Thread by @DataMasoko

Watu wengi wamejikuta wanaanza biashara au ujasiriamali kama chaguzi la mwisho baada ya kukosa kazi, mtaji au kuajiriwa.
Hivyo wengi wanajikuta wapo katika kujiajiri wakikosa maarifa sahihi katika kufanya na kuendeleza Biashara. UZI Huu utakusaidia kufikiria katika KUPANGA BEI.

KUPANGA BEI

1.Moja ya changamoto kubwa kwa wajasiriamali na wafanya biashara wengi ni katika kumiliki soko ni upangaji wa bei za bidhaa au huduma. #MpangoWaBei @Mkuruzenzi

2.Kupanga Bei ni sayansi na hesabu lakini pia ni Sanaa ya biashara. Bila kujua sayansi ya upangaji bei, Sanaa katika kuweka mfumo wa uhimilivu na hesabu katika gharama za uzalishaji basi lazima ushindwe kubakia Sokoni.

3.Katika Elimu ya mfumo wa Soko kuna mambo mengi yanafundishwa ila kuna mihimili minne ya Masoko. Kwa lugha ya Mkoloni imezoeleka kama 4P’s of Marketing.

4.P ya kwanza inasiamama kama Product (Bidhaa), P ya pili inasimama kama Promotion (Utangazaji na uhamasishaji), P ya tatu usimama kama Place (Eneo la Soko) na P ya nne usimama kama Price (Bei).

5.Hapa ndio Uzi huu unasimama kukusaidia usianguke katika Hesabu na Sanaa katika upangaji bei kwa kutumia Sayansi ya Biashara.

6.Upangaji wa bei ni mchakato muhimu sana na ni mchakato wa kipekee. Unapoanza kufanya biashara Bei ndio msukumo wa biashara maana hata ukafanya uhamasishaji, usafirishaji wa huduma au bidhaa lakini kama soko unalolihudumia halina uwezo wa kununua basi Bei inakuwa ni kikwazo.

7.Upangaji wa bei ndio njia ya mafanikio au kushindwa kwa biashara. Baada ya kufanya utafiti na kufahamu wateja wako watarajiwa ni akina nani, sasa ni wakati wa kujua kiasi cha Fedha utakazowatoza kwaajili ya Bidhaa au Huduma utakayowauzia.

VIGEZO KATIKA UPANGAJI WA BEI

Bei ya bidhaa au huduma hupangwa kutegemea na moja kati ya vigezo hivi au vyote kama vinavyoelezwa hapa;

•Gharama ya Bidhaa au huduma inayotolewa.
•Thamani ya Bidhaa au huduma kwa mteja; hii inajumuisha kama utampelekea
•Bei za washindani wengine katika soko. Mara nyingi hauwezi kuwa mwenyewe katika soko hivyo kuna washindani wako nao wanauza bidhaa au huduma inayofanana.

•Idadi ya wateja wanaohitaji huduma na hali ya soko kwa ujumla. Hali ya soko ni sheria ya kiuchumi, kwa mfano uwepo wa bidhaa nyingi kwa wakati mmoja, na kupungua kwa uhitaji, upelekea bei kushuka maana thamani na uhaba upotea.

Wengi mnakumbuka kuhusu Nyanya, kuna wakati inakuwa sokoni kwa bei ya bure na kuna wakati inakuwa sokoni kwa bei ya Apple.

Karibu kuendelea kufuatilia kurasa zetu katika mitandao ya kijamii; Facebook, WhatsApp, Instagram ana Twitter kujifunza Zaidi mbinu za kumiliki soko.

Ahsante sana. Usisahau kujiunga na channel yetu ya Youtube kwa kufuata kiunganishi katika bio. bit.ly/SUBSCRIBE-Data…