Thread by @Gouri1408

அணு உலையும், உலக நாடுகளும் - பாகம் 5

அணு உலை விபத்தை புரிந்துகொள்ள கொஞ்சம் அணு உலை எப்படி செயல்படுகிறது என்பதையும் நாம் தெரிந்துகொள்ள வேண்டும்.

அணு உலை வகைகள்:
பயன்படுத்தப்படும் எரிபொருள், பயன்படுத்தப்படும் நீரின் வகை, நீரை கையாளும் முறை ஆகியவற்றை கொண்டு பலவாறாக அணுஉலைகள் வகைப்

https://twitter.com/Gouri1408/status/1273603050507296769

படுத்தப் படுகின்றன.
செறிவூட்டப்பட்ட யுரேனியம்235 அல்லது செறிவூட்டப்பட்ட தோரியம்233 அணு உலைகள்.
கொதிநீர் அணுஉலை அல்லது அழுத்தப்பட்டநீர் அணுஉலை Boiling Water Reactor BWR, Pressurized Water Reactor(PWR)
சாதாரண நீர் அணுஉலை அல்லது கனநீர் அணுஉலை Light Water Reactor, Heavy Water Reactor

எரிபொருள்:
பெரும்பாலான அணுஉலைகளில் பயன்படுத்தப்படும் எரிபொருள் (தீ வைத்து எரிக்கப்படுவதல்ல) யுரேனியம் 235 ஆகும். இயற்கையில் கிடைக்கும் யுரேனியம் 235ஐ அப்படியே அணு உலைக்கு பயன்படுத்த முடியாது. அதனை செறிவூட்டி விரல் அளவுள்ள சிறிய செராமிக் குப்பியில் அடைத்து, எளிதில் அரிக்க முடியாத

சிர்கோனியம் என்கிற அலோகத்தில் செய்த மெல்லிய குழாயினுள் அந்த குப்பிகளை அடுக்கி பின்னர் அதில் ஹீலியம் வாயுவை நிரப்பி அடைத்துவிடுவார்கள். இவை பியூல் ராடு என அழைக்கப்படுகிறது. பின்னர் அவற்றை கொத்தாக கட்டி உலைக்குள் செருகுவார்கள்.

ஒரு பியூல் ராடு கொத்து 14.5 அடி நீளமும், சுமார்

320 கிலோ எடையும் இருக்கும். இவற்றால் தாங்கிக்கொள்ளக்கூடிய அதிகபட்ச வெப்பம் 600 டிகிரி செல்ஸியஸ்.

ஒரு கிலோ யூரேனியத்தால் 3,000 டன் நிலக்கரி எரிந்து தரும் வெப்பத்தை தர முடியும்.
ஒரு கிலோ யுரேனியத்தைக்கொண்டு 45 மெகாவாட் மின்சாரத்தை தயாரிக்க முடியும்.

கண்ட்ரோல் ராடு:
இது கிராஃபைட்

(நாம் பயன்படுத்தும் பென்சிலில் உள்ள கரிய பகுதி) போரான் கார்பைடு ஆகியவற்றை கொண்டு செய்யப்பட்டிருக்கும். இவை உலையில் பயன்படுத்தும் பியூல் ராடை விட அதிக நீளமாக இருக்கும். இவற்றை பியூல் ராடுகளுக்கு நடுவே நுழைப்பதன் மூலம் உலையின் அணுக்கரு பிளப்பை கட்டுப்படுத்த முடியும்.

மாடரேட்டர்:

இது கிராஃபைட் ஆல் ஆன 250மிமி x 250மிமி x 250மிமி அளவுள்ள கன சதுரம் ஆகும். இதன் உலையின் நடுவே சீராக அடுக்கப்பட்டிருக்கும். இதன் நடுவே உள்ள துளையில்தான் பியூல் ராடும் கண்ட்ரோல் ராடும் செருகப்பட்டிருக்கும். எரிபொருள் கொத்தை தாங்கி பிடிப்பதும், எரிபொருள் தரும் வெப்பத்தை உலையினுள்

செலுத்தப்படும் நீருக்கு மாற்றுவதே இதன் வேலை.

