@ethiotelecom በክርስትያኑም በሙስሊሙም ቀረጥ የሚተዳደር ድርጅት ቢሆንም ለክርስትናና ለእስልምና በዓላት የሚለቃቸው የመልካም ምኞት መግለጫ መልዕክቶች ፍጹም የተለያዩ ናቸው። በቀጣዮቹ ትዊቶች ምስል እንደምታዩት ... 👇
👉የሙስሊም በዓላት ሲሆኑ በጥቅሉ በዓሉ የሠላም የፍቅር እንዲሆን በመመኘት ያልፈዋል። ተደራሹንም «የእስልምና እምነት ተከታዮች» በሚል ራሱን በማይጠቀልል መልኩ ያስቀምጣል። «እኛ» የሚል ነገር አያስገባም። 👇 
👉የክርስትና በዓል ሲሆን ደግሞ መልዕክቱን መንፈሳዊ ቃና ያላብሰዋል። እምነቱን የሚጋራ እና የሚሳተፍበት መሆኑን በሚጠቁም መልኩ «እኛ» የሚል ቃና ይጨምርበታል። («የሕይወት ተስፋችን እንዲለመልም» እንደሚለው) ይህ ግልጽ መድልዎ ነው!👇
👉ይህንን የምለው «ክርስትያን ወንድም እኅቶቼ ለምን መልካም ምኞት ተበረከተላቸው» በሚል አይደለም። በፍጹም! ጉዳዩ የእኩልነት እና የመርህ ጉዳይ ስለሆነ ነው። አገር የምትሠምረው በፍትህ እና በእኩልነት ነው። በመድልዎ አይደለም።👇
👉የመንግሥት ተቋማት ገለልተኛ መሆን የሚጠቅመው ሙስሊሙንም ክርስትያኑንም ሌላውንም ነው! አግላይ መሆናቸው የሚጎዳው ሁላችንንም ነው! እናም ሁላችንም «ተዉ» ልንል ይገባል! ተቋማት ልጅና የእንጀራ ልጅ እንዲኖራቸው አንፈቅድም! ዛሬ ትናንት አይደለም!
