Thread by @Gouri1408

அணு உலை பாகம் 6
1943ம் ஆண்டு லேபரேட்டரி நம்பர் 2 என்கிற பெயரில் ரகசியமாக அணு ஆயுதம் தயாரிக்கும் அமைப்பு ஒன்றை சோவியத் ரஷ்யா நிறுவியிருந்தது.காலப்போக்கில் இவர்களே அணுஉலைகளை வடிவமைக்கும் பொறுப்பை எடுத்துக்கொண்டார்கள்.1955 ஆம் ஆண்டு இதற்கு குர்ச்சடோவ் இன்ஸ்டியூட் ஆப் அடாமிக் எனெர்ஜி

https://twitter.com/Gouri1408/status/1274328201804886017

என பெயர் மாற்றப்பட்டு அணுஉலைகள் பற்றிய ஆராய்ச்சி & விரிவாக்க பணிகளில் வெளிப்படையாக இயங்க தொடங்கியது.இதன் துணை இயக்குனர் லெகோசோவ் (Valery Alexeyevich Legasov)என்பவர் செர்நோபில் விபத்தை துப்பறியவும்,மீண்டும் பெரிய பாதிப்பு ஏற்படாமலிருக்க அரசுக்கு ஆலோசனை செய்யவும் நியமிக்கப்பட்டார்.

லெகோசோவ் துணிவாக நேர்பட பேசும் திறன்மிகு அதிகாரி. சோவியத் யூனியன் அரசின் அவசர முட்டாள்தனமான செயல்பாடுகளை எதிர்த்து விபத்தின் பேரழிவு பரவாமல் தடுத்ததில் இவருக்கு பெரும்பங்கு உண்டு. இவர் துப்பறிந்து தந்த அறிக்கையே இன்று வெளி உலகுக்கு செர்நோபில் விபத்து பற்றி தெரிந்த விவரங்களாகும்.

இனி இவர் தந்த விவரங்களை பார்ப்போம்.

நான் முன்னரே சொன்னவாறு ஒருமுறை அணுஉலையில் அணுப்பிளவு நிகழ்வை தொடங்கிவிட்டால் அதனை குறைக்கலாம்,கட்டுப்படுத்தலாம். ஆனால் தொடர்வினையை நூறு சதவீதம் நிறுத்தமுடியாது. அதனால் சிறிதளவேனும் உலையின் உள்ளே வெப்பம் ஏற்பட்டுக்கொண்டே இருக்கும். செர்னோபிலில்

உள்ள அணுஉலையை 20%க்கு கீழ் குறைக்க கூடாதென அதன் வடிவமைப்பாளர்கள் நிபந்தனை விதித்துள்ளனர். எனவே Shutdown எனப்படுவது ஒரு உலையில் 100MW தயாரிப்பதாகும்.

எனவே அதனை குளிர்விக்க 5.5MW திறனுள்ள ராட்சத பம்புகள் இயங்கி தண்ணீரை உயர் அழுத்தத்தில் செலுத்திக்கொண்டே இருக்க வேண்டும். ஏதாவது

சூழ்நிலையில் அணுஉலையில் மின்வெட்டு ஏற்படுமாயின், அங்கெ இருக்கும் கூடுதல் ஜெனெரேட்டர்கள் தானாகவே துவங்கி பம்புகள் இயங்க உதவும். ஆனால் இந்த ஜெனெரேட்டர்கள் தானாக துவங்கி முழுவேகத்தில் இயங்க 15 வினாடிகளும், அதன் பின்னர் பம்ப் துவங்கி முழுவேகத்தில் இயங்க 35 வினாடிகளும் ஆகும். அதுவரை

உலையை குளிர்விக்க உலையினுள் உள்ள 1600 குழாய்கள் வழியே ஒரு வினாடி பொழுதிற்கு 10,250 லிட்டர் தண்ணீர் செலுத்தப்பட்டால்தான் உலையின் வெப்பநிலையை சீராக பராமரிக்க முடியும்.

