Thread by @khahori

سنڌي ٻوليءَ جو پھريون ويري رياست ٿي جنھن گھڻ قوميتي ملڪ ۾ رڳو اردو کي قومي ٻولي طور ٿاڦيو جيڪا ھتان جي ڏيھي رھاڪن لاءِ عربي ، فارسي جيان ڌاري ٻولي ھئي ۽ اڄ تائين رياستي ادارا پنھنجي ان ھوڏ تي قائم آھن.
#SindhiIsOurNationalLanguage

سنڌي ٻوليءَ جو ٻيو ويري سنڌ سرڪار آھي. جيتوڻيڪ 1972 سنڌي ٻولي ايڪٽ پڄاڻان، صوبي جي سرڪاري ٻولي سنڌي آھي پر تنھن ھوندي به سنڌي ٻولي کي صوبي ۾ لاڳو ڪرڻ ۾ ناڪام ٿي آھي. سنڌ اسيمبلي، توڙي سرڪاري گڏجاڻين ۾ ٻوليءَ جو واھپو نه ھجڻ جيترو آھي.
@SindhCMHouse
#SindhiIsOurNationalLanguage

سنڌي ٻولي جو ٽيون ويري سنڌ جا سرڪاري ادارا آھن.انگريز سرڪار کان وٺي ھيل تائين رڳو ريلوي اسٽيشن تي سنڌي لکيل آھي.پر انکانپوءِ جيڪي نوان رستا،اسپتال،اسڪول ۽ آفيسون ٺھڻ ٿيون،انھن جي بورڊن تي سنڌي ٻولي ڳولھيو نه ملندي.پوليس ايف آي آر کي پڻ مٽيو ويو آھي
#SindhiIsOurNationalLanguage

سنڌي ٻولي جو چوٿون ويري سنڌ ۾ رھندڙ لاڏائو (مھاجر/پنجابي/پختون) آھن جن ورھين پڄاڻان پڻ صوبي جي قومي/ سرڪاري ٻولي کي پنھنجو نه ڪيو آھي. رھندو سنڌي ٻولي جي واڌاري لاءِ کنيل وکن سان پيا مُھاڏو اٽڪائيندا يا وري پيا سَٽون سَٽيندا.
#SindhiIsOurNationalLanguage

سنڌي ٻوليءَ جو پنجون ويري شھرن ۾ رھندڙ سنڌي آھن جيڪي پنھنجن ٻارن کي رڳو انگريزي ۽ اردو ۾ لکڻ پڙهڻ ته سيکارن ٿا پر سنڌي سنڌي سيکارڻ لاءِ ڪي اپاءَ نٿا وٺن. جيتوڻيڪ اڄ ڊجيٽل دور ۾ ٻارن کي سنڌي ۾ لکڻ پڙھڻ سيکارڻ ڏاڍو سولو ٿي پيو آھي.
#SindhiIsOurNationalLanguage

سنڌي ٻوليءَ جو ڇھون ويري پاڪستان جي ميڊيا ۽ ان جا ڌڻي آھن جيڪي اردو ڌاران ٻئي ڪنھن پاڪستاني قومي ٻوليءَ ۾ چئنل نٿا کولين ته جيئن ڏيھي ٻولين جو پڻ واھپو وڌي جيڪو ھڪ آئيني فرض پڻ آھي.
#SindhiIsOurNationalLanguage

سنڌي ٻوليءَ جو ستون ويري سنڌي چئنل آھن جيڪي ٻوليءَ جي واڌاري بدران ان جي بگاڙ ۾ رڌل آھن.ڪنھن به چئنل منجھ ٻولي جي اوسر لاءِ ڪا ٻاري (سيڪشن) ڪونھي جيڪو اھڙين اوڻائين تي اک رکي.سنڌي چئنلن پاران ٻولي رڳو گھاڙيٽي ۾ ملندي باقي لفظ گھڻي ڀاڱي ڌاريا ھوندا.
#SindhiIsOurNationalLanguage

سنڌي ٻوليءَ جو اٺون ويري عام سنڌي ڳالهائيندڙ پڻ آھي جيڪو ٻوليءَ جي واڌاري لاءِ، پنھنجي ٻارڻ کانسواءِ ھر ڪم لاءِ سرڪار ڏانھن واجھائي پيو.جيتوڻيڪ اسان وٽ قومي ڪردار آھن جن سنڌي لاءِ پاڻ پتوڙيو آھي. سنڌي سڃاڻپ ڪارڊ، ووٽر لسٽ ، گوگل سنڌي ۽ ٽوئٽر تي سنڌي ٽرينڊ سن جا اھڃاڻ آھن.

Unroll @threadreaderapp