Thread by @isuchisu

Thread: ነውረኛ መነጽራችሁን አውልቁ!

1/ ሁሉንም ፀብ እና ችግር በሃይማኖት ማዕቀፍ መመልከት ለማናችንም አይጠቅምም። ለሚዲያ ማጥላያ ዘመቻ ይጠቅም ይሆናል። ለአገር ግን አይጠቅምም። 👇

2/ መንገድ ላይ አንድ የኦርቶዶክስ ሃይማኖት ተከታይ ሰው ሠርቆ ሲሮጥ ብታየው «አንድ ኦርቶዶክስ ሠርቆ ሲሮጥ አየሁ» ብለህ መናገር እጅግ ነውር ነው። ሃይማኖቱን ዒላማ ማድረግ ነው። ፍጽም ከኢትዮጵያዊ ጨዋነት ያፈነገጠ ነውር ነው። 👇

3/ መንገድ ላይ አንድ የፕሮቴስታንት ሃይማኖት ተከታይ ሰው ሠርቆ ሲሮጥ ብታየው «አንድ ፕሮቴስታንት ሠርቆ ሲሮጥ አየሁ» ብለህ መናገር እጅግ ነውር ነው። ሃይማኖቱን ዒላማ ማድረግ ነው። ፍጽም ከኢትዮጵያዊ ጨዋነት የማይጠበቅ ነውር ነው። 👇

4/ መንገድ ላይ አንድ የእስልምና ሃይማኖት ተከታይ ሰው ሠርቆ ሲሮጥ ብታየው «አንድ ሙስሊም ሠርቆ ሲሮጥ አየሁ» ብለህ መናገር እጅግ ነውር ነው። ሃይማኖቱን ዒላማ ማድረግ ነው። ፍጹም ከኢትዮጵያዊ ጨዋነት የማይጠበቅ ነውር ነው። 👇

5/ በቃ ነውር ነው! መንገድ ላይ አንድ ማተብ የለበሰ ሰው ሲያልፍ ጫማዬን ረግጦ ቢያቆሽሽብኝ «አንድ ኦርቶዶክስ ረገጠኝ» ብዬ ማሰብ ረኸጥነትና ደደብነት ነው። የድድብና ጥግ ነው። ሰው እንዲህ ማሰብ የለበትም! እንዲህ ብሎ መምከር ራሱኮ ያሳፍራል!👇

6/ ክስተቶችን ሁሉ በሃይማኖት መነጽር ማየት ፌር አይደለም። ለምሳሌ ፌስቡክ ላይ ሁሉም ይጽፋል ግን ከጸሐፊዎቹ ጀርባ ሃይማኖታቸውን ማየት ጤናማ አይደለም። ይህን መነጽር አይኑ ላይ የመለጎጠ ሰው አዕምሮ የሰይጣናዊ ሐሳቦች ማብላያ ነው የሚሆነው!👇

7/ እንዲህ ዓይነት ዕኩይ መነጽር ለብሰህ ከሰዎች ጀርባ ያለውን ሃይማኖት እያየህ ብትውል ምን ያክል ሰይጣን እንደምትሆን አስበው… በጠዋት ተነሥተህ ፌስቡክህን ከፍተህ «እስቲ ኦርቶዶክሱ አክቲቪስት እገሌ የጻፈውን ጽሑፍ ላንብብለት… 👇

8/ «...በዚያውም ፕሮቴስታንቱ እገሌ እና ሙስሊሙ አክቲቪስት እገሌ የጻፈውን ላንብብ… ከዚያ ኦርቶዶክሱ እገሌ ፋርማሲ ገብቼ መድኃኒት እገዛና ስመለስ በሙስሊሙ እገሌ ቤት በኩል አልፌ ወደሥራ እሄዳለሁ።...»👇

9/ «...ከዚያ መሥሪያ ቤት ሄጄ ፕሮቴስታንቱ አለቃዬ የሚሰጠኝን ሥራ እሠራለሁ። ማታ ጊዜ ከተረፈኝ ኦርቶዶክሱ ባለሃብት ያሠሩት ሆስፒታል ሄጄ የታመመ ዘመዴን እጠይቃለሁ። መንገድ ላይ ላገኘሁት ኦርቶዶክሳዊ የኔቢጤ ምጽዋት እሰጣለሁ።...»👇

10/ «...ከዚያ ቤት ገብቼ በኦርቶዶክስ ዜና አንባቢ የሚነበበውን ዜና አዳምጬ ከፕሮቴስታንት ነጋዴ ሱቅ በገዛሁት አንሶላ ላይ እተኛለሁ።…»

ከምር እንዲህ የሚያስብ ሰው አዕምሮው የነተበ ብቻ ነው። በራሱ አስተሳሰብ ሊያፍርም ይገባል። 👇

11/ እንደሙስሊምነቴ ብዙ የኢሕአዴግ ባለሥልጣናት ብዙ በደል አድርሰውብናል። አንድም ቀን ግን «ኦርቶዶክሱ ባለሥልጣን እገሌ እንዲህ አደረገን»፣ «ፕሬቴስታንቱ ባለሥልጣን እገሌ እንዲህ አደረገን» የሚል ዘመቻ አድርገን አናውቅም። 👇

12/ የሰዎች ምግባር እንጂ ሃይማኖታቸው ታይቶን አያውቅም። እንዲያ ቢታየን ነውር ይሆን ነበር።

እንደግሌም ቢሆን ብዙ አክቲቪስቶች እና ጋዜጠኞችን ስከታተል እውላለሁ። ሃይማኖታቸው ግን አይታየኝም። 👇

13/ ሲሣይ አጌና ወይም ደረጄ ሃብተወልድ ስህተት ቢናገር «ኦርቶዶክሱ ደረጄ እንዲህ እንዲህ ተናገረ» ብዬ አላስብም። ደረጄ እንጂ «ኦርቶዶክሱ ደረጄ» አይደለም የሚታየኝ። ብዙ ፕሮቴስታንት አክቲቪስቶችን አነባለሁ። በሃይማኖት ግን አልተረጉመውም። 👇

14/ ምክንያቱም ነውር ነው። እንዲህ ዓይነት መነጽር ለብሶ መኖር ዕኩይነት ነው። እንደኢትዮጵያ ባለች ብዝኃ ሃይማኖት አገር ውስጥ ይህንን ማድረግ ብዙ አደጋ አለው። ለጊዜያዊ፣ ፖለቲካዊና ፕሮፓጋንዳዊ ጥቅምን እንዲህ እያደረጉ ያሉ ሊያፍሩ ይገባል!👇

15/ የሚያሳዝነው ደሞ ይህን ክፉ መነጽር ለብሰው የሚዞሩት «ኢትዮጵያኒስት» እና «የአንድነት አቀንቃኝ» እንደሆኑ የሚፎክሩ ሰዎች መሆናቸው ነው። ገና ለገና የኦሮሞ ብሄርተኞችን ለማሳጣት በሚል አገሪቷ ላይ የሚቆፍሩት ጉድጓድ ጥልቀት አይታያቸውም።👇

16/ «እንወዳታለን እንዋደቅላታለን» የሚሏትን ኢትዮጵያ የመተሳሰሪያ ገመዶች ሁሉ ለመበጣጠስ ይሞክራሉ። የሚሠሩት ነውር አይታወቃቸውም። ያሳዝናል! 😭 [ Thread Ends Here]

#ነውር #ነውረኛመነጽር #ዕኩይነት #ፌክኢትዮጵያኒስት #ፌክአንድነት