UBS & LBS:
உலையின் மேற்புறம் 3 மீட்டர் கனமுள்ள ஸ்டீலால் ஆன தட்டும்(Upper Biological Shield) , உலையின் கீழே 2 மீட்டர் கனமுள்ள ஸ்டீலால் ஆன தட்டும்(lower Biological Shield) உலையின் வெப்பம் மற்றும் அழுத்தம் வெளியேறிவிடாமல் காக்கின்றன.

இந்த இரு தட்டுகளுக்கும் இடையே உள்ள கான்கிரீட்டால் ஆன கட்டுமானத்திற்கு கோர் (Core) என்று பெயர்.

செயல்படும் விதம்:
உலைக்குள் ஏராளமான நீர் குழாய்கள் நெருக்கமாக அமைக்கப்பட்டிருக்கும். அதன் வழியே மிகப்பெரிய பம்ப் மூலம் குறிப்பிட்ட அழுத்தத்தில் நீர் செலுத்தப்படும். அணுக்கரு பிளவு

தூண்டப்பட்ட உடன் அளப்பரிய வெப்பம் வெளிப்படும். இதனை ஏற்றுக்கொண்ட நீர் மிகவும் சூடாகி அதிக அழுத்தம் மற்றும் வெப்பத்துடன் உலையை விட்டு வெளியேறி நீராவியை பிரிக்கும் கலனுக்குள் புகும். அதிலிருந்து நீர் தனியாக பிரிக்கப்பட்டு குளிர்விக்கும் கலனுக்குள் செலுத்தப்பட்டு மீண்டும் உலைக்குள்

செலுத்த சேமிக்கப்படும். பிரிக்கப்பட்ட நீராவியானது பிரமாண்டமான ஸ்டீம் டர்பைன் ஜெனரேட்டரில் செலுத்தப்பட்டு மின்சாரம் தயாரிக்கப்படும்.

ஒருமுறை உலையில் அணுப்பிளவு நிகழ்வை துவங்கிவிட்டால் அதன் அளவை கட்டுப்படுத்த இயலுமே ஒழிய முழுதாக நிறுத்த முடியாது. அதனால் அதன் பின்னர் மின்சாரம்

உற்பத்தி செய்தாலும் செய்யாவிட்டாலும் அங்கு உருவாகும் தொடர் வெப்பத்தை குறைக்க குறிப்பிட்ட அளவு தண்ணீரை அழுத்தத்துடன் செலுத்திக்கொண்டே இருக்க வேண்டும். எனவே நீரை செலுத்தும் பம்புகளுக்கு மட்டும் தனியாக ஜெனரேட்டர்களும் ஒரு வேளை அவை பழுடைந்தால் துணை புரிய கூடுதல் ஜெனெரேட்டர்களும்

எப்போதும் தயார் நிலையில் இருக்கும்.

கழிவு:
வாமுழுதும் பயன்படுத்திய பின்னர் எஞ்சும் கழிவில் 96% யுரேனியம் இருக்கும். இதனை திறமையாக கையாண்டால் மறுசுழற்சி செய்ய முடியும். 1% புளுடோனியம் இருக்கும். இது வெடிக்கும் தன்மையுள்ளது. எஞ்சிய 3% கழிவு எதுவுமே செய்ய இயலாத பொருளாகும். இவை

அனைத்துமே கடும் கதிரியக்கத்தை வெளியிடுபவை. மேலும் இயல்பாகவே வெப்பத்தை வெளியிடும். எனவே இதனை பத்திரமாக சேமிப்பதுடன் காலத்திற்கும் குளிர்வித்துக்கொண்டே இருக்க வேண்டும்.

- விவரங்கள் இன்னும் வரும்
@teakkadai1 @monk_offi @bharath_kiddo @gklravi