Thread by @Peer_Kamil_

آجکل پاکستان میں ہرروز رات 10 بجے مسجدوں و گھروں میں اذانیں دینے کا سلسلہ جاری ہے، اور کچھ احباب اسی حوالے سے مجھ سے کچھ سوال بھی پوچھ رہے ہیں، اس لئیے میرے آجکے تھریڈ کا موضوع ہے "وبا میں اذان کی شرعی حیثیت"

حضرت انس بن مالک رضی اللہ تعالی عنہ سے روایت ہے کہ حضور صلی اللہ…

…علیہ وآلہ وسلم نے فرمایا:

جب کسی بستی میں اذان دی جائے تو اللہ تعالی اس دن اسے اپنے عذاب سے امن دے دیتا ہے

[المعجم الکبیر مرویات انس بن مالك، جلد 1، صفحہ257، حدیث:746، مطبوعہ المکتبة الفیصلیه بیروت]
[فتاوی رضویہ ، جلد 5 ، صفحہ مطبوعہ رضا فاؤنڈیشن لاھور]

کیونکہ…

…اس وبا کی وجہ سے خوف و ہراس پھیلا ہوا ہے جسکی وجہ سے عوام بھی پریشان ہے اور گھبراہٹ کا شکار نظر آ رہی ہے، ان حالات میں بھی اذان سکونِ قلب اور خوف و ہراس دور کرنے کا سبب ہے

ابونعیم و ابن عساکر حضرت ابوھریرہ رضی اللہ تعالی عنہ سے راویت کرتے ہیں کہ حضور صلی اللہ علیہ وآلہ…

…وسلم نے فرمایا:

جب آدم علیہ الصلاۃ والسلام جنت سے ھندوستان میں اترے انہیں گھبراہٹ ہوئی تو جبرئیل علیہ الصلاۃ والسلام نے اتر کر اذان دی

[حلیة الاولیاء مرویات عمرو بن قیس الملائی ، جلد 2، صفحہ 107، رقم:299 ، مطبوعہ دارالکتاب العربیہ بیروت]

مسند الفردوس میں حضرت جناب…

…امیرُ المومنین مولا علی کرم اللہ وجہہ الکریم سے روایت ہے:

مجھے حضور سیّدِ عالَم صلی اللہ علیہ وآلہ وسلم نے غمگین دیکھا ارشاد فرمایا: اے علی! میں تجھے غمگین پاتا ہوں اپنے کسی گھر والے سے کہہ کہ تیرے کان میں اذان کہے، اذان غم وپریشانی کی دافع ہے

[مرقاۃ المفاتیح شرح…

…مشکوہ المصابیح باب الاذان ، جلد 2، صفحہ 149، مطبوعہ مکتبہ امدادیہ ملتان]

لہذا مسلمانوں کو چاہئے کہ جہاں دیگر تدابیر اختیار کر رہے ہیں وہاں اپنے اپنے گھروں میں ضرور اذانیں دیں، گھر میں جب چاہیں اذان دے سکتے ہیں کوئی وقت خاص نہیں ہے
اللہ کی رحمت پر پختہ یقین رکھیں،...

...ان شاءاللہ ہر قسم کی وبا سے حفاظت ہو گی اور خوف و گبھراہٹ دور ہونگے اور اللہ کریم امان نصیب فرمائے گا

اللہ پاک سے دعا ہے کہ اپنے حبیب صلی اللہ علیہ وآلہ وسلم کے صدقے مسلمانوں کو ہر قسم کی بلا و آفت سے محفوظ رکھے آمین
#پیرکامل