Thread by @OmkarDabhadkar

पु गॅंगला औरंगजेब प्रेम का आहे?
अश्या प्रेमाने तुम्ही आपणहोऊन हिंदूंना अधिक दुखावताय, चिथावताय, कट्टर करताय - इतकी साधी अक्कल नाहीये का तुम्हाला?

स्वतःला पुरोगामी, लिबरल म्हणवणारे आपल्या कर्माने हिंदू मन अधिकाधिक जहाल कसं करत नेतात याचं लेटेस्ट प्रात्यक्षिक म्हणजे +

सावित्रीबाई फुले पुणे विद्यापीठाच्या इतिहास विभाग प्रमुख श्रद्धा कुंभोजकर यांचा दैनिक लोकसत्तातील लेख. साधी समज असणाऱ्या, राजकीय कल नसलेल्या कोणत्याही हिंदूने तो लेख वाचला तर तो आपणहोऊन हिंदुत्व विचाराकडे एक इंच सरकेल असा लेख होता तो. +

मुळात लेख इतिहासाच्या अभ्यासक/तज्ज्ञ म्हणून लिहलाय की विविध हास्यास्पद राजकीय/सामाजिक शेरेबाजी करण्याचा उद्योग म्हणून, हे कळायला मार्ग नाही. त्यात नेहेमीप्रमाणे पुरोगामी कंपूने रचलेल्या औरंगजेब उदात्तीकरणाची फोडणी! फोडणीसाठी, पुन्हा एकदा नेहेमीच्या शिरस्त्याप्रमाणे, +

अनैतिहासिक दावे, पुराव्याची अर्धवट मांडणी.

तुम्ही असे उपद्व्याप केल्यावर त्यावर प्रतिक्रिया येणारच. ती तशी आलीच.

विविध प्रत्युत्तरं लिहिली गेली, प्रसिद्ध झाली. पण कुंभोजकर अँड कंपनी बधेल तर ती पुरोगामी कशी ठरेल? त्यांनी आणखी री ओढायला सुरुवात केली. +

यांच्याच फेसबुक ग्रुपवर प्रतिवादाची लिंक टाकली तर ती डिलीट केली गेली. लिंक पोस्ट करणाऱ्याने "माझी पोस्ट का डिलीट केली?" असं विचारलं तर त्या माजी विद्यार्थ्याला यांच्या कॉम्रेड गॅंगने ग्रुपमधून काढून टाकलं.

ही यांची "मतभेद स्वातंत्र्याची" पद्धत! +

आणि हे तुम्हाला आम्हाला शहाणपणा शिकवणार! उपदेश करणार!

या लोकांना सतत औरंगजेब उदात्तीकरणाची एवढी हौस का असावी बरं?

"औरंगजेबाच्या निमित्ताने मुस्लिम द्वेष केला जाऊ नये" - हे पोपटपंची कारण दिलं जातं. +

बाबांनो...काही शतकांपूर्वी होऊन गेलेल्या विकृत माथेफिरू बादशहामुळे आजचे मुस्लिम वाईट ठरत नाहीत - हे आमच्या बोबडे बोल बोलणाऱ्या बालकांनापण कळतं. पण त्या बादशाच्या प्रेरणा आज ही अस्तित्वात असतील तर त्यांचा विरोध करणं, बंदोबस्त करणं आवश्यक ठरतं - ही साधी गोष्ट तुम्हाला कळत नाही, +

हा आमचा दोष काय?

एक चित्र छापलं म्हणून लोकमत कार्यालयावर हल्ला होतो. कुठल्याश्या देशात अप्रिय घटना घडली म्हणून आमच्या आझाद मैदानावर धिंगाणा होतो. फेसबुकवर मिम टाकली म्हणून २०० जणांचा समूह एका पोराला ठेचायला जातो...त्याला पोलीस आपल्या ताब्यात घेतात म्हणून +

"आमच्या ताब्यात द्या!" म्हणत हे २०० माथेफिरू पोलीस स्टेशनची तोडफोड करतात, जाळपोळ होते - हे सगळं आम्हाला दिसत नाही काय?

अहो आश्रित-निर्वासित म्हणून आलेल्या लोकांच्या छावण्यांमध्ये हिंदू स्त्रियांवर काय वेळ येते याच्या बातम्या तुम्हाला दिसत नसतील - आम्हाला दिसतात. +

म्हणून, आम्हाला इस्लामचा प्रश्न जाणवण्यासाठी मध्ययुगीन औरंगजेबाच्या इतिहासाची गरज नसते. वर्तमान पुरेसा असतो.

