Thread by @IsintuSakithi

UKUSISELA:

• Isizwe samaZulu sidume ngokuba yisizwe esinobubele nezandla ezihlale zivulekile. Umuntu ongumZulu ubengasini ngethambo lomunye uma embona eswele, ehlwempu kepha ubeyaye afune izindlela zokumsiza. Uma kuwukuthi lowo oswele udlala umashayandawonye ngoba engenamfuyo,

omunye womphakathi ube esemsisela.

AmaZulu ayefihlana ngaleli siko ubuphofu bomunye ukuze bungabonakali. Kwakufana nokucela umfana ayokwelusa izinkomo komunye umuzi, ebese enikwa isisinga okuwukuthi imbuzi, noma inkomo ibisiyanda lempahla, naye abeseba nezinkomo noma nezimbuzi.

Uma usisela umuntu abungamniki inkomo eyodwa qwaba kepha ubumnika ezimbalwa ngoba inhloso yalelisiko ukuthi athole okuya ethunjini phecelezi amasi. Akulula ukuthola amasi ongondla ngawo umndeni wonke ngenkomo eyodwa.

Amasi ukudla okubalulekile nokuyisisekelo kumuntu ongumZulu.

Ngakho ke uma uhlose ukumsiza umuntu wakini kwaZulu ubumnika okufanele. Yingakho uma usisela umuntu umnikeza izinkomo ezibonakalayo.

Bekuthi uma naye loyomnumzane esesimeme ebese ezibuyisela emuva izinkomo kanye nezivuno abonge bese iyaqhubeka impilo.

*** Izandla ziyagezana ***