Thread by @VasaviNarayanan

இன்று மாலை இந்த காணொளி பார்த்தேன். பொதுவாக இதுபோன்றவை பார்ப்பதில்லை. ஏதோ மனதில் பட்டது பார்க்கச் சொல்லி. இதைப் பார்த்த பின் திரௌபதி பட இயக்குனர் மோகன் பேசியது தான் நினைவுக்கு வந்தது.

இன்றைய பெண்கள் இன்னும் ஏமாற்றப் படுகிறார்கள். பெற்றோரை மதித்து வாழ்ந்து பெண்கள் தான் தங்களை

தற்காத்துக் கொள்ள வேண்டும். ஆண்கள் இன்றும் ஆனவத்துடனே உள்ளனர். நீங்கள் தான் உங்கள் மதிப்பு உணர்ந்து வாழ வேண்டும். என்ன தான் சமுதாயம் *பெண்ணியம், பெண் சமத்துவம்* என்றெல்லாம் கூவினாலும், ராமாசாமியால் தான் பெண்களே வாழ்கிறோம் என்று வாய்கிழிய பேசினாலும்,

நிதர்சனமான உண்மை என்னவோ எட்டிக்காயே. பெண்கள் இன்றும் தன்னருமை உணரவில்லை. பெற்றோர், குடும்பம் தான் முக்கியம் என்று வாழும் பெண்களுக்கு கண்டிப்பாக அவள் கஷ்டப் படுகையில் சமுதாயம் ஏதோ ஒரு விதத்தில் கை கொடுக்கிறது.

ஆனால் நெறி தவறி போகும் பெண்கள் நிலை நிர்க்கதி தான்.

இதில் பெண்ணுக்குக் கைகொடுக்க மறுத்தாவ் பெண்ணைப் பெற்றோரைக் கண்டிக்க முடியாது. நம்பி வளர்த்தவர் பட்ட அவமானம் அவருக்குதத்தானே ஒழிய. கூக்குரலிடும் பெண்ணுரிமை நாயகிகளுக்கு அல்ல.

தங்கத்தை ஏன் நகைப் பெட்டியில் பூட்டி, வாங்கி லாக்கரில் வைக்கிறீர்கள்?

நகையைப் பூட்டி வைக்கவா செய்துதருகிறோம்? எங்கள் கலையை மறைக்கிறீர்கள். இனி லாக்கரில் நகை வைக்கக்கூடாது என பொற்கொல்லர்கள் தடை உத்தரவு வாங்கினால் அதை ஏற்பீர்களா?

அது எப்பேர்ப்பட்ட முட்டாள்தனம் என்பீர்களோ, அதேதானே தவறான பெண்ணியம் பேசி, வழிகாட்டுகிறேன் என்று உங்களை தவறாய் வழிநடத்தும்

பெண்ணியவாதிகள் செய்கிறார்கள்?? அதை மட்டும் ஏன் ஏற்கிறீர்கள்?? பல பெண்மனிகள் பெண்ணியம் என்பதன் சரியான பொருளை உணர்த்தி, நீ மரியாதையான வாழ்க்கை வாழ சமூகத்தில் சரியான வழியில் நடக்க இருக்கும் தடைகளை மட்டும் அகற்று. ஆனால், உனக்கான பெண்மையினின்று விலகாதே எனக் கூறினால்

அவர்கள் மீதும் அவதூறு பரப்புகிறீர்கள்...

என்ன தான் பேசினாலும், இரு பாலருக்குமான இயற்கை வித்தியாசங்களை உங்களால் சமத்துவம் என்ற பெயரில் மாற்ற முடியாது. அப்படியிருக்க, பாதுகாப்புடன், பெண்மைக்கான குணம் மாறாமல், வாழ்வில் முன்னேறி வெற்றி கொள்ள அல்லவா இவர்கள் வழிகாட்ட வேண்டும்?

அது அல்லவா உண்மையான பெண்ணியம்? *பெண்ணுங்க என்ன முட்டாளா? ஏமாத்துறான்னு கூடத் தெரியாம ஒருத்தன் பின்னாடி போகுறதுக்கு? எங்களை அவ்வளவு கேவலமா நினைச்சீங்களா?* என்று செங்கொடி என்னும் பெண் கூப்பாடு போட்டார் திரௌபதி படம் பற்றிய ஒரு விவாத நிகழ்ச்சியில்...

👆👆👆
இந்தக் காணொளியை முவதுமாக அவர் பார்க்க வேண்டும். பார்த்து விட்டு என்ன பதில் தருவார்?? தன் பேச்சு தவறென்று ஒப்புக் கொள்வாரா?

படித்த பல பெண்களே காதல் என்ற பெயரில் தவறான வாழ்வைத் தேர்ந்தெடுத்து, வாழ்க்கையைத் தொலைத்துவிட்டு விவாகரத்துக்கு நிற்கிறார்கள்.

இதில் உள்ள பெண்களின் நிலை என்ன? இந்த தைரியம் எல்லாம் யார் தந்த சுதந்திரம்?

பெண்ணியம் பேசும் நாயகிகள் கூட்டத்தில், பள்ளிச் சீருடையுடன் மாணவிகள் குடிக்கும் காணொளியை அவர்களே முகநூலில் இடுவதை அனுப்பி, பெண் குழந்தைகளுக்கான விழிப்புணர்வு குறித்து ஏதாவது செய்ய வேண்டும்.

