Thread by @Chobe2020

ሐሙስ የቀን ቅዱስ
💚🧡❤️
ሳምንታዊ የአይሬ ፕሮግራማችንን ይዘን ቀርበናል
💚🧡❤️

ገባ ገባ በሉ ቦታ ቦታችሁን ያዙልን
🙏

#ReadMeryArmde

🥁🎹🎸🎺🎷🎹🎼🎶🎚️

በክራር ጨዋታዋ እና በወፍራም ድምጿ በማንጎራጎር የምትታወቀው አንጋፋዋ አርቲስት ሜሪ አርምዴ የዛሬው የአይሬ ዝግጅታችን ትኩረት ናት።

በ1915 ዓ/ም በአዲስ አበባ ከተማ ዶሮ ማነቂያ ከሚባለው ሰፈር ነው የተወለደችው።

ለሙዚቃ ገና በጠዋቱ መጠራቷን ስታብራራ "በሠፈራችን መደዳውን ጠጅ ቤት ነበር።ዘውትር ይዘፈናል። እኔም የታዘዝኩትን ትቼ ወደዚያው ሄጄ ቀስ ብየ እያሾለኩ በመጋረጃ ውስጥ እመለከታለሁ።የዚያን ጊዜ ዘፋኞቹ እነ ባፈና ወልዱ፥ ንጋቷ ከልካይ፥

እነ ጥሩ ብርቄ ነበሩ። እነሱኑ በመመልከት ስሜት ያዘኛና አንጐራጉር ጀመር።ሰውም “ነይ እስቲ ሜሪማ ዝፈኝልን” ይለኛል። ያኔ ስሜ ሜሪማ ነበር። የአራዳ ሴቶች መሪ ከሆንኩኝ በኋላ ስሜን ሜሪ ብየ ቀየርኩት።" ትላለች።

ሜሪ አርምዴ በክራር ሙዚቃዎችዋ እና ዘመናዊ ዳንስ፣ የፀጉር ተኩስ ስታ፣ የዘመናዊ ልብስ ስፌቶች በተለይም በሙሽራ ልብስ ስራዎች በብዙዎች ዘንድ ፋና ወጊ ተደርጋ ትቆጠራለች። በተለይም 1940ዎቹ እና 50ዎቹን በዘመናዊ ሙዚቃ፣ በፉሽን ሾው

እና የምሽት ክበብ አዲስ አበባን ከሚያደምቋት አርቲስቶች መካከል ሜሪ አርምዴ አንዷ ነበረች።

ፋሺስት ኢጣሊያ ኢትዮጵያን በወረረ ጊዜ ገና የ13 ዓመት ታዳጊ የነበረችው ሜሪ አምባላጌ ላይ ከነበረው የአርበኛ ብላታ ኅሩይ ጦር ጋር በመቀላቀል በዘፈኗ

እና ሽለላዋ የአርበኞቹ ወኔ እየቀሰቀሰች ስታዋጋ ነበር። በአንድ አውደ ውጊያ ላይም እግሯን ተመትታ ለሀገሯ ቆስላለች፡፡

የበረሀ ዳኛ ያሞራው ሲሳይ
ጥይቱን ወርውሮ ሰጠው ለጸሀይ

ባንዲት አጋጣሚ ከተዋወቀቻት ፈረንሳዊት ወዳጇ ጋር ዘመናዊ

ዳንሶችን ያጠናችው ሜሪ በሂደት ሌሎች ሴቶችን እየመለመለች ዘመናዊ ዳንስ ማሰልጠን ሁሉ ጀምራም ነበር። አስከትላም ሆቴሏ የዳንስ ውድድሮች ሁሉ ይካሄዱ እንደነበር ሜሪ ተናግራለች።

የብዙ ሙያዎች ጀማሪዋ በአንድ ወቅት በማዘጋጃ ቤት

የተወዛዋዦችንና እና የተዋንያንን አልባሳት በማዘጋጀትም አገልግላለች። የሰራቻቸውን የአልባሳት ስራ ስታስታውስ "የቴዎድሮስ ቴያትር ሲሠራ ሹሩባውን፥ አንዳንዱን ጌጥ፥ የሃኒባል ቴያትር ሲሠራ ልብሱን ያዘጋጀሁት እኔ ነኝ” ብላለች።

