Thread by @drAnsarikka

ദാ ഇക്കാ ലിസ്റ്റ്.

വാങ്ങാൻ ഉള്ള സാധനങ്ങളുടെ രണ്ടുമീറ്റർ നീളമുള്ള ഒരു ലിസ്റ്റ് പാത്തു മുന്നിൽ കൊണ്ടിട്ടു.

മനസ്സില്ലാ മനസ്സോടെ TV ഓഫ്‌ ചെയ്ത് മുഖത്ത് മാസ്കും ഫിറ്റ് ചെയ്‌തു സഞ്ചിയുമായി പുറത്തേക്ക് ഇറങ്ങി.

"ഇക്കാ മറ്റൊന്നും കിട്ടിയില്ലെങ്കിലും ആദ്യത്തെ രണ്ട് സാധങ്ങളും

അത്യാവശ്യമായി വാങ്ങണം"
പാത്തു പുറകിൽ നിന്നും വിളിച്ചു പറഞ്ഞു.

"ങ്ങാ ശരി" തിരിഞ്ഞു നോക്കാതെ ഞമ്മൾ നേരേ കടയിൽ ചെന്ന് ലിസ്റ്റ് മൊയ്തുവിനെഏൽപ്പിച്ചു.

സാധനങ്ങൾഎല്ലാം എടുത്തുവെച്ച് മൊയ്തുപറഞ്ഞു "ഇക്കാ ഒന്നുരണ്ട് സാധങ്ങൾഇല്ല.ബാക്കി എടുത്തിട്ടുണ്ട്"

പൈസകൊടുത്തിട്ട് ഞാൻപറഞ്ഞു

"മൊയ്ദു, ഈ സാദനംഎല്ലാം ഇവിടെ ഇരിക്കട്ടെ
ആ ലിസ്റ്റ് ഇങ്ങ് തരൂ.
വേറേ ഏതെങ്കിലും കടയിൽ കിട്ടുമോന്ന് നോക്കട്ടെ"

മൊയ്‌ദുവിന്റെ കൈയ്യിൽ
നിന്നും ലിസ്റ്റ് വാങ്ങി നോക്കി.

മൈദപ്പൊടി - 5 കിലോ

സോഡാപ്പൊടി -250 ഗ്രാം

രണ്ടും ലിസ്റ്റിൽ മുകളിലുള്ള സാധങ്ങൾ.

പടച്ചോനേ !!!

വേഗം ലിസ്റ്റുമായി മാർക്കറ്റിൽ ഉള്ള കടകൾതോറും കയറിഇറങ്ങി.

പക്ഷേ ഈ സാധങ്ങൾമാത്രം ഇല്ല.

അവസാന കടക്കാരനോട് ഞാൻ ചോദിച്ചു"എന്താ ചങ്ങായി ഈസാധങ്ങൾ എവിടെയും കിട്ടാത്തെ"

യൂ ട്യൂബ് കാരണമാണ്‌ സാർ ഈ സാധനങ്ങൾക്ക് ക്ഷാമം.

യൂ ട്യൂബോ?

അതെസാർ,ലോക്ക്ഡൗണിൽ യൂട്യൂബ് നോക്കി ആണുങ്ങൾ എല്ലാം കള്ള് ഉണ്ടാക്കുന്ന തിരക്കിൽ ആണെകിൽ

യൂ ട്യൂബിൽ കുക്കറി ഷോ നടത്താൻ പെണ്ണുങ്ങൾ മത്സരമാണ്.

അതിന് വേണ്ടി ആണുങ്ങൾ ഈസ്റ്റും പെണ്ണുങ്ങൾ മൈദയും സോഡാപൊടിയും വാരിക്കൊണ്ടുപോകുന്നു.

ലോക്ക്ഡൗൺ മാറാതെ
ഈസാധനങ്ങൾ കിട്ടാൻ ബുദ്ധിമുട്ടായിരിക്കും.

കടക്കാരന്റെ വാക്ക്കേട്ട് ഞമ്മ സ്തബ്ധനായി നിന്നു.

അപ്പോഴും ഇടിനാദംപോലെ പാത്തുവിന്റെവാക്കുകൾ മനസ്സിൽ മുഴങ്ങിക്കൊണ്ടിരുന്നു

" ഇക്കാ മറ്റൊന്നും കിട്ടിയില്ലെങ്കിലും ആദ്യത്തെ രണ്ട് സാധങ്ങളും അത്യാവിശ്യമായി വാങ്ങണം"

😀😀😀