Thread by @SundarrajanG

விஸ்வநாத் பிரதாப் சிங் என்றொரு மீட்பர்:
வெளிநாடுகளில் சிக்கியுள்ள இந்தியர்களை விமானம் மூலம் தாய்நாடு அழைத்துவர அரசு பெருந்தொகையான பணம் வசூலிக்கப்படுகிறது. ஆனால், 1990ல் வளைகுடா யுத்தம் நடந்தபோது குவைத்திலிருந்து ஒரு லட்சத்து 11 ஆயிரம் பேர் இந்தியாவுக்கு மீட்டுவரப்பட்டனர்.

அப்போது யாரிடமும் பணமும் வாங்கப்படவில்லை.அந்தத் தருணத்தில் என்ன நடந்தது என்பது குறித்து அப்போதைய பிரதமர் வி.பி. சிங்கின் மீடியா ஆலோசகராக இருந்த பிரேம் ஷங்கர் ஜா விரிவாக எழுதியிருக்கிறார்.
வளைகுடா யுத்தம் நடந்தபோது குவைத்தில் ஒரு லட்சத்து 70 ஆயிரம் இந்தியர்கள் பணியாற்றிவந்தார்கள்.

அந்தத் தருணத்தில் இந்தியாவின் பொருளாதார நிலை மிக மோசமாக இருந்தது. இந்தியர்களுக்கு எந்தப் பிரச்சனையும் வராது என சதாம் ஹுசைன் வாக்குறுதி அளித்தாலும் பெரும்பாலான இந்தியர்கள் நாடு திரும்பவே விரும்பினார்கள்.ஆனால், அந்தத் தருணத்தில் குவைத்திலிருந்தே இந்தியாவுக்கு அவர்களை அழைத்துவர

வழியில்லை. ஆகவே இந்தியர்களை பஸ்ராவிலிருந்து 1120 கி.மீ தூரம் தரைவழியே அம்மான் வரை அழைத்துவந்து, அங்கிருந்து இந்தியாவுக்குக் கொண்டுவர சதாமிடம் ஒப்புதல் பெறப்பட்டது. அப்போது ஏர் இந்தியாவிடம் சில 747 விமானங்களே இருந்தன. அவை அனைத்தையும் வர்த்தக சேவையிலிருந்து விலக்கி, இந்தப் பணியில்

ஈடுபடுத்த பிரதமர்வி.பி.சிங் நினைக்கவில்லை.ஆகவே இந்தியன் ஏர்லைன்ஸ் அப்போதுதான் வாங்கியிருந்த ஏர்பஸ் ஏ320களை பயன்படுத்த நினைத்தார்.இந்தியன் ஏர்லைன்ஸ் வாங்கியிருந்த இரண்டு ஏர்பஸ்களில்ஒன்று விபத்துக்குள்ளாகியிருந்தது.மீதமிருந்த ஒரு விமானம் வர்த்தக சேவையிலிருந்து விலக்கப்பட்டிருந்தது.

அந்த விமானத்தை இந்த சேவையில் இறக்கினார் வி.பி. சிங்.அந்த விமானம் அடுத்த இரண்டு மாதங்களுக்கு தினமும் 16-18 மணி நேரம் என்ற ரீதியில் தொடர்ந்து பறந்தது.மொத்தம்488 தடவைகள்.1,11,000க்கும் மேற்பட்ட இந்தியர்கள் இந்தியாவுக்கு அழைத்துவரப்பட் டனர். இப்போதுவரை, உலகில் எந்த ஒரு நாடும் இவ்வளவு

பெரிய அளவில் மீட்பு நடவடிக்கையை மேற்கொண்டதில்லை.இந்த நடவடிக்கையில் பில்லியன் டாலர்கள் வரை செலவானது.அப்போது அன்னியச் செலாவணியே இல்லாத காரணத்தால், 55 டன் தங்கத்தை அடகுவைக்க முடிவெடுக்கப்பட்டிருந்தது.மற்றொரு நெருக்கடியும் ஏற்பட்டிருந்தது. குவைத்தை ஈராக் ஆக்ரமித்தது 1990 ஆகஸ்ட் 2ஆம்

தேதி. அப்போது வி.பி. சிங் அரசு ஒரு மைனாரிட்டி அரசு.அவருக்குக் கிடைத்த உளவுத் தகவல்களின்படி, அத்வானி நடத்திவந்த ரத யாத்திரை அக்டோபர் 30ஆம் தேதி முடிந்த பிறகு, அரசுக்கு அளித்துவந்த ஆதரவை விலக்கிக்கொள்ள பா.ஜ.க. முடிவெடுத்திருந்தது.என்ன நல்லது செய்தாலும் இதில் எதுவும் மாறப்போவதில்லை

என்பது அவருக்குத் தெரியும். இருந்தபோதும் இந்தியர்களை மீட்பது இந்தியாவின் கடமை என அவர் நம்பினார். அந்த மீட்பு நடவடிக்கைக்கு அவர்களிடம் பணம் கேட்பது என்ற கேள்வியே எழவில்லை.அப்போதைய நிலைமைக்கு, இந்திய அரசு எந்த வகையிலும் காரணமில்லை. ஆனால், இப்போது ஏழைத் தொழிலாளர்கள் தங்கள் வீட்டை

நோக்கி திரும்பிவருவதற்கு அரசு எடுத்த முடிவே காரணம். அவர்களை மீட்க வேண்டிய பொறுப்பு அரசுக்கு இருக்கிறது.ஆனால், அந்தத் தொழிலாளர்கள் தங்களைத் தாங்களே பார்த்துக்கொள்ள வேண்டுமென சங்க பரிவாரங்கள் அறிவுரை சொல்கின்றன.

இதுவெல்லாம் சாத்தியமானதற்கு முக்கிய காரணம் அன்றைய வெளியுறவு துறை அமைச்சராக இருந்த குஜ்ரால்.

முழு கட்டுரைக்கான லிங்க் கீழே.
@muralijourno

thewire.in/politics/modi-…