Thread by @Avvaitweets

ருத்ராட்சத்தின் வகைகள்::

ஒருமுக ருத்ராட்சம் சாட்சாத் சிவனின் சொரூபம்.அது போக மோட்சம் அருளவல்லது.அவ்விடம் வசிப்பவர்களின் விருப்பம் நிறைவேறும்.அங்கு தீவினைத்தொடராது.

இருமுக ருத்ராட்சம் 'தேவதேவன்' என்று அழைக்கப்படும்.அனைத்து நலன்களையும் தரும் அது,பசுவைக்கொன்ற பாவியையும் தூய்மையாக்கும்.

மூன்றுமுக ருத்ராட்சம் எடுத்த காரியத்தை நிறைவேற்றும்.நல்ல கல்வியைத் தரும்.

நான்கு முகமுள்ள ருத்ராட்சம் பிரம்மதேவரது சொரூபமானது.அதை தரிசித்தாலும் அணிந்தாலும்,அறம் பொருள்,இன்பம்,வீடு எனும் நால்வகைப் பேறுகளையும் தரும்.

ஐந்துமுக ருத்ராட்சம் காலாக்னி ருத்ர ரூபமானது.இது முக்தி தரும்,பாவங்கள் அனைத்தையும் பொசுக்கும்,விருப்பங்களை பூர்த்தி செய்யும்.

ஆறுமுக ருத்ராட்சம் ஆறுமுகன் திருமேனியானது.அது வலதுக்கையில் அணிய,பிரும்மஹத்தி முதலிய பாவங்களை தொலைத்துவிடும்.

ஏழுமுக ருத்ராட்சம் மன்மதன் சொரூபமாகும்.அதையணியும் வறுமையாளனும் செல்வந்தனாவான்.

எண்முக ருத்ராட்சம் எட்டு மூர்த்தி திருவுருவான பைரவர் சொரூபமானது.அதையணிபவன் நீண்ட ஆயுளைப் பெறுகிறான்.இறந்தபின் முத்தலைச் சூலமேந்தி சிவனாகவே ஆகிறான்.

ஒன்பதுமுக ருத்ராட்சம் சைலபுத்திரீ முதலிய ஒன்பது துர்க்கைகளின் சொரூபமானதும்,அவள் வாசம் செய்யும் இடமானதும் ஆகும்.பக்தியோடு இதை இடதுகையில் அணிய அவன் பெரும் செல்வந்தனாவான்.

பத்துமுக ருத்ராட்சம் ஶ்ரீமந்நாராயணனின் அம்சமாகும்.இதை அணிய,விருப்பங்கள் அனைத்தையும் பெறுவான்.

பதினோருமுக ருத்ராட்சம் ஶ்ரீருத்ரனது சொரூபமே. அதையணிய எங்கும் எதிலும் வெற்றியே.

பன்னிரெண்டுமுக ருத்ராட்சத்தை தலையில் அணிய 12 ஆதித்யர்களும் அவன் தலையில் வாசம் செய்வர்.

பதிமூன்றுமுக ருத்ராட்சம் விஸ்வதேவர்களது சொரூபம். அதையணிபவன் அனைத்து விருப்பங்களும் நிறைவேறி, ஸௌபாக்யத்தையும், பரம மங்களத்தையும் பெறுகிறான்.

பதினான்கு முக ருத்ராட்சம் ஶ்ரீபரமசிவனது சொரூபமாகும். இதை பக்தியோடு தலையில் அணிய பாவங்கள் தீயினில் தூசாகும்.

மிகவும் ஈடுபாடும் பக்தியும் கொண்டு மட்டுமே ருத்ராட்சத்தை அணியவேண்டும்.

திருச்சிற்றம்பலம்🙏🏻