Thread by @Ada_Onyenkuzi

Asụsụ Igbo maa mma jọọ njọ,ọ dịịrị ụmụafọ Igbo niile. Onye ọ bụla kwesịrị itinye aka mee asụsụ Igbo ka ọ mawaga mma karịa etu ọ dị ugbu a. O nweghị ihe asụsụ ndị àmà ama n'ụwa nwere, asụsụ Igbo enweghi😀.Ya bụ na onye Igbo ọbụla kwesịrị inwe afọ

ojuju n'ebe asụsụ Igbo dị ma tinye aka kwado asụsụ Igbo nke ọma maka na a gbakọọ ọnụ nyuo maamiri, ọ gba ụfụfụ.

Ụfọdụ ihe ndị na-adola asụsụ Igbo azụ gunyere:
1. Ndị otu "Eji asụsụ Igbo eme gịnị" Ejighị asụsụ Igbo kpọrọ ihe etu e si jiri asụsụ ndị ọzọ. Onye ọbụla bụ onye Igbo kwesịrị ịgba mbọ iji mee ka asụsụ anyị na-ada ụda n'ụwa niile.

2. Nleda anya: Mmadụ anaghị ama uru ihe o nwere bara were rue mgbe o fulahuru ya. Ọtụtụ ndị Igbo na-eleda asụsụ ha anya n'ihi na ha chere na asụsụ Igbo abaghị uru. Ha na-eleda ndị na-amụ, ndị na-asụ, ndị na-agụ na ndị na-akụzi Igbo anya nke ukwu.

3. Ihere: Nleda anya a na-eleda asụsụ Igbo na-eduba ụfọdụ n'ihere. Ya mere ọtụtụ ndị mmadụ anaghị enwe mmasị ịsụ asụsụ Igbo.

4. Ezinaụlọ: Ndị Igbo na-atụ ilu si na a na-esi n'ulo maa mma pụọ ezi. Ọ bụrụ na anyị jiri asụsụ Igbo malite izu ụmụ anyị

ha ga-ama na asusu Igbo dị mkpa ma bakwa uru pụrụ iche. Nne na nna kwesịrị ihuta asụsụ Igbo etu ha si ahụ asụsụ Bekee. Nne na nna ekwesịghị ichefu na asụsụ na omenala na-agako.

#asusuigbo #igboamaka #igbotwittercommunity