Thread by @TVGalicia

🐗🧵Este mes faleceu Ángel Izquierdo, un pioneiro da animación en España. Entre os seus moitos traballos, foi o codirector de #OsVixilantesDoCamiño, a serie do Xabarín. Hoxe non podiamos menos que homenaxealo neste #Xabafío. Así que comezamos 👇crtvg.gal/infantil/progr…

👁‍🗨 William Hanna dicía que Ángel Izquierdo fora o animador máis novo en traballar para os estudios Hanna-Barbera, porque Ángel con só quince anos xa estaba traballando nas súas series 👶

👵 Hanna-Barbera non era unha señora que facía debuxos, senón dous señores que tiñan un dos estudios de animación máis importantes dos anos 60. Os Picapedra, o oso Yogui, Os Supersónicos, Don Gato… Todas son series deles e Ángel traballou nelas 🤯

📽️🖌️ Ángel non saíu de España para traballar para os EUA, había unha produtora de animación chamada Filman que traía o traballo para aquí e alí comezou no oficio. Aínda que antes xa se dedicaba a facer pequenas animacións para os vídeos caseiros en Super-8 da súa familia 👨‍👩‍👦‍👦

🗓️⏳ Nos anos 80 traballa en 'Katy a eiruga' e despois monta xunto a Antonio Zurera a produtora Milímetros. Ángel e Antonio xa levaban traballando xuntos desde a época de Hanna-Barbera 🥰

‼️❌ Peeeero, cando estaban comezando coa empresa, chámanos da produtora Gaumont para ir traballar a París na película 'Astérix e a sorpresa do César'. Nun principio para tres meses, e xa quedaron alí cinco anos 😅 #AquenNonLlePasou 🤷

Despois doutra película de Astérix e de máis cousas, volveron a Madrid para seguir con Milímetros, onde o primeiro traballo foi para 'Astérix en América', e a partir de aí xa seguiron coa empresa, facendo todo tipo de traballos. Pero como chegaron a facer #OsVixilantesDoCamiño?🤔

🗓️⏳ Viaxemos ata o 1997. Neste ano déronse tres factores xuntos en plan conxunción astral que permitiron a creación da primeira serie de debuxos animados do #XabarínClub 🐗

🛰️📡 Por unha banda, naquela época estaba empezando a implantación das plataformas de televisión por satélite. E había dúas plataformas: Canal Satélite e Vía Digital. E a guerra entre ambas foi moi dura 😰

📡🛰️ Non eran plataformas coma as de agora. Todo ía por descodificadores que tiñas que ter na casa, xunto a unha antena parabólica para poder recibir o sinal 📺

📺📡 A TVG era parte de Vía Digital e buscaba contidos que emitir para todo o mundo. E o #XabarínClub 🐗 era unha das marcas máis potentes que tiña daquela 💪

👁‍🗨 Por outro lado, a Miguelanxo Prado chamárono de Amblin Entertainment, a produtora de Steven Spielberg, para facer o deseño de personaxes e a dirección de estilo da serie de debuxos animados de #MenInBlack 😎

🎨🖌️ Miguelanxo di que os tres meses que estivo alí traballando na primeira temporada foron un máster de animación verdadeiramente incrible, e isto había que aproveitalo 🤔

👁‍🗨 E o terceiro punto que se debe resaltar era que se aproximaba un Xacobeo, e podía haber financiamento para promovelo a través dunha serie do #XabarínClub 🐗

🤲 Todo xunto acabou por dar en #OsVixilantesDoCamiño 💙

👁‍🗨🗓️ No principio do programa as animacións do programa corrían a cargo de Animandus, pero non tiña capacidade para facer unha serie de animación completa, así que empezaron a buscar alternativas 🤔

🎬✏️ Querían un estudio que non atomizase a produción da serie, porque se non podían perder o control facilmente. E non había moitas opcións onde escoller, basicamente tres 🤨

1⃣🎬 Unha era D'Ocón Films, que coñeceredes maioritariamente polos Fruitis 🌵🍌

Outra opción era BRB International, creadores de 'D'Artacán e os 3 Mosqueperros', 'David o Gnomo' ou 'A volta ao mundo de Willy Fog'

