Thread by @SaradhiTweets

వారాల పేర్లు

జ్యోతిష శాస్త్ర ప్రకారం ఒక్కో గ్రహ ప్రభావం ఒక గంట భూమిపైన ఉంటుందట. కాబట్టి సూర్యోదయం లో ఏ గ్రహ ప్రభావం ఉంటే ఆ రోజు ఆ గ్రహం యొక్క పేరుతో వారాల పేర్లు పెట్టారు. అది గుర్తు పెట్టుకోవడానికి ఈ క్రింది శ్లోకం తయారు చేశారు.

మందా మరేడ్య భూపుత్ర సూర్య శుక్ర బుధేందవః

అంటే సృష్టి ప్రారంభమైనప్పుడు సూర్యుడి ప్రభావం ఉంది కనుక ఆయన ఆదిత్యుడు కాబట్టి ఆయన పేరుతో ఆదివారం లేదా రవివారం అన్నారు. ఆ తర్వాత నాలుగో గ్రహ ప్రభావం భూమి మీద ఉంటుందట అంటే ఇందు వారం ఇందు వారం అంటే సోమ వారం. ఇందు అంటే చంద్రుడు కదా? సోము అన్నా చంద్రుడే.

(మందా - 1) (మరేడ్య- 2) (భూపుత్ర -3) (సూర్య - 4) (శుక్ర -5) (బుధేం-6) (దవః - 7)

ఇక ఇందు తర్వాత నాలుగోది భూపుత్రుడు. భూపుత్రుడు అంటే కుజుడు. ఆయన్నే మంగళ గ్రహం అని కూడా అంటారు. కాబట్టి సోమవారం తర్వాత మంగళవారం. అలా.. వారాల పేర్లు నిర్ణయించారు.

ఇవన్నీ రోమన్ కాలంలో ఏర్పడ్డాయి. సంఖ్యాశాస్త్రం, సంప్రదాయ ఖగోళ శాస్త్రంలోని ఏడు గ్రహాలు పరిగణనలోనికి తీసుకొని వారం రోజులకు పేర్లను నిర్ణయించడం జరిగింది. కొంతమంది ఆదివారం మొదటగా లెక్కించుకుంటారు. కొంతమంది సోమవారం మొదట అంటారు. ఏది ఏమైనా వరస ఇదే.

ఆదివారం - సూర్యుడు (Sun) సూర్య
సోమవారం - చంద్రుడు (Moon) ఇందు
మంగళవారం - కుజుడు / అంగారకుడు (Mars) భూపుత్ర
బుధవారం - బుధుడు (Mercury)బుధే
గురువారం - గురుడు (Jupiter) మరేడ్య
శుక్రవారం - శుక్రుడు (Venus) శుక్ర
శనివారం - శని (Saturn) మందా

మందా_మరేడ్య_భూపుత్ర_సూర్య_శుక్ర_బుధేందవః
అనగా పై నుండి క్రిందికి వరుసగా - శని, గురు, కుజ, రవి, శుక్ర, బుధ, చంద్ర గ్రహాలున్నాయి.ఆకాశంలో గ్రహాలు ఈ వరసలో ఉంటే, వారాల్లో సూర్య, చంద్ర, కుజ, బుధ, గురు, శుక్ర, శని అనే వరసలో ఎందుకున్నాయి?

ఆ గ్రహాల వరసకి, ఈ వారాలకీ అసలు సంబంధం ఏమిటి? దీంట్లో ఏం లాజిక్ ఉంది?

ఈ విషయాలు తెలియాలంటే, భారతీయ ఋషుల(హిందువుల) విజ్ఞానాన్ని లోతుగా పరిశీలించాలి.

భూమి తనచుట్టూ తాను తిరగడానికి 60 ఘడియలు పడుతుంది. ఈ 60 గడియలలో ఈ 7 గ్రహాల ప్రభావాలు ఎలా పడుతున్నాయో మన మహర్షులు గమనించారు.
ఆ ప్రభావాల ప్రకారం లెక్క వేసుకుంటూ వస్తే ఒక "అహః" ప్రమాణంలో 24 భాగాలు కనిపించాయి. ఆ భాగాలను వారు "హోర" అన్నారు.

"అహః ప్రమాణం" అన్నా, "అహోరాత్ర ప్రమాణం" అన్నా ఒక్కటే. అహోరాత్ర అనే పదంలో మధ్య రెండక్షరాలు కలిపితే "హోర" అయింది దీన్నే సాంకేతిక పదంగా తీసుకొని రోజుకి 24 హోరలు అన్నారు. ఈ హోర పదాన్ని అవర్(HOUR) గా, [H ఎందుకు Silent అయిందో తెలిసిందా???] మార్చి, పాశ్చాత్యులు 24 అవర్స్(HOURS) అన్నారు

హోర శబ్దానికి అవర్ శబ్దానికి ఉన్న భాషాశాస్త్రపరమైన సామ్యాన్ని(పోలిక) పరిశీలించినప్పుడు కూడా మనం ఆశ్చర్యపోక తప్పదు.

ఒక్కొక్క గ్రహాల ప్రభావం అదే వరుసలో భూమిమీద ప్రసరిస్తూ చక్రభ్రమణం చేస్తూ ఉంటుంది. ఈ భ్రమణంలో చిత్రమేమిటంటే, ఇవాళ - ఆదివారం అయితే ఈరోజు మొదటి హోర, సూర్యహోర వస్తుంది.

ఇందాక చెప్పుకున్న "మందా మరేడ్య భూపుత్ర సూర్య శుక్ర బుధేందవః" అనే వరుసలో... ఒక్కొక్క హోరనూ పంచుకుంటూ వస్తే, మర్నాడు ఉదయానికి సరిగ్గా చంద్ర హోర ఉంటుంది. కనుక ఆ రోజు చంద్రవారం లేక సోమవారం.

మళ్లీ వరుసగా హోరలు పంచుకుంటూ వెళితే ఆ మర్నాడు ఉదయానికి మంగళహోర వస్తుంది కనుక ఆ రోజు - మంగళవారం,
ఆ మరునాడు ఉదయానికి బుధహోర - బుధవారం ఆ మరునాడు ఉదయానికి గురుహోర అది -గురువారం.
ఆ మర్నాడు ఉదయానికి ఈ శుక్రహోర - శుక్రవారం. ఆ తరువాత ఉదయానికి శని హోర - అది శనివారం. .

ఇలా సూర్యోదయ సమయానికి ఉండే హోర మీద ఏ గ్రహం ప్రభావం ఉంటుందో ఆ గ్రహమే ఆ రోజుకు పేరు అవుతుంది. :)

ఇలా వారాల పేరుతో తెలుగు లో పద్యము కూడా వుంది :)