Thread by @Ajinkya08011289

☠️भूतांचे प्रकार ☠️
*मन आणि मनाचे आजार *
भुतांचे 2 प्रकार पडतात
1)ढोंगाचे भूत
2)मानसिक आजाराचे भूत
सातारच्या MIDC मध्ये कामगारांची रात्रीची पाळी सुटली होती. 1तारीख होती. पगार घेतलेले कामगार त्यांच्या गावी जात होते गावाकडे जाताना रस्त्यामध्ये विहीर लागत होती

त्या विहरीत 15 दिवसापूर्वी 1 तरुण महिलेने जीव दिला होता. कामगारांच्या टोळीतला वामन लघुशंकेसाठी विहिरी पाशी थांबला, बराच वेळ झाला तरी वामन कसा आला नाही याचा विचार त्याचे मित्र करू लागले तेव्हढ्यात वामनाचा आवाज आला मेलो, मेलो मला वाचवा. सगळे पळत गेले तर वामन विहरीत पडला होता

सगळ्यांनी त्याला बाहेर काढले व त्याला विचारपूस केली काय झालं तेव्हा वामन म्हणाला मी लघुशंका करत होतो तेव्हढ्यात माझ्या कॉलर ला पाठीमागून कोणीतरी पकडले मागे वळून पाहिले तर ती पुष्पा होती. पंढरी साडी, पांढरा ब्लाउज, पंढरी चप्पल घातलेली, पांढरे केस मोकळे सोडलेली. पुष्पा म्हणजे हीच

15 दिवसा पूर्वी विहरीत जीव दिला होता. गावामध्ये एकाच चर्चा सुरु झाली पुष्पा ची लागीर वामनाला झाली. सगळे वामनाला भेटायला येऊ लागले व वामन सगळ्यांना पुष्पा च रूप सांगू लागला. गावातील 1 तरुण जो वामनाचा मित्र होता तो त्याला भेटायला गेला, वामन सर्वांना सांगत होता त्याप्रमाणे त्याने

सर्व माहिती त्याच्या मित्राला सांगितली. मित्र म्हणाला तुझं सर्व खरं आहे पण पुष्पा तरुण होती तिचे केस 15 दिवसात पांढरे कसे काय झाले. एव्हडं बोलून तो निघून गेला. नंतर वामनाला जे -जे भेटायला आले त्यानासर्वांना वामन माहिती जशीच्या तशी सांगत होता फक्त केस मात्र काळे झाले. हे कळताच

वामनाच्या मित्राने खरंच त्याच्या कॉलर पकडले व वामन ने कबुली दिली.

त्याला पिण्याची सवय होती, पगार झालेला होता. देणेकरी सकाळ पासून आपल्या दारात येणार. बायको सगळे पैसे आपल्या ताब्यात घेणार. यामुळे त्याने स्वतःचं डोकं लढावंल आणि भुताने झपाटल्याचं सोंग करायचं ठरवलं लघुशंकेला

बसल्यावर पैश्याचं पाकिटं पुरलं आणि स्वतःचं विहरीत उडी मारली. यामुळे त्याची या महिन्यात 1)पैसे देण्याघेण्याची जबाबदारी टाळली. 2)दारूसाठी महिनाभर पैसे मिळाले.
3)आणि अजून एक फायदा म्हणजे घरच्यांची सहानभूती मिळाली. हे सारं घडवून आणलं होतं याला म्हणायचं ढोंगच भूत
--नरेंद्र दाभोळकर

#व्यक्ती_मारल्यातरी_विचार_मरत_नाहीत
#निर्मिती_चला_बदल_घडवूया