Thread by @SundarrajanG

2009-10 காலகட்டம்.இந்தியாவில் மரபணு மாற்றப்பட்ட உணவு தானியங்களை அறிமுகப்படுத்த மான்சாட்டோ நிறுவனம் தீவிரமாக செயல்படுகிறது.இந்தியாவில் விளையக்கூடிய பருத்தியில் 95% மரபணுமாற்றப்பட்டதுதான்,ஆனால் உணவில் நேரடியாக இறங்க அப்போதுதான் பெரு முயற்சி எடுத்தது அந்த நிறுவனம்.நாடு முழுவதுமுள்ள

விவசாய அமைப்புகள், சூழல் இயக்கங்கள்,மனித உரிமை அமைப்புகள்,குடிமை சமூக இயக்கங்கள்,அரசியல் கட்சிகள் இதற்கு எதிர்ப்பு தெரிவித்து போராட்டத்தில் இறங்கின. அன்று இந்தியாவின் சுற்றுச்சூழல் துறை அமைச்சராக இருந்த திரு.ஜெயராம் ரமேஷ் இந்தியாவில் பல இடங்களில் இதுகுறித்து கருத்து கேட்கப்படும்

என்று அறிவித்து பல்வேறு பகுதிகளுக்கு அவரும் அதிகாரிகளும் சென்று கருத்து கேட்டறிந்தனர். பாதுகாப்பான உணவிற்கான கூட்டமைப்பு நாடு முழுவதும் உருவாக்கப்பட்டது, பூவுலகின் நண்பர்களும் அதில் பங்கு எடுத்தோம். பூவுலகு அமைப்பைச் சேர்ந்த மருத்துவர் சிவராமன், தமிழ்நாடு இயற்கை விவசாயிகள் தலைவர்

அரச்சலூர் செல்வம்,திரைக்கலைஞர் ரோகிணி,விவசாயிகள் சிலர் என எல்லோரும்இணைந்து அன்றைய தமிழகமுதலவர் திரு.மு.கருணாநிதி அவர்களை சந்தித்து இது குறித்து பேசினோம்,இந்த சந்திப்பிற்கு அன்றைய திட்ட குழுவின் துணை தலைவர் திரு.நாகநாதன் ஒழுங்கு செய்து கொடுத்தார்.இது தொடர்பாக அனைத்து விஷயங்களையும்

கேட்டு தெரிந்துகொண்ட கலைஞர் அவர்கள் அன்று மாலையே ஒன்றிய சுற்றுச்சூழல் துறை அமைச்சரை தொலைபேசியில் அழைத்து மரபணு மாற்ற கத்திரியை தமிழகத்தில் அனுமதிப்பதில்லை என்று முடிவெடுத்துள்ளதாக தெரிவித்து அதை பொதுவெளியில் அறிவிக்கவும் செய்தார்.இதனை தொடர்ந்து, நாடு முழுவதிலும் உள்ள விவசாயிகள்,

பொது மக்களின் கருத்தை கேட்டபிறகு, பல முக்கியமான நிபுணர்களை இது குறித்து விவாதிக்க ஒன்றிய சூழல் துறை அமைச்சர் அழைப்புவிடுத்தார்,அவர்களுள் மருத்துவர் சிவராமனும் ஒருவர்.டெல்லி சென்று அமைச்சரை சந்தித்து, அந்த நிறுவனம் தயாரித்த அறிக்கையிலேயே எப்படி மரபணு மாற்ற கத்திரிக்காய் ஒவ்வாமையை

ஏற்படுத்தும் என்றுள்ளதை எடுத்துக் காண்பித்தார்.அதை ஏற்றுக்கொண்ட அமைச்சர் சில தினங்களில் மரபணு விதைகளுக்கு ஐந்து ஆண்டுகளுக்கு தடைவிதித்தார். இந்தியா காலநிலை மாற்றத்தை எதிர்கொள்ள பல்வேறு நடவடிக்கைகளை முன்னெடுத்தவர்,பல சந்தர்ப்பங்களில் அதிகார அழுத்தங்களுக்கு வளைந்து கொடுத்தவர்தான்

ஆனாலும் இன்று சூழல் குறித்து சிறிதளவாவது சில விஷயங்கள் உள்ளது என்றால் அதற்கு காரணமும் இவர்தான்.

Poovulagu Dialogues :-
JAIRAM RAMESH MP,
Former Union Minister for Environment
நேரம்; இன்று ஜூன் 28, ஞாயிறு மாலை 6.30 மணி

Title: Is India Walking the talk on Climate Change?

zoom இணைய கருத்தரங்கில்.

zoom.us/j/96509317810

Meeting ID: 965 0931 7810

பூவுலகின் நண்பர்கள் முகநூல் பக்கங்களில் நேரலையில் காணலாம்.

ஒருங்கிணைப்பு : பூவுலகின் நண்பர்கள்