Thread by @The_Chhamu

ନିଜସ୍ୱ ମତାମତ:

ନିୟତୀର ନ୍ୟାୟରେ କ୍ରୀଡନକ ମଣିଷ ଜାତି ଆଜି ଭୟଭିତ, ଆତଙ୍କିତ ଆଉ ଭବିଷ୍ୟତକୁ ନେଇ ସନ୍ଦିହାନ ମଧ୍ୟ। କାହିଁକି ନ ହେବ, ଅଜଣା #ମହାମାରୀ କୁ ଅଙ୍ଗେ ନିଭେଇବା କ'ଣ ଏକ ସାଧାରଣ ପରିସ୍ଥିତି କି? ଅବଶ୍ୟ ଏଇ ଘଡିସନ୍ଧି ମୁହୁର୍ତ୍ତରେ ଆମ ପାଇଁ ଅଣ୍ଟା ଭିଡିଛନ୍ତି ଅନେକ #ଯୋଦ୍ଧା, #କରୋନା_ଯୋଦ୍ଧା। (1/n)

ନିଜ କର୍ମକୁ ଭଗବାନ ମାନିନେଇ, ଲୋକଙ୍କ ପାଇଁ ଅଜାଣତରେ ସାଜିଛନ୍ତି ନିଜେ ଜଣେ ଜଣେ ପ୍ରତ୍ୟେକ୍ଷ ଈଶ୍ବର। ହଁ ସେମାନେ ତ ନିଶ୍ଚୟ ଜିତିବେ; ଏ ଯୁଦ୍ଧରେ; ସେମାନଙ୍କ ପାଇଁ, ଆମ ପାଇଁ, ଆମ ସମସ୍ତଙ୍କ ପାଇଁ। କେବଳ ଟିକିଏ #ସହଯୋଗ, #ସହାନୁଭୂତି ଆଉ #ଯତ୍ନଶୀଳତା ଲୋଡା।
ଏ ସମୟର କଟାକ୍ଷ ଯେତେ ଯନ୍ତ୍ରଣା ଦେଉନା କାହିଁକି, (2/n) ...

...ଏ ହାହାକାରର ପୃଷ୍ଠାକୁ ଓଲଟାଇ ଆମେ ନିଶ୍ଚୟ ଜୀବନରେ ଏକ ନୂଆ ଫର୍ଦ୍ଧ ଯୋଡିଦେବା! ନୂଆ ସକାଳ ଆସିବ, ନୂଆ ସୂର୍ଯ୍ୟ ପୁଣି ଉଇଁବ, ଉଜ୍ଜଳ ଭରିଦେବ ଆମ ଏଇ ସବୁଜ ସୁନ୍ଦର ଧରାରେ; ଟିକିଏ #ଧର୍ଯ୍ୟ, ଟିକିଏ #ପ୍ରତ୍ୟୟ!
ସଙ୍କଟକୁ ପରାସ୍ତ କରିବାପାଇଁ #ସରକାର ନିହାତି କର୍ମଶୀଳ, ସୁପ୍ତ ନୁହେଁ। (3/n)

ବିଶାଳ ଜନସଂଖ୍ୟାର ଦେଶ ଆଜି ଲଢୁଛି କ୍ଷୀପ୍ରତର #ଭୁତାଣୁ ର ପ୍ରକୋପ ସହିତ; ନିର୍ଦ୍ବନ୍ଦରେ ପ୍ରଶଂସନୀୟ, ବିଶ୍ବସନୀୟ। #ରାଜ୍ୟ_ସରକାର ମଧ୍ୟ ଯଥାସମ୍ଭବ ଏ ପରିସ୍ଥିତିର ମୁକାବିଲା କରୁଛନ୍ତି। ଏଥିରେ ତିଳେ ମାତ୍ର ସନ୍ଦେହ ନାହିଁ।
କଥା ପଡିଚି ଏଠି #ଦାଦନ ର। କିଏ ଏଇ #ଦାଦନ? ଆମରି ବାପ, ଆମରି ଭାଇ, ଆମରି ସାଙ୍ଗ ନା କୋଉ ଅଜଣା ବିଦେଶୀ?(4/n)

କାହିଁକି ସେମାନେ ଆଜି #ଦାଦନ? ଟଙ୍କିକିଆ ଚାଉଳରେ କ'ଣ ୟାଙ୍କର ପେଟ ପୁରୁନି? ବଧେ ଦି ମହଲା କୋଠା ଗଢିବା ପାଇଁ ଏମାନେ ଦାଦନ! ପଚାର, ନିଜ ଆତ୍ମାକୁ ପଚାର, ନିଜ ବିବେକ କୁ ପଚାର! ଝିଅର ବାହାଘର ପାଇଁ, ଭଉଣୀର ବାହାଘର ପାଇଁ, ଋଣ ସୁଝିବା ପାଇଁ, SHG ଗୃପ୍ ଋଣ ସୁଝିବା ପାଇଁ, ଭିଟା ମାଟିରେ ଖଣ୍ଡିଏ କୁଡିଆ ଗଢିବା ପାଇଁ,
...(5/n)

