Thread by @sylvitweets

Convalescent plasma therapy
சுருக்கமா பிளாஸ்மா தெரபி.

அதாவது தடுப்பூசி மருந்து கண்டு பிடிக்க லேட் ஆகுது என்ற காரணத்தால் உலகம் முழுவதும் ஏதாவது ஒரு முறை ஆராய்ச்சி பண்ணப் பட்டு இருக்கிறது. அதுல ஒரு ஆராய்ச்சி தான் இந்த பிளாஸ்மா தெரபி.

ஏற்கனவே ஹைட்ராக்சி குளோரோகுயின் பர்னிச்சர உடைச்ச ஊடகங்கள் இப்ப இந்த பிளாஸ்மா தெரபி கையில எடுக்க காரணம், கேரளா இந்த ஆராய்ச்சிக்கு அனுமதி கேட்டு இருக்கிறது என்ற தகவல் மட்டுமே தான். அதாவது குடிக்க தண்ணீர் கேட்டா, வெள்ளிச் சொம்பு கொடுத்தாத் தான் கல்யாணம் என்ற ரேஞ்சுக்கு போயாச்சு

உண்மையில் இந்த பிளாஸ்மா தெரபி என்றால் என்ன?
இது பத்தி தெரிவதற்கு திரும்ப நாம பத்தாம் வகுப்பு அறிவியலுக்கு போகலாம். அடிப்படை அறிவியல் தான். கொஞ்சம் பொறுமையா படிக்கவும்

நமது உடம்பில் இரத்தம் 5 லிட்டர் இருக்கிறது. இதில் 55% பிளாஸ்மா ( plasma) 45% இரத்த செல்கள்.
இந்த பிளாஸ்மா 90% தண்ணீர் 10% புரோட்டீனால் ஆனது. இரத்தம் தண்ணீராக இருக்க இந்த பிளாஸ்மா தான் காரணம். உடம்பில் உள்ள தண்ணீர் சமநிலையை இதைக் கொண்டு தான் கட்டுப்படுத்த முடியும்.

.
அதாவது அதிக தண்ணீர் சிறுநீரகம் முலம் வடிகட்டி வெளியேற்றம் செய்யப்படும். அதே சமயம் தண்ணீர் குறைவாக உள்ள போது சிறுநீரகம் தண்ணீர் வெளியேற தடை செய்து இரத்தம் 5 லிட்டர் அளவில் இருக்குமாறு பார்த்துக் கொள்ளும்.

இந்த மீதம் இருக்கும் 10% புரோட்டீன். இவை எல்லாம் இரத்தத்தில் ஒரு இடத்தில் இருந்து இன்னொரு இடத்திற்கு எடுத்து செல்லப் படுபவை.

இப்போது கொரானோவிற்கு வருவோம்.
கொரோனா வைரஸ் Antigen எனப்படும். இதற்கு உடம்பில் உருவாக்கப்படும் எதிர்ப்பு சக்தி Antibody எனப்படும். மேலும் இது பற்றி படிக்க சிறிது நாட்கள் முன்பு கொரோனா Antibody என்ற பதிவு இருக்கும். அதைப் பார்க்கவும்

இந்த Antibody வைரஸ் கிருமிகள் அதாவது Antigen எல்லாம் அழித்த பிறகு உடம்பில் தங்கி விடும். அதாவது அடுத்த தடவை இந்த வைரஸ் கிருமி வந்தால் அதை உடனே அழிப்பதற்கு சிக்னல் கொடுக்கும். இது அடிப்படையில் புரத்தில் அதாவது புரோட்டீனால் ஆனது. இது உடம்பில் எல்லா பகுதிகளுக்கும் செல்லும்

ஏப்ரல் 6 ந்தேதி சீனாவில் இருந்து ஒரு ஆராய்ச்சி வெளியானது. அதாவது கொரோனாவில் மிக மோசமாக பாதிக்கப்பட்ட பத்து நோயாளிகளுக்கு ஏற்கனவே இந்த வைரஸ் வந்து குணப்படுத்தப் பட்டவர்களின் இரத்தம் எடுத்து இந்த பிளாஸ்மாவை கொரோனா Antibody நிறைந்ததை தனியாகப் பிரித்து அதை சுத்தம் செய்தனர்

யாரெல்லாம் இந்த சிகிச்சைக்கு தேர்வு செய்யப்பட்டார்கள்?
1) நோய் வந்து 15 நாட்கள் கடந்தவர்கள்
2) மூன்று முதல் நான்கு வகையான மாத்திரைகள் உட் கொண்ட பிறகும் தீவிரத் தன்மை குறையாமல் இருப்பவர்கள்

3)அதிக மூச்சுத்திணறல் வந்து ஆக்சிஜன் லெவல் குறைந்து வெண்டிலேட்டர் தேவைப்படும் ஆட்கள்
4)வெண்டிலேட்டர் சப்போர்ட் கொடுத்த பிறகும் சிடி ஸ்கேன் எடுக்கும் போது மொத்தமா நுரையீரல் பழுதடைந்தவர்கள்
5)ஒரு தடவை நோய் வந்து குணமாகி திரும்ப வந்தவர்கள்

என்று குணமாக்க இதற்கு மேல வேற வைத்தியம் இல்லை என்ற தீவிர நிலையில் உள்ளவர்கள் மட்டுமே இந்த ஆராய்ச்சியில் சேர்த்துக் கொள்ளப்பட்டார்கள்

இந்த பிளாஸ்மா அவர்களுக்கு நோயின் தீவிரத் தன்மையை குறைத்து இருக்கிறது. இது தான் இந்த ஆராய்ச்சி முடிவு. இந்த மாதிரி ஒரு ஆராய்ச்சி கேரளா மேற் கொள்ளுவதற்கு ICMR மற்றும் மத்திய அரசு கிட்ட கேரளா அனுமதி கோரியுள்ளது.

