Thread by @VAdkri

***ଅଲାର ଙ୍କ ନାଥ ପ୍ରଭୁ ଅଲାରନାଥ :***

ତେବେ ପ୍ରଶ୍ନ ଉଠେ ଅଲାର ନାମକରଣ କିପରି କାହିଁକି ଓ କଣ ଏହାର ଅର୍ଥ ?
ଇତି ମଧ୍ୟରେ ଆମେ ମାନେ କିମ୍ବଦନ୍ତୀ କୁ ବିଶ୍ୱାସ କରି ଭ୍ରମ ରେ ପଡି ନାହୁଁ ତ ?
ଅନେକ ଙ୍କ ମତ ରେ ଅଲବିନ୍ଦାଚାର୍ଯ୍ୟ ବା ଅଲବାର ଙ୍କ ଆଗମନ ଓ ଦର୍ଶନ କାହାଣୀ କୁ ଆମେ ମାନି ନେଇଛେ ଅଲାରନାଥ ଙ୍କ ନାମକରଣ ଏପରି ବୋଲି
1/n

ତେବେ ଅନେକେ ମତ ଦିଅନ୍ତି ଯେ ଅଲବନ୍ଦାଚାର୍ଯ୍ୟ ବା ଅଲବାର ଙ୍କ ଆଗମନ ଅଣସର ବେଳେ ହେବା ହେତୁ ସେ ବ୍ରହ୍ମଗିରି ରେ ସାକ୍ଷାତ ନାରାୟଣ ଙ୍କ ମୂର୍ତ୍ତି ଦେଖି ଜଗନ୍ନାଥ ଦର୍ଶନ କୃପା ଲାଭ କଲେ। ଓ ସେଦିନ ଠୁ ଏହି ଜନାର୍ଦ୍ଦନ ସ୍ୱରୂପୀ ଅଲାରନାଥ ବୋଲାଇଲେ । କିନ୍ତୁ ଯଦି ଇତିହାସ କୁ ଦେଖିବା ଏହା କପୋଳକକଳ୍ପିତ ମନେ ହୁଏ
2/n

ଐତିହାସିକ ଦୃଷ୍ଟି ରୁ ଦେଖିବାକୁ ଗଲେ
ବ୍ରହ୍ମଗିରି ର ଏହି ଭବ୍ୟ ବିଷ୍ଣୁ ଦେଉଳ ଦ୍ୱାଦଶ ଶତାବ୍ଦୀ ରେ ନିର୍ମିତ । ଓ ଏହା ଗଙ୍ଗ ବଂଶୀ ଙ୍କ ଅନ୍ୟତମ ଇଷ୍ଟ କ୍ଷେତ୍ର।ମାଦଳା ଅନୁସାରେ ମଦନ ମହାଦେବ ଙ୍କ ଦ୍ଵାରା ନିର୍ମିତ।
ତେବେ ଏ ଅଲବିନ୍ଦାଚର୍ଯ୍ୟ କେବେ ଆସିଲେ ?
ଅଲବିନ୍ଦାଚର୍ଯ୍ୟ କଣ ଦ୍ୱାଦଶ ଅଲବାର ଓ ଆଁଣ୍ଡାଲ ଙ୍କ ମଧ୍ୟ ରୁ ଜଣେ କି ?
3/n

ତାମିଲ ଇତିହାସ ଓ ବୈଷ୍ଣବ ଭକ୍ତି ଆନ୍ଦୋଳନ ର ଅଭ୍ୟୁଦୟ କୁ ଯଦି ଧରାଯାଏ । ପଞ୍ଚମ ରୁ ଦଶମ ଯାଏଁ ଏହି ବାର ଅଲବାର ଙ୍କ ସ୍ଥିତି ଦେଖାଯାଏ। ପରେ ରାମାନୁଜ ଙ୍କ ସମୟ ରେ ଯାହା ବହୁ ପ୍ରଚାରିତ ହେଲା। ଯଦି ମନ୍ଦିର ଦ୍ୱାଦଶ ଶତାବ୍ଦୀ ରେ ନିର୍ମାଣ ହୋଇଛି । ଏ ଦକ୍ଷିଣ ଅଲବାର ଶବ୍ଦ କଣ ରାମାନୁଜ ରଖିଲେ କି ?
ଯେବେ କି
4/n
@pattaprateek

ଯେବେକି ରାମାନୁଜ ଙ୍କ ବ୍ରହ୍ମଗିରି ଆଗମନ ର କୌଣସି ଐତିହାସିକ ପ୍ରମାଣ ଏଯାବତ ଅଦୃଶ୍ୟ।
ପୁଣି ମନ ରେ ସଂଶୟ
ତାମିଲ ବୈଷ୍ଣବୀୟ ଭକ୍ତି ଧାରା ରେ କଳିଙ୍ଗ/ଉତ୍କଳ ରେ କୌଣସି ଟି ଦିବ୍ୟ କ୍ଷେତ୍ର ନାହିଁ।
ଯଦି ସେ ଅଳବାର ଙ୍କ ଇଷ୍ଟ ବା ପ୍ରିୟ କ୍ଷେତ୍ର ତେବେ
ଏହା ତାମିଲ ଦିବ୍ୟ ପ୍ରବନ୍ଧ ରେ ଉଲ୍ଲେଖ ହେବା କଥା । କିନ୍ତୁ ଏହା ସମ୍ବନ୍ଧରେ
5/n

