بسم اللہ الرحمٰن الرحیم
نحمدہ ونصلی علیٰ رسولہ الکریم ﷺ
آج کل پاکستان میں ایک تُرکش ڈرامہ #ارطغرل_غازی بہت مشہور ہو چکا ہے۔
نحمدہ ونصلی علیٰ رسولہ الکریم ﷺ
آج کل پاکستان میں ایک تُرکش ڈرامہ #ارطغرل_غازی بہت مشہور ہو چکا ہے۔
یہ ڈرامہ اتنا مشہور ہوا کہ ملک کے وزیر اعظم نے بھی اس ڈرامہ کے بارہ میں کہا ہے کہ نوجوان نسل کو یہ ڈرامہ دیکھنا چاہیے۔
پاکستان ٹیلی ویژن نے اس ڈرامہ کا اُردو زبان میں ورژن نکالا ہے اور YouTube پہ اس ڈرامہ کو چند دنوں کے اندر ہی دو کروڑ سے زائد افراد نے دیکھ بھی لیا ہے۔
پاکستان کی مشہور و معروف شخصیت قاسم علی شاہ صاحب جن کو کئی ملین افراد سوشل میڈیا پر فالو کرتے ہیں۔ اُن کا #ارطغرل_غازی ڈرامہ کے بارہ میں اپنا خیال یہ ہے کہ اس ڈرامہ کے ڈائلوگز کو سُنہری حروف میں لکھا جانا چاہیئے۔
یہ ڈرامہ اتنا مقبول ہوچکا ہے کہ بقول پاکستانی عوام کے اس ڈرامہ کے کردار مسلم دنیا میں اسلام کی حقیقی تعلیمات کی نمائندگی کرتے دکھائی دیتے ہیں۔ پاکستانی عوام ڈراموں سے کچھ زیادہ ہی متاثر معلوم ہوتی ہے۔اتنا متاثر کہ جتنا خود اِن کرداروں کو ادا کرنے والے بھی معلوم نہیں ہوتے۔
ارطغرل_غازی کو کردار ادا مشہور اداکار انگن الطان دوزیاتان نے ادا کیا ہے۔ بیچارے نے اپنے گھر میں اپنے کتے کے ساتھ ایک تصویر کھینچ کر سوشل میڈیا پر کیا ڈال دی۔ پاکستانی عوام تو ہاتھ دھو کر اُس کے پیچھے ہی پڑھ گئی اور اسلام کا سبق پڑھانا شروع کردی۔
اسی طرح اس ڈرامہ کی ہیروئین حلیمہ سلطان کا کردار اداکارہ اسراء بلجک نے ادا کیا۔ اُس نے اپنی ماڈلنگ کی تصویر سوشل میڈیا پر ڈالی تو پھر پاکستانی عوام حواس باختہ ہو کر اس عورت کے پیچھے بھی پڑھ گئی اور ناموس اسلام کا مسئلہ کھڑا ہوگیا۔
اس بات کو ٹوئیٹر کی ایک پاکستانی معروف شخصیت نے بھی نوٹ کیا ۔
#ارطغرل_غازی کے کردار سے تو پاکستان میں سب ہی متاثر دکھائی دیئے اور اسلام کی تعلیمات کا نمائندہ بھی متصور کرلیا لیکن کسی نے اُس کردار پر غور کیا جس سے خود #ارطغرل_غازی متاثر تھا۔ یعنی حضرت ابن العربی رحمہ اللہ؟
یہ مشہور صوفی بزرگ جن کو تمام اولیاء کا خاتم/بادشاہ سمجھا جاتا ہے ڈرامہ میں لوگوں کو نہایت متانت اور محبت سے اسلام کی تبلیغ کرتے دکھائی دیتے ہیں. یقین جانیں ایک جگہ بھی کفر کا فتوی کسی پر لگاتے دکھائی نہیں دیئے۔ #ارطغرل_غازی ان کو اپنا شیخ مانتا اور انکی ہر بات کی پیروی کرتا ہے۔
حضرت ابن العربی اس ڈرامہ میں ایک دن #ارطغرل_غازی اور اُس کے کائی قبیلہ کو جمعہ پڑھاتے دکھائی دیتے ہیں جس میں وہ سورۃ النساء کی آیت نمبر 69 پر خطبہ دیتے ہیں۔
یہ ایک بہت ہی مشہور آیت ہے جسے احمدی جنہیں پاکستانی قادیانی کہتے ہیں اپنی تبلیغ میں بہت پیش کرتے ہیں۔ اس آیت کا عربی متن اور ترجمہ ذیل میں درج کیا جاتا ہے👇
#ارطغرل_غازی کے شیخ حضرت ابن العربی نے اس آیت سے کیا مطلب لیاہے؟ نہایت ہی دلچسپ ہے۔ مولانا نے اپنی شہرہ آفاق تصنیف فتوحات مکیہ میں جو تحریر فرمایا وہ بھی پڑھیں نیز اُنکی کتاب کے ٹائٹل پر اُن کا لقب خاتم الاولیاء جو اوپر شیئر کیا ہے دیکھیں اور سوچیں کہ یہاں خاتم کا کیا مطلب ہے
اب سنئے عالم دین جاوید احمد غامدی صاحب کا وہ بیان جو پاکستان کے مولوی آپ کے سامنے آنے نہیں دیتے اور چھپاتے ہیں۔
اب ذرا سوچیں کہ ابن العربی رحمہ اللہ کیا فرماگئے ہیں اور آج کے مولوی آپ کو #ختم_نبوت کے نام پر کونسا منجن بیچ رہے ہیں۔ خدا کے لئے ہوش کے ناخن لیں اور مولویوں سے اپنا پیچھا چھڑائیں۔ قیامت کے دن مولوی نے آپ کی جگہ اللہ تعالیٰ کے حضور جواب نہیں دینا/آپ کو آگے کر کے خود بھاگ جانا ہے
قیامت کے روز وہ لوگ جو ان مولویوں کے پیچھے پڑھ کے اپنی عاقبت بگاڑ رہے ہیں خدا سے عرض کریں گے کہ یا اللہ ہمیں ایک موقع دیدے ہم واپس دنیا میں جاکے ان مولویوں سے اپنی بیزارگی کا اظہار کریں گے جیسے آج یہ ہم کو تنہا چھوڑ کر ہم سے پیچھا چھڑا رہے ہیں۔ لیکن تب بہت دیر ہوچکی ہوگی۔
اے میرے پیاروں ان تمام باتوں کو پڑھنے کے بعد اب یہ نہ کہہ دینا کہ #ارطغرل_غازی کے پیچھے بھی کوئی قادیانی سازش ہے۔
والسلام علی من اتبع الھدی
والسلام علی من اتبع الھدی