बरं, तुम्हाला फार काळजी आहे ना मुस्लिमांची?

मग त्यांना शहाणं करा जरा. कट्टर इस्लामी मूलतत्वांपासून त्यांना दूर कसं करता येईल हे पहा. +

आणि प्लिज - "आम्ही आमचं घर साफ करणार" - नाटकं इथे करूच नका.

एकीकडे मी जात-धर्म मानत नाही, मानवता हाच धर्म म्हणता. तिकडे सातासमुद्रापार कृष्णवर्णीयांवर होणाऱ्या अत्याचाराशी स्वतः "रिलेट" होऊ शकता. मग +

आपल्याच देशातील मोठा समूह मध्ययुगीन कळप मनोवृत्तीच्या प्रेरणा घेऊन जगतोय - त्याची फिकीर नाही तुम्हाला? त्यांना कधी करणार तुम्ही "पुरोगामी"? ते मानव नव्हेत काय? त्यांना मानवता लागू होत नाही काय तुमची? त्यांना आधुनिक कधी करणार? +

अर्थात - इथे उत्तर नसतं तुमच्याकडे. म्हणून हे प्रश्न विचारणाऱ्यांवर हेत्वारोप होतात, मग मोदी-शहांना शिव्या घालून विषयांतर होतं, हे लिहिणारा कसा पेड / संघी / मनुवादी आहे वगैरे बौद्धिकं सुरु होतात.

अशी तुमची साधनशुचितेची वल्कलं गळून पडून, तुमचं खरं फॅसिस्ट, बीभत्स रूप उघडं पडतं. +

मग सामान्य हिंदू आधी व्यथित होतो. भडकून उठतो.

तुम्ही औरंगजेबाचं खरं रूप मान्य केलं नाही - की मग आमच्यासमोर ते खोटं खोडण्याची जबाबदारी उभी रहाते. तुम्ही इस्लाम प्रश्न साफ नाकारत राहिलात म्हणून आम्हाला त्याचा वारंवार उल्लेख करत रहावा लागतो. +

"खोटं बोललो तरी हेतू चांगलाय! समाजात एकोपा रहावा म्हणून आम्ही खोटारडे आहोत!" हा दुसरा एक निर्लज्जपणा.

मध्ययुगीन औरंगजेबाचं खरं धर्मांध रूप समोर आल्याने आज समाजात फूट का पडावी? असा विकृत माणूस, तो विकृत होता हे माहित असूनही जर कुणाला आवडत असेल तर त्यांचं प्रबोधन आवश्यक आहे +

- वेळप्रसंगी शासन ही आवश्यक आहे. नाही का?

एरवी तर तुम्ही हजारो वर्षांपूर्वी ब्राह्मणांनी काय केलं या कथा रंगवून रंगवून आज ब्राह्मणद्वेष पोसताय. तो जातीय अत्याचारांचा इतिहास - आणि आजही देशात कुठे घडत असणाऱ्या घटना - या सर्वांचा निषेध करणारे, त्या विरुद्ध लढणारे - +

असंख्य ब्राह्मण दिसत असूनही तुम्हाला तो इतिहास रंगवून रंगवून सांगावासा वाटतो. पण इस्लाम प्रश्नावर - तो प्रश्न आजही इतका ठसठशीतपणे समोर आ वासून उभा असूनही तुम्हाला मूग गिळून गप बसावं वाटतं. इतकंच नव्हे, तर त्या उपर इस्लामी मूल तत्वांचा ब्रँड अँबॅसेडर असणाऱ्या +

औरंगजेबाचं सेक्युलर चित्र चितारावंसं वाटतं...!

हाच निर्लज्ज विरोधाभास हिंदूंना चिथावतो - हे कळत नाही का तुम्हाला?

इतकं सगळं कळत, दिसत असूनही तुम्हाला औरंगजेब प्रेम कायम आहे.
इथेच तुमचे हेतू उघड होतात.

ते काय आहेत हे आता लपून राहिलेलं नाही. +

प्रश्न सतत चिघळत ठेवणारे ब्रेकिंग इंडिया फोर्सेस आता उघड पडत चालले आहेत.

तुमच्याच कर्माने तुम्ही संपत चालले आहात.

: ओंकार दाभाडकर
[e-mail]

संपूर्ण लेखाची फेसबुक लिंक : facebook.com/OmkarDabhadkar…

@threadreaderapp please unroll.