அணுஉலையை கையாளுபவர் ஒவ்வொரு முறை உலையை பராமரிப்பிற்காக நிறுத்த வேண்டி வரும்போதும் தேசிய மின்பகிர்மானத்திலிருந்து

மின்சாரம் எடுத்துக்கொள்ளப்பட்டு பம்ப் இயக்கப்படும்.ஒருவேளை அந்த நேரம் தேசியமின் பகிர்மானத்திலிருந்தும் மின்சாரம் கிடைக்காமல் போனால் உலைக்கு ஆபத்து ஏற்படாமல் தவிர்க்க என்ன செய்யலாம் என சில சோதனைகளை அணுஉலை கையாளுனர்கள் செய்து பார்த்தனர். இதே போன்ற சோதனையை இதற்கு முன்னர் 1982, 1984,

1985 ஆம் ஆண்டுகளிலும் செய்து பார்த்து எதிர்பார்த்த பலன் கிடைக்காமல் தோல்வியுற்றது. ஆனால் அப்போதெல்லாம் விபத்து ஏதும் நிகழவில்லை.

இம்முறை சோதனைகளை செய்ய தேர்ந்தெடுக்கப்பட்டது 1986, ஏப்ரல் 25 ஆம் தேதி பகல் நேரம் ஆகும். சோதனைக்காக உலை நிறுத்தப்படும்போது நாட்டின் மின் தேவையை கீவ்

புனல்மின் உற்பத்தி நிலையம் ஏற்றுக்கொள்வதாக இருந்தது. ஆனால் கீவ் ல் உள்ளது வெறும் 200MW தயாரிக்கும் ஒப்பீட்டளவில் சிறிய புனல் மின் உற்பத்தி நிலையம் ஆகும்.எனவே அவர்கள் நாட்டின் மின் தேவை குறைவாக உள்ள இரவு நேரம் வரை கூடுதல் மின்சுமையை ஏற்றுக்கொள்வதை கொஞ்சம் கொஞ்சமாக தள்ளிப்போட்டனர்.

செரிநோபில் உலையில் உள்ள பகல் நேர பணியாளர்கள் இந்த சோதனைகளை செய்துபார்க்கவல்ல திறமையுள்ளவர்கள் மற்றும் அனுபவசாலிகள்.இரவு நேரத்தில் உள்ள பணியாளர்கள் உலையை குறைவான திறனில் இயக்கும் அளவிற்கு வேலை தெரிந்தவர்கள் அவ்வளவே.. தினசரி பணிக்கு இவர்கள் போதுமானவர்கள்தான். ஆனால் அபாயகரமான

சோதனைகளை செய்துபார்க்க தகுதியற்றவர்கள்.

அணு உலையின் தலைமை பொறியாளர் அனடோலி ஸ்டெபொனோவிச் (Anatoly Stepanovich Dyatlov)(55) வேறொரு நாளுக்காக காத்திருக்க விரும்பவில்லை. பணியாளர்களின் திறனை மனதில்கொண்டு தலைமை பணியாளர் அலெக்ஸாண்டர் அகிமோவ் (Alexander Akimov)(32) சோதனைகளை செய்ய

மறுத்துள்ளார். தலைமை பொறியாளரின் கடும் மிரட்டலுக்கு பின்னரே அரை மனதுடன் சோதனைகளை செய்ய ஒப்புக்கொண்டுள்ளார். நான்கு உலைகளின் கட்டுப்பாட்டு அறைகள், பம்ப் கட்டுப்பாட்டு அறை, டர்பைன் ஹால், கண்ட்ரோல் ராடு கட்டுப்பாட்டு அறை, கதிரியக்க அளவீட்டு கட்டுப்பாட்டு அறை என மொத்தமாக நூறுக்கும்

மேற்பட்ட பணியாளர்கள் பணிபுரியும் இடத்தில் அனுபவமும், திறமையும் போதுமான அளவில் இல்லாத வெறும் 16 பணியாளர்களுடன் சோதனை துவங்கியது

- விவரங்கள் இன்னும் வரும்

எந்த நாடு தன் நாட்டின் மொத்த மின்சார தேவையை அதிக அளவில் அணு மின் நிலையம் மூலம் பூர்த்தி செய்து வருகிறது

@_VarunKannan @teakkadai1 @bharath_kiddo @monk_offi @gklravi