Thread by @Kongunatan

பூனாவில் உள்ள ஒரு சிறிய அலுவலகத்தில் உள்ள ஒரு அறையின் ஒரு ஓரத்தில், கண்ணாடி பெட்டிக்குள் ஒரு வெள்ளி பேழையில் ஒரு தீவிரவாதியின் அஸ்தி கரைக்கப்படாமல் காத்துக் கொண்டிருக்கிறது. அந்த தீவிரவாதியின் பெயர் நாதுராம் கோட்சே !! காந்தி என்கிற தேசத்தின் மிகப்பெரும் தலைவரை கொன்ற

குற்றத்திற்காக தூக்கிலிடப்படுகிறார் அந்த தீவிரவாதி. "ஆர் எஸ் எஸ்" இயக்கத்திற்கும் இவர் செய்த கொலைக்கும் எவ்வித தொடர்பும் இல்லாவிடினும், நேரு தலைமையிலான காங்கிரஸ் கட்சி, ஆர் எஸ் எஸ் இயக்கத்தை தடை செய்கிறது.

காந்தி கொலையின் பின்புலம் என்ன ?

பாகிஸ்தானை இந்தியாவில் இருந்து

பிரிக்க அனுமதி தரமாட்டோம் என்று காந்தி பிடிவாதமாக இருந்தார். ஆனால் எதுவுமே அவரின் கட்டுப்பாட்டில் இல்லை. ஜின்னா உட்பட முஸ்லீம் தலைவர்கள் அவரின் பேச்சை கேட்பதாக இல்லை. முஸ்லீம்கள் பெரும்பான்மையாக உள்ள பகுதிகளை தங்களுக்கு தந்தே ஆக வேண்டும் என்று அவர்கள் உறுதியாக இருந்தார்கள்.

பாகிஸ்தானும், பங்களாதேஷும் தேசத்தில் இருந்து துண்டாடப்பட்டது. பாகிஸ்தானில் இருந்த பல ஆயிரம் இந்துக்கள் கொடூரமாக கொல்லப்படுகிறார்கள். பல லட்சம் பேர் கட்டாய மதமாற்றம் செய்யப்படுகின்ற‌னர். தலைமுறை தலைமுறையாக தாங்கள் வாழ்ந்த இடங்களில் இருந்து பல்வேறு இன்னல்களுக்கு மத்தியில்

தப்பித்து ஓடி வருகிறார்கள். அப்படி தப்பி ஓடி வந்து ஒரு வழியாய் கடுங்குளிரில் தில்லியை அடையும் இந்துக்களுக்கு இருக்க இடம் இல்லை. தில்லியில் கேட்பாடற்று கிடந்த மசூதிகளில் அவர்கள் குடியேறுகின்றனர். இதை கண்டித்தும், மத மோதல்களை நிறுத்த வேண்டும் என்றும் காந்தி உண்ணாவிரதம்

இருக்கிறார். காந்தியின் பிரார்தனை கூடத்தில் குரானும் ஓதப்படுகிறது. எம்மதமும் சம்மதம் என்கிற நிலையை அவர் முன்நிறுத்துகிறார். பாகிஸ்தானில் இருந்து எந்த ஆதரவும் இல்லாமல் ரத்த வெள்ளத்தில் இந்தியாவுக்கு ஓடி வந்த இந்துக்களை இது திடுக்கிட செய்கிறது. "எங்களை கொல்வதாக இருந்தால் கொன்று

விடுங்கள்" என்று பலர் காந்தியின் "பிர்லா ஹவுஸி"ற்கு சென்று அவர்கள் கூச்சலிடுகிறார்கள்.

"இந்தியாவில் மட்டும் இப்படி ஒரு மதசார்பற்ற தன்மையா ?" என்று அவர்களை இது கொதிப்படைய செய்கிறது. அவர்களை மட்டும் இல்லாமல் எந்த பிரச்னையும் இல்லாமல் மகாராஷ்ட்ரத்தில் வாழ்ந்துக் கொண்டிருந்த

நாதுராம் கோட்சேவையும் இச்சமபவங்கள் கொதிப்படைய செய்கிறது.

