाजू मांडण्याला आक्षेप घेतला. त्यावर मेहता यांनी आपण कमिशनरची बाजू मांडत असून केंद्र सरकारला यामधे पार्टी करून घेण्यात यावे व त्यासाठी उद्यापर्यंत वेळ द्यावा अशी मागणी केली.
FIR दाखल करण्याचा मुद्दा उद्या घेता येऊ शकतो त्यात तातडीची गरज नाही असा मुद्दा मेहता यांनी उपस्थित केला.त्यावर जस्टीस मूरलीधर यांनी गुन्ह्यावर FIR दाखल करण्याचा मुद्दा तातडीचा कसा असू शकत नाही असा प्रतिप्रश्न केला.
यावर मेहता यांनी आपल्याला फॅक्टस माहिती नाहीत, त्यांची माहिती घेऊन उद्या बाजू मांडू असे मत मांडले. जस्टीस मुरलीधर म्हणाले मीडियामध्ये कितीतरी व्हिडीओ व्हरल होत आहेत, तरीही तात्काळ सुनावणी घेऊ नये असे आपणास वाटते का...यावर मेहता यांनी आपण कुठलाही व्हिडीओ पाहिला नसल्याचे सांगितले.
जस्टीस मूरलीधर यांनी मग पोलिसांना प्रक्षोभक भाषनांचे व्हिडीओ बघितलेत का असे विचारले. त्यावर उपस्थित पोलीस अधिकाऱ्याने दोन लोकांचे व्हिडीओ बघितले असल्याचे माहिती दिली, कपिल मिश्रा संबंधित व्हिडीओ बघितला नसल्याचे अधिकऱ्याने सांगितले.
यावर जस्टीस मूरलीधर यांनी तुमच्या ऑफिस मधे टीव्ही एवढे टीव्ही आहेत तरी तुम्ही बघितले नाही का असे विचारत पोलिसांच्या वर्तनावर नाराजी व्यक्त केली. त्यांनी हि क्लिप कोर्टात प्ले करून सगळ्यांना दाखवण्यास सांगितली.क्लिप मधील पोलीस कोण आहे याची विचारणा देखील केली.
क्लिप बघितल्यानंतर मेहता यांना यावर कारवाई संदर्भात कमिशनर यांना मदत करण्याचे सांगितले. दुपारच्या सत्रात वकिल कॉलिन गोंसलविस हे बाजू मांडायला उभे राहिले... त्यांनी कशाप्रकारे गेल्या काही दिवसांत प्रक्षोभक भाषणं केली गेली आहेत हे सविस्तरपने कोर्टासमोर मांडलं.
अनुराग ठाकूर, अभय वर्मा यांसारख्या लोकांनी कशाप्रकारे भडवकणारे भाषण दिले,त्यातले गोली मारो सारखे स्लोगन कसे पॉप्युलर झाले हे त्यांनी कोर्टाला सांगितले.कोर्टासमोर यांच्या भाषणाच्या क्लिप्स देखिल दाखवण्यात आल्या.
पोलिसांनी कुणाविरुद्धही अद्याप FIR नोंदवलेला नाही. सध्या दिल्लीत असामान्य परिस्थिती आहे त्यामुळे पोलिसांनी या लोकांविरुद्ध FIR नोंद करून तात्काळ कारवाई करावी असे निर्देश देण्याची मागणी गोंसलविस यांनी केली.
यावर मेहता यांनी केवळ या तीनच क्लिप का दाखवल्या असा प्रश्न उपस्थित केला. अजुन इतरही बऱ्याच क्लिप्स आहेत, सगळ्याच बाजूच्या लोकांनी भडकाऊ भाषणं केली आहेत, त्यमुळे मोजक्या तीन क्लिप्स बघून कोर्टाने निर्णय घेऊ नये असे मत मेहता यांनी मांडले.
यावर मूरलीधर यांनी अजून इतर क्लिप्सच्या बाबतीत देखील पोलिसांनी काहिच केले नाही असे तुमचे म्हणणे आहे का असा प्रश्न मेहता यांना केला. मेहता म्हणाले पोलीस तपास करत आहेत आणि योग्य वेळी कारवाई करतील.
योग्य वेळ कधी येईल,अजून किती जीव गेल्यावर किती नुकसान झाल्यावर असा प्रश्न जस्टीस मूरलीधर यांनी केला. परिस्थिती नॉर्मल झाल्यावर FIR दाखल केले जातील,कोर्टाने रागाच्या भरात निर्णय घेऊ नये असे मेहता म्हनाले. हा राग नाही या आमच्या वेदना आहेत, जस्टीस मूरलीधर म्हणाले.
संवैधानिक कोर्टाने सरकारला जाब विचारणे हे कर्तव्य आहे.जेव्हा असे FIR दाखल केले जात नाहीत तेव्हा चुकीचा संदेश जातो, लोकांना कायद्याची भीती राहत नाही. FIRच दाखल केला नाही तर कारवाई कशी करणार. जेव्हा उशीर होईल तेवढं असे प्रकार वाढत जातील. अश्या केसेस प्राध्यान्याने घ्यायला हव्यात...
पोलीस कमिशनर पर्यंत आमच्या भावना पोहचवा. FIR संदर्भात लवकर कारवाई करा...या शहरात अजुन हिंसा व्हायला नको...1984ची पुनरावृत्ती होणार नाही याची काळजी घेतली पाहिजे असे मत जस्टीस मूरलीधर यांनी नोंदवले.
कायदा सर्वोच्च आहे.अश्या प्रकरणात कठोरपणे कारवाई झाली पाहिजे.प्रक्षोभक वक्तव्य केल्या प्रकरणी FIR दाखल करण्यात दिरंगाई करणाऱ्यांनी याचे परिणाम काय होतील याचा गांभीर्यपूर्वक विचार करायला हवा.
पोलीस कमिशनर यांनी सगळे व्हिडीओ तपासून प्रक्षोभक भाषण करणाऱ्यांविरुद्ध FIR दाखल करण्यासंदर्भात नियमाप्रमाणे योग्य कारवाई करून कोर्टास माहिती द्यावी असे अंतरीम निर्देश कोर्टाने दिले आहेत. याप्रकरणी उद्या दुपारी पुन्हा सुनावणी होणार आहे.
Missing some Tweet in this thread? You can try to force a refresh.

Enjoying this thread?

Keep Current with Gajanan Gaikwad

Profile picture

Stay in touch and get notified when new unrolls are available from this author!

Read all threads

This Thread may be Removed Anytime!

Twitter may remove this content at anytime, convert it as a PDF, save and print for later use!

Try unrolling a thread yourself!

how to unroll video

1) Follow Thread Reader App on Twitter so you can easily mention us!

2) Go to a Twitter thread (series of Tweets by the same owner) and mention us with a keyword "unroll" @threadreaderapp unroll

You can practice here first or read more on our help page!

Follow Us on Twitter!

Did Thread Reader help you today?

Support us! We are indie developers!


This site is made by just three indie developers on a laptop doing marketing, support and development! Read more about the story.

Become a Premium Member ($3.00/month or $30.00/year) and get exclusive features!

Become Premium

Too expensive? Make a small donation by buying us coffee ($5) or help with server cost ($10)

Donate via Paypal Become our Patreon

Thank you for your support!