இதைச் சற்று அவசரமாகச் செய்ய வேண்டும். உங்கள் அமைப்பு மூலம் முன்னெடுக்க வாருங்கள். அனைத்து உதவிகளும் ஒத்துழைப்பும் நான் ஏற்பாடு செய்கிறேன் எனக் கேட்டேன். அதற்குதனிப்பட்ட ஒருவரிடம் இருந்து வந்த பதில் *சிறு பிள்ளைகள் அறியாமல் செய்வதை வெளியிட்டு நீங்கள் அக்குழந்தைகளின்

வாழ்க்கையைக் கெடுக்கிறீர்கள்* என்று..... சீர்திருத்தத்திற்கு எந்த சத்தமும் வரவில்லை. இவர்கள் தங்களைப் பிரபலப் படுத்திக் கொள்ள பெண்ணியம் என்பதைக் கையிலெடுப்பது மிகவும் கேவலம்....

ஆண் பிள்ளைகளுக்கும் ஒழுக்கத்தைப் போதித்து வளர்.கச் சொல்லிக் கெஞ்சினாலும், எத்தனை குடும்பத்தில்

அது நடக்கிறது? இதில் மிகவும் மோசமான மனநிலையில், ஆணாதிக்கம் மேலோங்கி இன்றும் இருப்பது யார் எல்லாம் என்பதை நீங்களே அறிவீர்கள்...

பத்து வயது மகன் அப்பனுடன் சேர்ந்து ஊர்த் திருவிழாவில், நினைவிழக்கும் அளவு சாராயம் குடிக்கிறான். சிறு பிள்ளைகள்.... 15 வயதுக்கு உட்பட்டவர்கள் அநேகம்.

இது எங்கே நடக்கிறது, யாரெல்லாம் செய்கிறார்கள் என்பது சமுதாய மக்கள் உங்களுக்கே நன்கு தெரியும். இதுவா நாம் காண வேண்டிய முன்னேற்றம்?? இதுவா நாம் கற்றுத்தரும் வாழ்க்கை? இதுவா அவர்களின் எதிர் காலத்திற்காக நாம் அமைத்துத்தரும் அஸ்திவாரம்?? நமக்கே கேவலமாக இருக்க வேண்டாம்?

இத்தகைய ஆணாதிக்க ஒழிப்புக்கு யாரேனும் குரல் கொடுத்தால் அவர்களை ஆதரியுங்கள். அவர்களது தவறுகளைக் கண்டித்து வளருங்கள்....

பெண்களின் தவறுகளைச் சுட்டிக் காட்டினால், துள்ளிக் குதித்துக் கொண்டு வராமல் பெண் ஆதரவாளர்கள் அவற்றை ஒப்புக் கொள்ளுங்கள். அவள் எவ்வளவு பெரிய பொக்கிஷம் என்பதை

அவளுக்கு உணர்த்துங்கள். ஈகோவை விட்டொழித்து விட்டு, மதிப்பைத் தேடித்தரும் வகையில் பெண் சுதந்திரத்தைக் கற்றுத் தாருங்கள்....

சமுதாயத்தோடு ஒட்டி வாழ கற்றுத் தாருங்கள்.....

ஆண் பிள்ளைகளுக்கு, தன் குடும்பம் மீது பொறுப்பு, பெற்றோர் மீது மரியாதை, தமக்கைகளுடன் அன்பான உறவு,

மனைவியிடம் தன்னம்பிக்கை தரும் காதல், பிள்ளைகளிடம் வழிகாட்டியாக இருக்கும் முதிர்ச்சி முதலிய விஷயங்களைக் கற்றுக் கொடுங்கள்.... ஆண் ஆதிக்கத்தை அல்ல.

பெண் குழந்தைகளிடம் சிறு வய்து முதற்கொண்டே தைரியம், நல்ல கல்வி, பெற்றோரிடம் கீழ்ப்படிதல், பெரியோர்களிடம் மரியாதை, வயதுக்கேற்ற பெண்மை,

தமையன்களிடம் அன்பு, புகுந்த வீட்டில் நல்லவிதமாக அனைவருடனும் அரவனைத்து வாழும் விதம், கணவனுக்கு நல்ல வழிகாட்டியாய் மற்றும் காதலாய் இருப்பது, நல்ல தாயாய் வாழும் விதம், பொறுமை, அடக்கம், கணக்கிட்டுக் குடும்பம் நடத்தும் சூக்ஷமம், நல்லொழுக்கம் எல்லாம் கற்றுத் தாருங்கள்

நம் பிள்ளைகள் ஆணவத்தாலோ, அகங்காரத்தாலோ, சமஉரிமை என்று தகாதன செய்வதாலோ நல்ல விதமாய் வாழ முடியாது என்பதைப் புரிய வையுங்கள் பெற்றோர்களே.....

நீங்கள் இதைச் செய்ய ஆரம்பித்தால், பெண்ணிய சங்கங்கள் காணாமல் போகும், ஆண்களைத் தவறாகத் தூண்டிவிடும் கட்சிகள் காணாமல் போகும்

நல்ல குடும்ப வாழ்வு என்னும் விளக்கு எரிய ஆரம்பித்தால்....
இந்த மாயையாகிய இருள் தெறித்து ஓடிவிடும்....

நல்ல பெற்றோராய் வாழ்வீர்...
நல்ல பிள்ளைகளை உருவாக்குவீர்...
நம் தேசத்திற்கு உயர் குடிமகன்களைத் தருவீர்....
இது என் கோரிக்கை மட்டுமே...

நன்றி:🙏

🍁வாஸவி நாராயணன்🍁

@threader_app Pls compile