கோட்சே அமைதியான சுபாவம் கொண்டவர். ஒரு பிராமண குடும்பத்தில் பிறந்தவர், சாதி பாகுபாடு பார்க்க கூடாது என்பதிலும், இந்து ஒற்றுமையை ஏற்படுத்த வேண்டும் என்பதிலும் தீவிரம் காட்டியவர். காந்தி மீது அவருக்கு தனிப்பட்ட வெறுப்பு

ஏதும் இல்லை. ஆனால் இந்துக்கள் நிர்கதியாக இருக்கும் நிலையும், காந்தி தலைமையில் உள்ள காங்கிரஸின் மதசார்பற்ற அனுகுமுறையும் அவரை கொதிப்படைய செய்கிறது. காந்தியை கொல்வதே தேசத்திற்கு ஆற்றும் தொண்டு என்று தீர்மானிக்கிறார் கோட்சே. காந்தியை அவர் கொல்ல தீர்மானித்தது அவரின்

சுயநலத்துக்காக இல்லை. அவரின் குடும்பத்தார் யாரும் பாதிக்கப்படவில்லை. ஆனால் கோட்சே இந்துக்களுக்கு இழைக்கப்பட்ட அநீதிக்காக வெகுண்டெழுகிறார்.

நாராயணன் குப்தேவுடன் காந்தியை கொலை செய்ய புறப்பட்ட கோட்சே, ஒரு ஏஜண்ட் மூலம் 9 எம் எம் இத்தாலிய துப்பாக்கியை 300 ரூபாய்களுக்கு

வாங்குகிறார். கைகளை மடக்கியவாறு காந்தியை வணங்கி சரியாய் 5.17க்கு அவரை மூன்று முறை சுட்டுக் கொல்கிறார்., தீவிரவாதியாகிறார்.

நீதிமன்றத்தில் தீவரவாதி கோட்சே "இந்த கொலைக்கு நானே முழு பொறுப்பு, எனக்கு எந்த விதமான கருனையும் காட்டாதீர்கள், நானும் யாருடைய கருணையும்

எதிர்ப்பார்க்கவில்லை. தகுந்த‌ தண்டனையை எனக்கு அளியுங்கள்" என்கிறார். தூக்கு தண்டனை வழங்கப்பட்டதும் "சிந்து நதி என்று பாரதத்துடன் இணைகிறதோ அன்று தான் என் அஸ்தியை கரைக்கப்பட‌ வேண்டும், என்னை குறித்து அனைத்து தரப்பினரும் காரி உமிழ்ந்தாலும் எனக்கு கவலை இல்லை, சரித்திரத்தில்

என்றேனும் ஒருநாள் என் செயலில் உள்ள நியாயத்தை மக்கள் உணர்வார்கள்" என்று அமைதியாக குறிப்பிடுகிறார் தீவிரவாதி கோட்சே. அவரின் இச்செயலால் அவர் குடும்பத்தினர் அடைந்த துன்பங்கள் கொஞ்ச நஞ்சமல்ல. நயன்தாராவை பார்ப்பதற்கு ஆயிரக்கணக்கில் கூட்டம் கூடும் இந்த நாட்டில்தான், சிந்து நதி

இந்தியாவோடு இனையும் என்று அவரின் அஸ்தி பரிதாபமாக காத்துக் கொண்டிருக்கிறது.

கேவலம் ஒரு தீவிரவாதியின் அஸ்தி அல்லவா ? அதை யார் கண்டு கொள்ள போகிறார்கள் ?

2015ல் இட்ட பதிவின் மீள் பதிவு

சர்வம் கிருஷ்ணார்ப்பணம்

Prakash P