கேரளா ஏற்கனவே நோய் பரவும் விகிதம் அவர்களுடைய கைகளுக்குள் கொண்டு வந்து விட்டார்கள். மேலும் அவர்களுடைய குணமாகும் சதவீதம் அதிகமாக உள்ளது. இந்த ஆராய்ச்சி ஸ்ரீ சித்தரை திருநாள் மருத்துவ மனையில் இருந்து தொடங்க உள்ளது. இந்த மருத்துவமனையில் உள்ள மருத்துவர் தான் முதலில் பாதிக்கப்பட்டார்.

.
கிட்டத்தட்ட இந்த மருத்துவமனை ஊழியர்கள் நிறைய பாதிப்பு அடைந்து இந்த மருத்துவமனை முழுவதும் அடைத்து வைக்கப்பட்டது.

இதில் குணமானவர்களின் இரத்தம் எடுக்கப்பட்டு பரிசோதனை செய்ய வாய்ப்பு உள்ளது. இது எல்லாம் ஊகம் மட்டும் தான். உண்மையில் என்ன ப்ளான் என்று கேரள அரசுக்கு சொல்லல

தமிழ் நாட்டில் இது சாத்தியமா?
ஆயிரம் நோயாளிகள் அருகே வந்தும் நாம் இன்னும் 100 பேர் கூட குணமாகும் பட்டியலில் வரவில்லை. எனவே நம்மிடம் தற்போது இந்த Antibody உள்ள ஆட்கள் குறைவு தான்.

இரண்டாவது நாம் இன்னும் முதற் கட்டமே தாண்ட வில்லை. அதாவது நோய் பரவும் விகிதம் கட்டுக்குள் வைக்க வில்லை. தினமும் 50,, நூறு என்று உயர்ந்து கொண்டு செல்கிறது. இந்த மேல் நோக்கி உயரும் கிராப் என்று சமதளத்தில் வரும் என்று தெரியவில்லை.

இன்னும் Rapid kit டெஸ்ட் செய்தால் நோயாளிகள் எண்ணிக்கை அதிகமாக வாய்ப்பு உள்ளது. இதில் இன்னொரு அட்வாண்டேஜ் என்ன என்றால் அறிகுறிகள் இல்லாமல் கொரோனா தாக்குதல் நடத்தி Anti body உற்பத்தி செய்த ஆட்கள் கண்டறிய இயலும்.

எது எப்படி இருந்தாலும் இவர்களை எல்லாம் நோய் அறிந்த பிறகு 28 நாட்கள் தனிமைப்படுத்தப்பட்டு அப்புறம் தான் எந்த ஆராய்ச்சியும் மேற் கொள்ள முடியும். எப்படியும் இதற்கு இரண்டு முதல் மூன்று மாதங்களுக்கு மேல தான் நமது ஊரில் நடக்க வாய்ப்பு உள்ளது.

இதனால் வரும் பிரச்சினைகள் மற்ற இரத்தம் ஏற்றுதல் மாதிரி தான். அலர்ஜி முதல் Acute lung injury வரை அனைத்தும் வரக் கூடும். எனவே நோயாளிகள் தேர்ந்து எடுக்கப் படுவது மிகவும் கவனமாக செய்ய வேண்டும்.

ஆயிரம் பேர் நோய் பதிவு செய்யப்படும் போது அதில் 10% தீவிர சிகிச்சை பிரிவில் சேர்க்கப் பட வேண்டும். உலகம் முழுவதும் இதே டிரெண்ட் மட்டும் தான் இருக்கிறது. ஆனால் தமிழ் நாட்டில் இதுவரை நூறு பேர் தீவிர சிகிச்சை பிரிவில் இருப்பதாக தகவல் இல்லை

கிட்டத்தட்ட 80% பேருக்கு சாதரண அறிகுறிகள் கூட இல்லாமல் தான் வார்டில் அட்மிட் செய்யப்பட்டு இருக்கிறார்கள் என்ற தகவல்கள் வந்துள்ளன. ஆனால் குணமாகும் சதவீதம் குறைவாக உள்ளது.

இது எல்லாம் பார்க்கும் போது தமிழ் நாட்டில் உள்ள கொரோனா பற்றி நாம் இன்னும் தீவிரமாக ஆராய்ச்சி செய்ய வேண்டும், வழக்கமாக உள்ள வைத்தியம் தவிர நாம் வேறு என்ன வழி கையில் எடுக்க வேண்டும் என்று பல வகையான ஆராய்ச்சிகள் செய்ய வேண்டிய கட்டாயத்தில் இருக்கிறோம்.

ஆனால் ஆர்டர் பண்ணின டெஸ்ட் கிட் டையே களவு கொடுத்து விட்டு இருக்கும் நேரத்தில் தமிழக அரசு இந்த மாதிரி ஆராய்ச்சிகளில் எல்லாம் கவனம் செலுத்துமா என்பது யோசனையாக இருக்கிறது.

அதற்குள் நமது மக்கள் ரிக் வேதம் கதைகளுக்கு இந்த பிளாஸ்மா தெரபி கோர்த்து விட்டு வாட்ஸப் வசந்தி பரப்பியது எல்லாம் வேற லெவல்

pnas.org/content/early/…

google.com/amp/s/m.econom…