3⃣🎬 E a terceira era unha empresa Barcelonesa chamada Cromosoma, que facía a serie 'Las Tres Mellizas', pero que non tiña capacidade para facer máis ca esa serie nese momento ☹️

😓 E neses momentos en que estaban dubidando a onde ir, @panchocasal da produtora #Continental, díxolles que estaba facendo unha campaña para a @DGTes cunha empresa de Madrid chamada Milímetros e que estaba moi contento, e alá foron falar con eles para ver que tal 🤷

💘😍 E o frechazo foi instantáneo! @susoiglesias222 destacaba o tremendo oficio que tiñan Ángel e Antonio. E Miguelanxo sorprendíase da seguridade que desprendían ao traballar 😊

🎨🖌️ Para Miguelanxo, o cambio con respecto a #MenInBlack foi tremendo, porque nos EUA había un equipo dunhas 100 persoas só para a preprodución, antes de mandar todo a animar á China e ao Xapón. Ademais, o traballo alá estaba moi departamentalizado 🤖

🤔💭 Conta que un día, polas présas, non lle daba chegado un deseño dun aparello que ían usar na serie e fíxoo el rapidamente para poder marchar para a casa, e a rifa que recibiu ao día seguinte fora monumental 😓

👁‍🗨 Unha das cousas que trouxo #OsVixilantesDoCamiño foi o redeseño do Xabarín. Isto foi porque a primeira versión era moito máis difícil de animar. Un dos maiores problemas era o de ter as orellas pegadas á cabeza 👂

🐗📺 E tamén, a nova cabeceira do programa, que a fixeron con Milímetros e coa versión dos #YellowPixoliñas interpretada por @Pablonovoamusic e @nicopastoriza 👉

🏙️🏡 A idea para a serie era xuntar o rural e o urbano de Galicia, algo que xa funcionaba nos videoclips. E tamén querían mandar unha mensaxe de respecto á natureza, un pouco influenciados polo do atol de Mururoa, como se pode ver nestes primeiros sketches de Miguelanxo Prado 👇

👁‍🗨💣 Mururoa era un atol da Polinesia francesa en que se facían ensaios nucleares. Estivera moitos anos sen probas, ata que en 1995 o goberno galo decidiu volver retomalos, algo que non sentou ben ao resto do mundo 🤬

📝 Para o guión da serie estaban @susoiglesias222 e Miguelanxo Prado, ademais de @tuiteame, ao que coñeceredes como o inspector Tomé, xunto a Santiago Romero e @andymahia, un dos @zopilotetv, creadores anos máis tarde de @eravistotv 😍

👁‍🗨🖌️ Levar a cabo a serie foi un traballo de dous anos aproximandamente. Só en animar cada capítulo tardábase arredor dun mes, tendo un equipo dunhas sesenta persoas 😮

🎸🎶 E para a música da serie, estivo @juliansiniestro, ademais de Mariano Lozano ou o Mestre Reverendo, pero da música falamos outro día, que isto está a quedar máis longo que a emisión de @luartvg 😅

🐗 #OsVixilantesDoCamiño tivo trece capítulos en total, que podedes ver en xabarin.gal ou na #XabaApp. E moveuse polo mundo, hai unha versión dobrada ao inglés e chegou a emitirse nalgúns países de Oriente Medio 🤯crtvg.gal/infantil/progr…

🏆🏅 Despois de #VixilantesDoCamiño, a carreira de Ángel Izquiero seguiu crecendo, traballou en series como 'Agallas, el perro cobarde', 'Sabrina', 'Sonic'. E no 2002 gañou o Goya a mellor película de animación con 'Dragon Hill' 🤩

✏️💭 Miguelanxo Prado lembra que Ángel sempre dicía que debuxaba mal, pero que para el os seus debuxos tiñan unha expresividade incrible 🥰

💔 E Ángel, que dicía que non quería xubilarse porque estaba encantado de seguir traballando, marchou o pasado día 5 por culpa do coronavirus. Mandámoslle dende aquí unha aperta moi grande a Elena, a súa muller, e aos seus fillos, Laura e Alberto 💗

🐗🧵 E ata aquí o #Xabafío desta semana. Agardamos que vos gustase esta pequena homenaxe e vémonos dentro de dous venres con máis historias da intrahistoria do #XabarínClub 😊