Thread by @OmkarDabhadkar

भाजप समर्थकांना आवडणार नाही, पण एक गोष्ट कधी नव्हे तेवढी ठसठशीतपणे समोर येतीये.

रिपब्लिक चॅनल असो, सोशल मीडियावर होणारी गुंडगिरी असो वा फडणवीसांसकट सर्व नेत्यांची होणारी ट्रोलिंग असो -

भाजपची लंगडी बाजू उघडी पडली आहे प्रत्येक वेळी. +

एक पक्ष म्हणून विरोधकांना, शत्रूंना थेट अंगावर न घेण्याची भाजपची वृत्ती कधी नव्हे तेवढी स्पष्ट होतीये. +

मागे कोरोनामुळे प्रदूषण कमी झालं आणि बऱ्याच गोष्टी स्पष्ट दिसायला लागल्या - हे विनोद बरेच फिरले. तसंच काहीसं भाजपचं झालं आहे. +

सत्तेचा क्रूर वापर कसा केला जातो हे सध्या सर्वत्र दिसत आहे. या उलट भाजपचं वर्तन आहे. भाजप सत्तेत असताना अशी harassment करत नाही, अर्थात ते करू ही नयेच. पण जे खरोखर दोषी आहेत त्यांच्यापण केसालाही धक्का लावत नाही - हे कसं समर्थनीय ठरवता येईल? +

केंद्रात काय राज्यात काय, भाजप ने अपप्रचार करणाऱ्यांविरोधात कठोर कृती केल्याची किती उदाहरणं आठवतात?

कोरेगाव भीमा प्रकरणात पत्रकरांनी चक्क भावना भडकवण्याची सुपारी घेतल्यागत वर्तन केलं. प्रक्षोभक ट्विट्स, भाषणं, लेख...सगळं केलं. दिल्लीत दंगल घडली - ती पण अशीच. +

अशी कितीतरी उदाहरणं देता येतील.

भाजपला फक्त निवडणूक लढवून सत्ता मिळवणे : यापूरतंच युद्ध लढायचं असतं. आयडिलॉजिकल वॉरफेअर ट्वेन्टी फोर बाय सेव्हन सुरू ठेवायला हवं - हे भाजपला मान्यच नाही असं वाटतं. त्याचे परिणाम मात्र देशाला, समाजाला, समर्थकांना भोगावे लागतात. +

सध्या तर या कमतरतेची झळ थेट नेत्यांना बसत आहे. अपप्रचार जोर धरताहेत, त्यात प्रस्थापित माध्यमं हिरीरीने व आनंदाने समिधा अर्पण करताहेत.

पण भाजप अजूनही आपली लंगडी बाजू भक्कम करताना दिसत नाही. एवढं होतंय तरीही परिस्थिती सुधारेल असं वाटत नाही.

: ओंकार दाभाडकर
[e-mail]