Thread by @RayaIaseema

తెలుగు చలనచిత్ర పరిశ్రమలో బహుముఖ ప్రజ్ఞాశాలి అనగానే గుర్తుకు వచ్చే పేరు - భానుమతి రామకృష్ణ గారు

తెరపైన కథ -స్క్రీన్ ప్లే- మాటలు - పాటలు - సంగీతం - దర్శకత్వం అన్నిటికీ ఒకే పేరు కనపడితే వెంటనే గుర్తుకు వచ్చేది SV కృష్ణారెడ్డి గారు

ఆ బహుముఖప్రజ్ఞ, అలాగే ఒకేచిత్రంలో ఒకరే కీలక విభాగాలలో పనిచేయడం తెలుగు చలనచిత్ర పరిశ్రమలో మొదలయ్యింది తొలితెలుగు సూపర్ స్టార్, పాల్ ముని ఆఫ్ ఇండియా, దక్షిణాదిన పద్మశ్రీ అవార్డు పొందిన తొలి నటుడు, జాతీయఅవార్డు గ్రహీత, చిత్తూరు నాగయ్యగా ప్రసిద్ధి చెందిన ఉప్పలదడియం నాగయ్య శర్మ గారితో

1946లో విడుదలైన త్యాగయ్య చిత్రం లో స్వీయ దర్శకత్వంలో కథానాయకుడిగా నటించడమేకాక, ఆ చిత్రానికి కథ, సంగీతం, స్క్రీన్ ప్లే (ఇతరులతో పాటు) కూడా పాలుపంచుకున్నారు. ఆ చిత్రంలో అద్భుతమైన పాటలు కూడా పాడారు.

తెలుగు సంగీత, సాహిత్య రంగంలో లబ్దప్రతిష్టులైన వేమన, త్యాగయ్య, పోతన, రామదాసు వంటివారి పాత్రలు పోషించే అదృష్టం నగయ్యగారికి దక్కింది. వారు ఆ పాత్రల్లో నటించారు అనడం కన్నా జీవించారు అనడం సబబు.

#సీమపద్మాలు #సీమరత్నాలు #chittoor
చిత్రాల కర్టెసీ : ఆంధ్ర పత్రిక, రూపవాణి