...ସେଥିରେ ମେଞ୍ଚାଏ ସିମେଣ୍ଟ ବୋଳି ଶକ୍ତ କରିବା ପାଇଁ, କାଳେ ବାତ୍ୟା ଆସି ସବୁ ବୋହି ନ ନିଏ, ଏମାନେ ଚାଲି ଯାଆନ୍ତି ଦୂର ରାଜ୍ୟକୁ, ସୁରଟ୍ କୁ, ଦକ୍ଷିଣ କୁ! କିଏ ଫେରନ୍ତିନି; କିଏ ଫେରନ୍ତି, ସାଙ୍ଗରେ AIDS ନେଇ, ପୁଣି କିଏ କଟା ପାପୁଲି ନେଇ!
(6/n)

କେବେ ଦେଖିଛନ୍ତି #ପୁରୀ-ଅହମଦାବାଦ ଟ୍ରେନ୍ ର ଭିଡ, କେବେ ଦେଖିଛନ୍ତି #କଣ୍ଟାବାଞ୍ଜି ଷ୍ଟେସନରେ ସର୍ଦ୍ଦାର ର ତାଗିଦ୍ ଆଉ ମଣିଷ ଭର୍ତ୍ତି ବଗିର ଟଏଲେଟ୍ ଘର?
କାଳର କରାଳ ରୂପ! ଯେଉଁ ମାଟିରେ ଜନ୍ମ ସେଇ ମାଟି ପୁଣି କରେ ଅନାଦର! "ଏଠି ଭୁଲ୍ କାହାର ଭୋଗୁଛି କିଏ"। (7/n)

ଏ ଓଡିଆ ଜାତି ଏମିତି ଅଳସୁଆ ନୁହେଁ ମ ! ଲୁଗାକଳରେ ଷୋହଳ ଘଣ୍ଟା #ଛଞ୍ଚା ପିଟି ଦି ଗୁଣ ଅୟର କ୍ଷମତା ରଖେ ଇଏ! ହେଲେ, ଏଠି ସେ #ଛଞ୍ଚା କାହିଁ? ସେ ପଥର-ଘଷା କଳ କାହିଁ?
ବର୍ଷ ବର୍ଷ #କୋଡିଏ ବର୍ଷର ଶାସନ, ତଥାପି ୧୮ ଲକ୍ଷ ଓଡିଆ ବାହାର ରାଜ୍ୟରେ ଆଉ କେବଳ ୮୦ ହଜାର ପ୍ରବାସୀ ଆମ ରାଜ୍ୟରେ!! କ'ଣ ଚାଲିଚି ଏଠି? "#ଶାସନ ନା #ନିଷ୍କାସନ"(8/n)

କେହି କେହି କହିଲେଣି ଏମାନେ ଯେଉଁଠି ରୋଜଗାର କରୁଛନ୍ତି, ଯେଉଁ ରାଜ୍ୟର ଅଭିବୃଦ୍ଧିରେ ସହାୟକ ହେଉଛନ୍ତି, ସେଇ ରାଜ୍ୟ କାହିଁକି ଏମାନଙ୍କ ଯତ୍ନ ନେଉନାହିଁ। କେବଳ ଓଡିଆ ଲୋକଙ୍କ କଥା ଓଡିଶା ହିଁ ବୁଝିବ କି? ଭାରତ ବୋଲି କିଛି ନାହିଁ କି? ଠିକ୍ ପ୍ରଶ୍ନ। ଆଛା ସେ ରାଜ୍ୟର ସରକାରମାନେ କ'ଣ ମନା କରି ଦେଇଛନ୍ତି କି? (9/n)

କର୍ଣ୍ଣାଟକ ସରକାର ତ ପୁଣି ସବୁ ଦାୟୀତ୍ବ ପାଇଁ ଅଣ୍ଟା ଭିଡିଥିଲେ ନା। ତେଣୁ ଏ ପ୍ରଶ୍ନର ଯଥାର୍ଥତା ହିଁ ନାହିଁ।
ଥରେ ଚିନ୍ତା କରନ୍ତୁ, #ମହାମାରୀ ଆସିଛି, ବୁଢା ରୋଗୀଣା ବାପା-ମାଆ'କୁ ଛାଡି, ପିଲାଛୁଆ'କୁ ଛାଡି #ପେଟ ଚାଖଣ୍ଡକ ପାଇଁ ବିଦେଶରେ ଖଟୁଥିବା ନାମିତ #ଦାଦନ କ'ଣ ଟିକିଏ #ସହାନୁଭୂତି ର ପାତ୍ର ନୁହେଁ କି? (10/n)

