Thread by @IsintuSakithi

Umlanjwana:

• Lena yingane ezalwe intombazana yayitholela ekhaya yangalotsholwa leyongane ngesintu-ke ibiza isibongo sikanina, kodwa kukhona lapho kudlulwa khona kumele uyise wentombazana athathe imbuzi aye emsamo ayokhuluma kanje "nina basekuthini nansi ingane ezalwa

uNozibanibani uyizale ohlanyeni manje uhlanya lubalekile sicela niyeluse nomaphi lapho ihamba khona ngoba ingeyenu" bese ifakwa isiphandla saleyombuzi esandleni "sokunxele" leyongane ingeyasekhakonina ngisho isebenza isebenzela khona ngisho isiphuma umuzi kuba owasekhaya konina.

Angiyazi lento eseyenzeka yokuthi umuntu uyazihlawula azilobole bese ebiza isibongo sikayise ukuthi ivelaphi ngoba uma ungumlanjwana uyifa lakomalume.

Kulesi sikhathi samanje isiminingi imilanjwana, futhi lesi simo sesihluphe abaningi kakhulu futhi sisazohlupha abaningi impela.

Ngoba umlanjwana uvame ukubangwa izidalwa.

Uma ungumlanjwana:
• Musa ukuvele uye kuyihlo/kubaba wakho engasilungisile lesi simo ngoba uzoba nezinkinga.
• Iqiniso elibuhlungu wukuthi amacala abazali bakho ayokwehlela kuwe uthanda ungathandi.

Ake ngidlule la:
• Ingane yomfana imele ukuqhubeka kwesibongo sikayise.
• Ingane yentombazane yona vele imele noma idalelwe ukuvusa imizi yamanye amadoda, uma uyise engakhiphanga lutho abakomalume wayo bayakwazi ukuyenzela konke beze beyishadise, mase bethethelela idlozi besho

ukuthi izalwa ubani wakabani owaba yisehluleki, kuhambe kahle konke kuyo nasezinganeni zayo.

Sisilungisa kanjani lesi simo?
• Angiqale la: uma lento yokuba ngumlanjwana ikuhlupha noma ufisa ngampela ukuyilungisa, kumele abakomalume becabangele wena bebeke wena phambili bese

imali iza ngemuva.
1. Uma abasekhaya koyihlo bekwamukela futhi befisa ukulungisa isimo kepha benganawo amandla, hleze nobaba usashona. Kumele abakomalume bebeke wena phambili kuxoxiswane.
2. Yazi ngisho inkomo iyinye bengayibiza R100 uma nje beshise

impepho emsamo bese bethi yinkomo kobe kuphelele.
3. Ngakhoke sebengakhokha konke, bese kuchazwa emsamo ukuthi "le yinkomo yani yani" besho bona layo R100 or R200 nje.
4. Sekuyohlatshwa imbuzi yomncamo/ukuvalelisa komalume wakho kuchazwe ukuthi abakini bakhokhe konke

obekudingeka, leyombuzi uyohamba uphethe umkhono wayo ophekiwe.
5. Mufika kini kubo kababa esangweni uyomukelwa ngembuzi, kuchazwe ukuba uzalwa ngubani futhi ukhokhelwe akukho sikwenetu.

• Kuyobe sekuphelile nje kanjalo. Okubalulekile lana: 1. ukuxoxisana nibe moya munye

abakomalume nabasekhaya koyihlo, 2. Ukubika emsamo, 3. Ukuhlaba imbuzi ngapha komalume bese bekwamukela ngenye futhi ngale ekhaya kini.

(Kona akwehli kahle komalume ume kwenziwe kanjena kepha kusuke kucatshangelwa ingane le ewumlanjwana)

#Ngibonge #IsintuSakithi #FakaEmgodleni