Thread by @sandhya_renjith

*അശ്വത്ഥാമാവ്*
🙏🌹🌺🌸💐🌹🙏

കുരുക്ഷേത്ര യുദ്ധം തീർന്ന അന്ന് രാത്രി പാണ്ഡവ പടകുടീരത്തിൽ ഉറങ്ങി കിടന്നിരുന്ന ചെറുബാലൃങ്ങളായ പാണ്ഡവ പുത്രന്മാരെ അശ്വത്ഥാമാവ് തീയിട്ട് കൊന്ന് ഓടിപ്പോയി. വിവരമറിഞ്ഞെത്തിയ പാണ്ഡവർ ഓടിപ്പോയ ഗുരുപുത്രനെ തിരഞ്ഞ് പിടികൂടി കൊണ്ടു വന്നു.~1

ഗുരുപുത്രനും ബ്രാഹ്മണനുമായതിനാൽ 'കൊല്ലരുത്' എന്ന് മക്കളുടെ മരണത്താൽ ശോകാദ്രയായിട്ടും പാഞ്ചാലി, ഈ ദുഷ്ടനെ 'ഉടനെ വെട്ടിക്കൊല്ലണ'മെന്ന് രോഷാകുലനായ ഭീമസേനൻ. അപ്പോൾ ആരുടെ ഇഷ്ടമാണ് താൻ അനുസരിക്കേണ്ടത് എന്ന് അറിയാതെ അർജ്ജുനൻ ശ്രീകൃഷ്ണ ഭഗവാന്റെ മുഖത്ത് നോക്കി. ~2

ഭഗവാൻ പറഞ്ഞു "ഇവൻ ആതതായിയാണ് (കൊടുംപാതകം ചെയ്തവൻ). ബ്രാഹ്മണനായിരുന്നിട്ടും ആയുധമെടുത്ത് യുദ്ധം ചെയ്യുക വഴി വർണ്ണാശ്രമ ധർമ്മങ്ങൾ ലംഘിച്ചവനുമാണ്. അതിനാൽ വധാർഹനാണ്. എന്നാൽ ഗുരു പുത്രനും ബ്രാഹ്മണനുമായതിനാൽ വധശിക്ഷ പാടില്ലതാനും. ~3

നയതന്ത്രജ്ഞനായ ഭഗവാന്റെ മൊഴി രണ്ടും ഒരേസമയം നടപ്പാക്കുന്നതിനായി, കൂർമ്മ ബുദ്ധിയായ അർജുനൻ അശ്വത്ഥാമാവിന്റെ ബ്രാഹ്മണ ചിഹ്നങ്ങളായ താടിയും കുടുമയും മുറിച്ചെടുക്കുകയും, തലയിൽ ജന്മനാ ഉണ്ടായിരുന്ന ചൂഡാമണി പറിച്ചെടുക്കുകയും ചെയ്തു. ~4

ബ്രാഹ്മണന്റെ കുടുമ മുറിക്കുക എന്നാൽ വധശിക്ഷ നടപ്പാക്കുന്നതിന് തുല്യമാണ്.( ജീവനെടുത്ത് വധിക്കണമെന്നില്ല). അങ്ങനെ ഭഗവാന്റെ 'ചൊല്ലാതെയുളള ചൊല്ല്' പ്രകാരം ഭീമനും പാഞ്ചാലിക്കും ഒരുപോലെ സ്വീകാരൃമായ വിധി അശ്വത്ഥാമാവിന് മദ്ധ്യമപാണ്ഡവൻ നല്‍കി.~5

ബ്രാഹ്മണ ചിഹ്നങ്ങൾ നഷ്ടപ്പെട്ട്, തലയിലെ ഉണങ്ങാത്ത മുറിവിൽ നിന്ന് ചോരയും ചലവും ഒലിപ്പിച്ചു കൊണ്ട്,ദേഹം മുഴുവൻ ഒരിക്കലും ഒടുങ്ങാത്ത ചൂടും സംഭ്രമവും പേറിക്കൊണ്ട്,എവിടെ ചെന്നാലും, തന്റെ അപഖ്യാതികൾ തന്നേക്കാൾ മുമ്പ് അവിടെ എത്തും എന്നതു കൊണ്ട്, അവഹേളനവും തിരസ്ക്കാരവുമായി അശ്വത്ഥാമാവ്~6

ഭാരതഭൂമി മുഴുവൻ പേ പിടിച്ച പോലെ അലഞ്ഞു നടന്നു. 'ചിരംജ്ജീവി' ആയതിനാൽ ഈ കഷ്ടപ്പാടിന് അറുതിയില്ലെന്നും അദ്ദേഹം തിരിച്ചറിഞ്ഞു. ഒടുവിൽ തന്റെ ഇഷ്ട മൂർത്തിയായ, ആശുതോഷനായ, മഹാദേവനെ ത്തന്നെ ശരണം പ്രാപിക്കാനായി തെക്കൻ~7

കൈലാസത്തിലെത്തി, ശ്രീവടക്കുംനാഥന്റെ പാദാരവിന്ദങ്ങളിൽ ശരണം പ്രാപിച്ചു.

പാപിയെ അല്ല; പാപത്തെയാണ് മാറ്റി നിര്‍ത്തേണ്ടത് എന്ന സംസ്കാര പ്രകാരം മഹാദേവൻ തന്റെ ഭക്തന് ആശ്വാസമരുളി. ഭഗവാൻ നിർദ്ദേശിച്ചതനുസരിച്ച് അശ്വത്ഥാമാവ്~8

ദേഹത്തിലെ അടങ്ങാത്ത ചൂടും സംഭ്രമവും ഒടുക്കാനായി പകൽ മുഴുവൻ മഹാദേവന്റെ അഭിഷേക ജലം ഒഴുകി വരുന്ന ഓവിന്റെ അടിയിലിരുന്ന് ഇന്നും ശരീരം കുളിർപ്പിക്കുന്നു. രാത്രി പുറത്തുളള അശ്വത്ഥവൃക്ഷത്തിന്റെ (അരയാൽ) ചുവട്ടിൽ കിടന്നുറങ്ങുന്നു.~9

( ഇദ്ദേഹത്തെ തണുപ്പിക്കാനാണത്രെ അരയാലിന്റെ ഇലകൾ എപ്പോഴും ഇളകി ആടി ക്കൊണ്ടിരിക്കുന്നത്).

ക്ഷേത്രത്തിലെ തീർത്ഥം ഒഴുകി വരുന്ന കരിങ്കൽ ഓവുകൾക്ക് ( വലിയ ഓവുകളാണെങ്കിൽ പ്രത്യേകിച്ചും) നിലത്തു നിന്ന് താങ്ങായി ഒരു പുരുഷ പ്രതിമ കാണാം. ~10

ഇത് അശ്വത്ഥാമാവിന്റെ പ്രതീകമാണത്രെ. അതീവ ദുഷ്ടത്തരം ചെയ്യുന്നവർ, അവർ എത്രതന്നെ കേമന്മാരായാലും അവസാനം ഇതാണ് ഗതി എന്ന് 'ഓവ് താങ്ങുന്ന' ഈ പ്രതിമകൾ നമ്മളെ ഓർമിപ്പിക്കുന്നു. 'തെറ്റുകൾ ചെയ്യാതിരിക്കൂ' എന്ന് നിശ്ശബ്ദമായി പറയുന്നു.~11/11
🙏🌹🌺🌸💐🌹🙏

കടപ്പാട്🙏🙏