Thread by @zahida_rahim

قومی شاعر علامہ محمد اقبال کی بانی پاکستانی محمد علی جناح پر طنزیہ نظم۔۔
جب2دسمبر 1920 کو انڈین نیشنل کانگریس کاسالانہ اجلاس منعقد ہوا۔ یہ اس لحاظ سےتاریخی اجلاس تھا کہ۔اس میں گاندھی جی کی برطانوی راج سےعدم تعاون کی قراردادمنظور ہوئی۔محمد علی جناح نےاس قرار داد مخالفت کی۔۔
+1/13

اس پر کارکنوں کی جانب سے ان پر شدید
تنقید ہوئی اور ان کے خلاف نعرے بازی بھی کی گئی جبکہ کچھ کانگریسیوں نے شیم شیم کے نعرے بھی لگائے ۔ چنانچہ جناح صاحب اسی وقت کانگریس سے نکل گئے۔اس وقت صورت حال یہ تھی کہ مسلم لیگ
تقریباًحالت نزاع میں تھی۔+2/13

اور خلافت کمیٹی پورے ہندوستان اور خصوصاً اسلامیان ہند کی نمائندگی کر رہی تھی۔ چنانچہ جناح صاحب لندن چلےگئے اور سات آٹھ مہینے وہاں گزار کر اکتوبر 1921 کو بمبئی واپس آئے اور مسلم لیگ کو ایک بار پھر فعال کرنے کا اعلان کردیا۔اس اعلان پر ڈاکٹر اقبال بہت برہم ہوئے..+3/13

کیوں کہ اس وقت ہندو اور مسلمان اکھٹےمل کر کانگریس اور خلافت کمیٹی کے پلیٹ فارم سے برطانوی استعمار کے خلاف جدوجہد میں مصروف تھے۔
ڈاکٹر اقبال نے جناح صاحب کی کاوش کو مسلمانوں میں تفریق پیدا کرنے کی سازش سمجھا اور اس کے ردِعمل میں جناح صاحب کے خلاف تنقیدی اشعار لکھ دئے۔۔+4/13

جو “صدائے لیگ” کے عنوان سے 9 نومبر 1921 کو روزنامہ زمیندار میں شائع ہوئی جو درجہ ذیل اشعار پر مشتمل تھی

صدائے لیگ

لندن کے چرخ نادرہ فن سے پہاڑ پر
اترے مسیح بن کرمحمد علی جناح

نکلے گی تن سے تو کہ رہےگی تباہ ہمیں
اے جان برلب آمدہ اب تیری کیا صلاح۔۔۔+5/13

دل سے خیال دشت و بیاباں نکال دے
مجنوں کے واسطے ہے یہی جادہ فلاح

آغا امام اور محمد علی ہے باب
اس دین میں ہے ترک سوادِ حرم مباح

بَشریٰ لکم کہ منتظر مارسیدہ ہست
یعنی حجابِ غیرتِ کبریٰ دریدہ ہست

نظم کی تشریح
پہلےشعر میں اقبال قائد کو طنزاً مسیح سےتشبیہ دیتے ہوئےکہتےہیں کہ۔۔+5/13

جناح خودساختہ مسیح کی کی طرح لندن سےبغیرکسی بشارت کےاچانک ہم پرنازل ہوگئےہیں۔
دوسرےشعرمیں اقبال کہتےہیں کہ تم ہمیں یعنی قوم کوتباہ کرنےکےواسطے آئےہو(کیونکہ اس وقت تمام مسلمان خلافت کی تحریک پرمتحدتھےاور جناح صاحب کالیگ کودوبارہ متحد کرنااقبال کےنذدیک قوم کوتقسیم کرنا تھا۔+6/13

تیسرےشعر میں علامہ اقبال نے جناح صاحب کو بھٹکے ہوئے مجنوں سے تشبیہ دی ہے کہ مجنوں لیلیٰ کے عشق کےجنون میں مبتلا ہوکر دشت میں بھٹکتا رہتا تھا اور اس کی زندگی سعی لاحاصل تھی۔ اقبال جناح کو مخاطب کرتے ہوئے کہتے ہیں کہ اپنے دل سے خیال دشت و بیاباں نکال دے یعنی لیگ کو جو دوبارہ +7/13

زندہ کرنے کاارادہ کیا ہے اسے ختم کردیں۔
چوتھے شعر میں علامہ اقبال نے آغا خان اور جناح صاحب پر شدید طنز کرتے ہوئے ذومعنی بات کی ہے۔ اقبال جناح صاحب کو اپنے مرکز سے نہ ہٹنے کی تلقین کرتے ہیں اور جناح صاحب کو محمد علی باب سے مثال دیتے ہیں جبکہ آغا خان کو ان کے مسلک کے امام +8/13

سے تشبیہ دی ہے۔
(محمد علی باب ایران کے اسماعیلی فرقے کی ایک ذیلی شاخ کا مبلغ تھا اور اس نےمہدی ہونے کا دعویٰ کیاتھا۔ جسے بعدازاں شاہ ایران ناصر الدین قاچار کےحکم سے تبریز شہر کے چوراہے میں گولی مار کر اس کی نعش شہر سے باہر پھینک دی گئی تھی۔ اس کے پیروکار بابی کہلاتے ہیں)۔۔+9/13

پانچویں شعر کا پہلا مصرعہ عربی زبان جبکہ باقی شعر فارسی زبان میں ہے جس کا صیحح مفہوم کوئی عربی و فارسی پر عبور رکھنے والا شخص ہی سمجھا سکتا ہے مگر اس کے الفاظ کے معنی کچھ یوں ہیں۔
‘بشریٰ لکم’ کا لفظ سورۃ آل عمران کی آیت نمبر 126 سے لیا گیا ہے۔ آیت ترجمہ یہ ہے۔۔+11/13

“اور اس مدد کو اللہ نے تمھارے لیے (ذریعہٴ) بشارت بنایا یعنی اس لیے کہ تمہارے دلوں کو اس سے تسلی حاصل ہو ورنہ مدد تو خدا ہی کی ہے جو غالب (اور) حکمت والا ہے”
جبکہ منتظر مارسیدہ ہست کے معنی “ہمارا منتظر پہنچا ہے” کے ہیں۔
حجابِ کے معنی پردے کے ہیں, جبکہ غیرتِ کبری ٰکے معنی ۔+12/13

بڑی غیرت اور دریدہ ہست کے لفظی معنی پھٹ گیا ہے کے ہیں۔۔۔۔

بعد میں اقبال نے حکیم فضل الرحمن سواتی کے کہنے اس نظم کو ترک کر دیا اور اپنےکسی کلام میں شامل نہ کیا۔ا3/13

ماخذ
کلیات باقیات شعر اقبال (متروک اردو کلام) مرتبہ ڈاکٹر صابر کلورُویاقبال کا متنازعہ کلام ناشر مکتبہ الحجاز لاہور