የሴቶች ጸጉር ስራን ከጓደኛዋ ተምራ ቤተ-ውበት ለመጀምሪያ ጊዜው በኢትዮጵያ እንደከፈተች የሚነገርላት ሜሪ በወቅቱ የሴቶች ጸጉር በወጉ አለመያዙ የፈጠረባትን ቁጭት፡

ያሠራሽው አልጋ ወፍራም አጣና ነው፥
ያነጠፍሽው ፍራሽ የሱሉልታ ሣር ነው፥

እግርሽ ከታጠበ ሰባት አመቱ ነው፥
የጠጉርሽ አቧራ ዓይኔን ሊያጠፉው ነው
እያለች ሸንቆጥ በማድረግ ትግለጽ ነበር።

ለብዙ ሙያዎች ጀማሪ የነበረችው ሜሪ የመጨረሻ ዘመኗን በችግር እንዳሳለፈች ይነገራል። "ብስጭቴን፥ ምሬቴን፥ ችግሬን ፍቅረኞቼን

የማስታውሰው ከክራሬ ነው" ብላ ነበር።
በክራር አጨዋወቷ በአዘፋፈኗ እና ለዘመናዊ አስተሳሰቦች ጀማሪ የነበረችው ሜሪ አርምዴ ለብዙዎች ልዩ አርዓያ ነበረች።

ከዚህ በማስከተል ጥቂት ሙዚቃዎቿን በተከታታ እንጋብዛችኋለን።

መልካም ሀሙስ ምሽት!

ሜሪ አርምዴ

ታምኑት እንደሆን ሰንጋን እመኑ
ማን ነው የሰጠው ደራ አለም ያሰኑ ፈረስ
አባ ኩራራ ከወገቡ ቀጠን ካዳሌው ኮራ
በለው በለው
ተው ተው ተው ፋኖ
አረ ተው ፋኖ
ውይ እኔን ግደለኝ ወይ እድሌን አቅናው

እህህህህህ
ተው ተው ተው
ተው በሉት ያንን ሰው
ወንድማችን ብለን ብንመክረው
እምቢ ካለ
ተዉ አትከልክሉት
ይግባ ይብላ ይጠጣ
አቆራረጡ ነገር አመጣ
እህህህህህ
እንዴት መራመጃ መሄጃ ያጣል ሰው
እሺክ ብቻ ሆነ እግሬን ብዳብሰው
እህህህህህ

እህህህህህ
ተው በለው ተው በለው
አረ ተው ፋኖ
አረ ተው ፋኖ
እልም ካለው ጫካ
ደላው አልመዴ ?
አረ ተው ፋኖ
እህ ጠዋት ማታ እህህህ ለሊት
ይሄ ሆኑዋል ትርፌ ካንተ ያገኘሀት።

አባይ ሲሞላ ይወስደዋል ቤቱን
ወዳጅ ሲከዳ ያዞረዋል ፊቱን
እንደው ዝም ብሎ ማመን ባለቤቱን
ጠጅ እጠጣ ነበር ከወር አንድ ቀን
ከነጠላው ቀረሁ የድሃ መሆን
አበውስታረቂ ማስቲካ ነሽ አሉ
እስቲ እንደቅራሬ አትስጭው ለሁሉ

ባላገኝሽ እንኳን በስምሽ ልረግረግ
ዋና አውቃላሁ ብዬ ገብቼ ላንጋና
ዋና አውቃላሁ ብዬ ገብቼ አዋሳ
ዋና አውቃላሁ ብዬ ገብቼ ባህር
ገብቼ ባህር
ምን ትበል እናቴ ገብቼ ስቀር

እስኪ ጠይቁልኝ ምንድን ነው ነገሩ

እስኪ ጠይቁልኝ ምንድን ነው ነገሩ
እንደ ነፍሰ ገዳይ የሄድከው ከሀገሩ
ተወን ተውኩህ እረሳሁህ እርሳኝ
እንደደረቅ ጠጅ እየጣልክ አታንሳኝ
የሀገሬ ልጅ ነው የወንዜ ልጅ ነው
ደምህ የኢትዮጵያ በዛው የዘለከው
ተጣልቼው ነበር እስኪ ልታረቀው።