Thread by @Topcenterorg

#Ekspertrəyi | İkinci Qarabağ Müharibəsinin nəticəsi: Türkiyə reallığının qəbul edilməsi

Cavidan Əhmədxanlı: Cənubi Qafqaz siyasəti Osmanlı dövləti üçün də prioritetlərdəndi; bu mənada Türkiyənin Qarabağ münaqişəsindəki aktivliyindən təəccüb duyulmasını anlamaq çətindir. (1/5)

İkinci Qarabağ müharibəsini yekunlaşdıran 10 noyabr bəyanatı ilə Türkiyənin Cənubi Qafqazda iştirakı beynəlxalq səviyyədə təsdiq olundu. (2/5)

Birinci Qarabağ müharibəsindən fərqli olaraq, İkinci Müharibə Türkiyənin siyasi iştirakı və vasitəçiliyi ilə sonlandı. Artıq, yeni dövrdə Rusiya, Amerika Birləşmiş Ştatları və Fransa yerinə, Rusiya və Türkiyənin müşahidəçi və vasitəçi rolu önə çıxacaq. (3/5)

10 noyabr bəyanatı hərbi fazanı yekunlaşdırsa da, Qarabağ münaqişəsinin birdəfəlik həll edildiyini söyləmək çətindir. Münaqişənin gələcək və mümkün növbəti hərbi fazalarında Türkiyənin zəmanətçimiz olaraq iştirakı son proseslərdə Azərbaycanın əsas qazanclarından biridir. (4/5)

Şübhəsiz ki, rəsmi Bakı Qarabağla yanaşı, digər sferalarda Türkiyə ilə yaxından əməkdaşlıq fürsətindən məmnunluq duyur. Güman ki bundan sonra da hərbi-strateji müstəvidə Azərbaycan və Türkiyə Ordularının sıx əməkdaşlığı və müəyyən dərəcədə inteqrasiyası prioritet ola bilər. (5/5)