ትዳር የብሄር ገደብ የማይደረግለት መልካም ውህደት ነው። የተለያዩ ዜጎችም ሆነ ብሄሮች እርስ በእርስ እየተጋቡ መዋለዳቸው የሰውነታችን ማረጋገጫ፣ የሰዋዊ ትስስራችን መገለጫ ነው። ይህን ትስስር ለመበጠስ የሚሞክርን ማውገዝና መገሰጽ ተገቢ ነው።👇 
👉 ከዚህ አንጻር ትናንት በOMN የቀጥታ ሥርጭት ላይ የብሄርን አጥር ዘልለው ያገቡ ጥንዶች እንዲፋቱ የቀሰቀሰችው ግለሰብ እጅግ ፀያፍ ንግግር መናገሯ የሚያወዛግብ አይደለም።👇
👉 አገራችን ላይ ከዱሮም ጀምሮ አንዱ ብሄር ከአንዱ ጋር እንዳይጋባ የመከልከል መጥፎ ልማድ ነበር። ከሌላ ብሄር የትዳር አጋር ማጨት የፈለጉ ወጣቶች የመጀመሪያ ጭንቀት «ቤተሰቤ እሺ አይለኝም» የሚለው ነበር።👇
👉 ይህ ብዙውን ጊዜ ከመናናቅ፣ አንዳንዴ ደግሞ «ባህላችን ስለማይመሳሰል አብሮ መኖር ያስቸግራል» ከሚል ሽፍንፍን አስተሳሰብ የፈለቀ ችግር ነበር። ብዙ ላጤዎችን haunt ያደረገ፣ አሁንም ሆንት እያደረገ ያለ ችግር ነው። የሚያውቅ ያውቀዋል።👇
👉 በተለይ ደግሞ የብሄር ትርክት በተጧጧዘባቸው ባለፉት ጥቂት ዓመታት እንደአዲስ ሳያገረሽብን አልቀረም። የተለያዩ ብሄር ሰዎች እንዳይጋቡ መጣር በራሱ ነውር ሆኖ ሳለ «የተጋቡትም ይፋቱ» የሚል ሐሳብ ማንፀባረቅ ደግሞ የእጥፍ እጥፍ ነውር ነው።👇
👉 ከዚህ አንጻር OMN የላይቭ ሥርጭት ላይ የተላለፈ የግለሰብ ሐሳብ መሆኑን ጠቅሶ ለማቋረጥ ሞክረው እንዳልተሳካላቸው መግለጹ፣ እንዲሁም ይቅርታ ጠይቆ ቪዲዮውን መሠረዙ መልካምና ተገቢ እርምጃ ነው። 👇
👉 ፖለቲከኞች መሪዎች ናቸው። መሪ ደግሞ ተመሪውን የመምራት ኃላፊነት አለበት። ግለሰቦች ከድንበር ያለፈ ንግግር ሲናገሩ፣ ጽንፈኝነት ሲታይባቸው መሪ ፖለቲከኞች ግለሰቦቹን መገሰጽ ግዴታቸው ነው። 👇
👉 ልጂቷ ያንን ንግግር ስታደርግ «እንዲህ አይባልም፤ ተሳስተሻል» ብሎ የሚመልሳት ፖለቲከኛ ሁሌም ሊኖር ይገባል። በወቅቱ ስብሰባው ላይ ይህ ተደርጎ ከሆነ መልካም ነው። ካልተደረገ ግን ለመሪዎቹ ትልቅ ጉድለት ነው።👇
👉 የትኛውም ፖለቲከኛ ከሥራዎቹ አንዱ የአካሄድ ችግሮችን ማረም፣ ተመሪውን መንገድ ማሳየትና መገሰጽ መሆኑን ሊገነዘብ ይገባል።
እርግጥ በኢትዮጵያ ፖለቲካ ተመሪን መገሰጽ አልተለመደም አውቃለሁ። ግን ልንለምደው የሚገባ ነገር ነው።👇
እርግጥ በኢትዮጵያ ፖለቲካ ተመሪን መገሰጽ አልተለመደም አውቃለሁ። ግን ልንለምደው የሚገባ ነገር ነው።👇
👉 ባለፉት ጥቂት ዓመታት በአገሪቱ ሁሉም አቅጣጫዎች ፖለቲከኞች ሲያሳዩ የቆዩትን ባህሪ ማየት ተስፋ አይሰጥም። ፖለቲካችን ተበላሽቶ አክራሪነት ተስፋፍቷል። የራሱንም ተከታይ ቢሆን ሲያጠፋ የሚገስጽ ለእሴት ተገዥ የሆነ ፖለቲከኛ ያሻናል!👇