ତାମିଲ ଅଲବାର ଙ୍କ ୧୦୮ ଦିବ୍ୟ ଦେଶ திவ்யா தேசம் ରେ ସୂଚନା ମିଳେ ନାହିଁ। ଯେତେବେଳେ କି ଭାରତ ର ତାମିଲନାଡୁ ରେ ୮୫, କେରଳ ରେ ୧୧, ଆନ୍ଧ୍ର ରେ ୨, ଗୁଜୁରାଟ ରେ ୧, ଉତ୍ତରପ୍ରଦେଶ ରେ ୪, ଉତ୍ତରାଖଣ୍ଡ ରେ ୩, ନେପାଳ ରେ ୧ ଓ ମର୍ତ୍ତ୍ୟ ଭୁବନ ବାହାରେ ତିନିଗୋଟି ର ବର୍ଣ୍ଣନା ଅଛି।
6/n

ତେଣୁ କରି ଲିଖିତ ପ୍ରମାଣ ହିସାବରେ ତାମିଲ ସାହିତ୍ୟ ଓ କାବ୍ୟ ରେ ଅଲବାର ଙ୍କ କ୍ଷେତ୍ର ସହ ଯୋଡିବା ଭିତ୍ତିହୀନ ମନେ ହୁଏ।
ପୁଣି ଯଦି ସେମାନେ ୫ମ୍ ରୁ ୧୦ମ୍ ଶତାବ୍ଦୀ ରେ ଶ୍ରୀକ୍ଷେତ୍ର ଆସିଥିଲେ।
ତାହାଲେ ଜଗନ୍ନାଥ ଙ୍କ ଅଣସର ନୀତି କଣ ଯୁକ୍ତି ସାପେକ୍ଷ ମନେ ହୁଏ। ଅପିତୁ ସେ ସମୟ ରେ ଉଡ୍ର ଦେଶ ରେ ତନ୍ତ୍ର ଓ ବୌଦ୍ଧ ଧର୍ମ ର ସମନ୍ୱୟ
7/n

ଅଧିକା ପରିଲକ୍ଷିତ ହୁଏ। ତେବେ ଇତିହାସ ଦୃଷ୍ଟି କୋଣ ରୁ ଏହା ସମ୍ପୂର୍ଣ୍ଣ ଗଳ୍ପସଦୃଶ ମନେହୁଏ।
ବର୍ତ୍ତମାନ ଆସିବା ଓଡିଶା ର ଇତିହାସ କୁ
ବୌଦ୍ଧ ଧର୍ମ ଓ ବୈଷ୍ଣବ ଧର୍ମ ର ପ୍ରଚାର ମଧ୍ୟ ରେ ତୋଷାଳି,ଉତ୍କଳ ,କଳିଙ୍ଗ,କୋଶଳ,କଙ୍ଗୋଦ ଓ ଆଦି ରେ ଅତଏବ ଓଡିଶା ରେ ଶୈବ ତଥା ପାଶୁପତ ଧର୍ମ ର ପ୍ରସାର ଭୌମକର, ଶୈଳୋଦ୍ଭବାଦି କୃତି ରେ ଦେଖାଗଲା
8/n

ତେବେ ଓଡ଼ିଆ ଇତିହାସ କୁ ଭିତ୍ତି କରି ଅନେକ ଗବେଷଣା ମଧ୍ୟ ହୋଇଛି।ଯେହେତୁ ଗଙ୍ଗବଂଶୀ ମାନେ ଏହା ନିର୍ମାଣ କରିଥିଲେ ,ସେମାନେ ବୈଷ୍ଣବ ହେବା ପୂର୍ବରୁ ଶୈବ ବୋଲାଉଥିଲେ।ତେବେ କେତେକ ଙ୍କ ମତେ ଅଲାର ଶବ୍ଦ ଟି ଶିବତତ୍ୱ କୁ ବୁଝାଏ
ତାହାଲେ କଣ ପ୍ରଥମେ କଣ ଶିବ ଅଲାରନାଥ ଙ୍କ ରୂପେ ପୂଜା ପାଉଥିଲେ କି?
ଗୋପଳଚନ୍ଦ୍ର ପ୍ରହରାଜ ଙ୍କ ମତ ରେ
9/n

ତେବେ ଆମ ଓଡ଼ିଆ ରେ ଗୋଟେ ବହୁ ପ୍ରଚଳିତ ପ୍ରବାଦ ଟି ଅଛି " ନାନା ମୁନି ନାନା ମତ"
ଆକ୍ଷରିକ ଅର୍ଥକୁ ଛାଡି ବ୍ୟାବହାରିକ ଭାଷା ତଥା କଥିତ ଓଡ଼ିଆ ଶବ୍ଦ କୁ ଯଦି ଧରାଯାଏ।
ତେବେ ଓଡ଼ିଆ ଭାଷା ରେ
ଅଲାର ର ଅର୍ଥ : ଅସହାୟ , ବା ନିଃସ୍ୱ
10/n

ତେବେ ସେ ଅସହାୟ ର ନାଥ ବା ଅଲାର ଜନ ଙ୍କ ନାଥ ସମ୍ଭବ ନୁହେଁ କି ? କହିବାକୁ ଗଲେ ଯଦି ଦୂର ରୁ ଦରିଦ୍ର ଅସହାୟ ଟି ନଜାଣି ଅଣସର ବଳେ ଆସେ , ପୁରୀ କୁ। ସେ କଣ ତାକୁ ଦର୍ଶନ ନଦେଇ ରହିପାରିବେ ?
ତେଣୁ କରି ଏ ବ୍ରହ୍ମଗିରି ରେ ଦାରୁବ୍ରହ୍ମ ଙ୍କ ଲୀଳା ନୁହେଁ ତ ?
ନା ଅନ୍ୟ କିଛି ଗୂଢ ରହସ୍ୟ ଏ ବିଗ୍ରହ ଓ ନାମକାରଣ ପଛରେ ?
ସୁଧିଜନ ମତ ଦେବେ।