ସରକାରର #ଅପାରଗତା ପାଇଁ ସିଏ ଆଜି ଦାଦନ। ତାହାର ଭୁଲ୍ କୋଉଠି? ସଙ୍କଟ ସମୟରେ ଆତ୍ମୀୟଙ୍କ ପାଖରେ ରହିବା କିଏ ନ ଚାହେଁ।
ତା ମନରେ ଅନେକ ପ୍ରଶ୍ନ ଉଙ୍କିମାରୁଥିବ, କାଳେ ଆଉ ମୋ ବୋଉକୁ ଦେଖିପାରିବିନି କି!, ମୋ ଝିଅର ବାପା ଡାକ ଶୁଣିବାକୁ ରହିବିନି କି!, ମୁଁ ଥାଉ ଥାଉ ମୋ ପରିବାରର କିଛି ହେଇଯିବନି ତ!, (11/n)

ଏମିତି ଅନେକ ପ୍ରଶ୍ନ, ଯାହା ତାକୁ ତା ମାଟିକୁ ନିଶ୍ଚୟ ଟାଣି ଆଣିବ। ସରକାର ନ ଆଣିଲେ ସେ ଲୁଚି ଲୁଚି ଚାଲି ଚାଲି ଆସିଯିବ। ହଁ, ସିଏ ପହଞ୍ଚି ନପାରେ ମଧ୍ୟ! ରେଳ ଧାରଣାରେ ଥକା ଦୂର କରୁକରୁ କାଳେ କୋଉ ରେଳ ତା ଉପରେ ଚଢି ଯାଇ ପାରେ! କିଲୋ ମିଟର କିଲୋ ମିଟର ଚାଲି ଚାଲି ଘରେ ପହଞ୍ଚିବା ଆଗରୁ ତା ଦେହରୁ ରକ୍ତ ଶୁଖିଯିବ ମଧ୍ୟ! (12/n)

କିନ୍ତୁ ସେ ଆସିବ ନିଶ୍ଚୟ! ମଣିଷର #ସମ୍ବେଦନତା ଉପରେ କୌଣସି ପ୍ରଶ୍ନ ନାହିଁ। ହଁ କିଛି #ପ୍ରବାସୀଙ୍କ ଉଦ୍ଧତ ପଣିଆ ସମସ୍ତଙ୍କୁ ବ୍ୟଥିତ କରିଛି। ହେଲେ ଅଳ୍ପ କିଛି ମୂର୍ଖଙ୍କ ପାଇଁ ସମସ୍ତଙ୍କୁ ଦଣ୍ଡ ଦେଇଦେବା କି?
ତେଣୁ ଆଗାମୀ ଜଟିଳ ପରିସ୍ଥିତିକୁ ଆଗୁଆ ବୁଝିନେଇ ଯଥାରୀତ କାର୍ଯ୍ୟ ଆରମ୍ଭ କରିବାକୁ ହେବ। (13/n)

କେବଳ ସରକାରୀ କଳ ନୁହେଁ,ସାଧାରଣ ଜନତା ଆଗକୁ ଆସିବାକୁ ହେବ ସ୍ବେଚ୍ଛାସେବୀ ରୂପରେ। ସଙ୍ଘୀ ହୁଅନ୍ତୁ ବା ୪୫୦କୋଟିର ଯୁବ ବାହିନୀ,ଏ ଦାୟିତ୍ୱ ଶିରୋଧାର୍ଯ୍ୟ ଭାବିବାକୁ ପଡିବ। ଶୁଣା ଯାଉଛି ଭାରତ ତା ନିଜସ୍ୱ ପରୀକ୍ଷା କିଟ୍ ଶୀଘ୍ର ଉପଲବ୍ଧ କରିବାକୁ ଯାଉଛି।ତଥାପି ଅଧିକରୁ ଅଧିକ ରୋଗ ପରୀକ୍ଷା ପାଇଁ ଯଥାଶୀଘ୍ର ପଦକ୍ଷେପ ନେବାକୁ ପଡିବ।(14/n)

ଭାଷଣ ସର୍ବସ୍ବ ନହୋଇ ନିୟମକୁ କଡାକଡି କାର୍ଯ୍ୟକ୍ଷମ କରିବାକୁ ହେବ।
ଆଶା କରେ ଯାତ୍ରା ପୂର୍ବରୁ ସବୁ ଠିକ୍ ଠାକ୍ ହେଇ ଯାଇଥିବ। (n/n)
#ଜୟ_ଜଗନ୍ନାଥ 🙏