Thread by @sarmadrk

అన్నమయ్య పద నిధానము 

ఈ శీర్షిక లో అప్పుడప్పుడూ ఒక అన్నమయ్య కీర్తన గురించి 4-5 మాటలు పంచుకుందాం. మీకు తెలిసినా ఇంకా ఎవరైనా ఔత్సాహికులకు తెలియపరచ ప్రార్థన. 

@priya_27_ @stellensatz @ivak99 @Vishnudasa_ @kaantivachanam

॥పల్లవి॥భారమైన వేపమాను పాలువోసి పెంచినాను
తీరని చేదేకాక తియ్యనుండీనా

॥చ1॥పాయదీసి కుక్కతోక బద్దలువెట్టి బిగిసి
చాయ కెంత గట్టిగాను చక్కనుండీనా
కాయవు వికారమిది కలకాలము జెప్పినా
పోయిన పోకలేకాక బుద్ది వినీనా

॥చ2॥ముంచి ముంచి నీటిలోన మూల నాన బెట్టుకొన్నా
మించిన గొడ్డలి నేడు మెత్తనయ్యీనా
పంచమహాపాతకాల బారిబడ్డ చిత్తమిది
దంచిదంచి చెప్పినాను తాకి వంగీనా

॥చ3॥కూరిమితో దేలుదెచ్చి కోకలోన బెట్టుకొన్నా
సారెసారె గుట్టుగాక చక్కనుండీనా
వేరులేని మహిమల వేంకటవిభుని కృప
ఘోరమైన ఆస మేలుకోర సోకీనా

పల్లవి : నా మనసు, చిత్తము, బుద్ధి ఇవన్నీ పెద్ద పెద్ద వేప చెట్లలాగా నేనే వాటికి పాలు పోసి పెంచాను. ఇక వాటి ఫలాలు చేదుగా కాక తీయగా ఉంటాయా?
చరణం 1: చెక్కతో చేసిన బద్దలు పెట్టి కుక్క తోక కట్టి పెట్టినా దాని వంకర పోనట్టు గా ఈ దేహపు సహజ వికారము ఎంత చెప్పినా బుద్ధి వినిపించుకోదు.

చ2: ఒక మూల, నీటిలో నానబెట్టినా గొడ్డలి ఎలా కఱకుగా ఉంటుంది కానీ మెత్తపడదో  అలా మహా పాతకాలు చేసినట్టి చిత్తం నాది. ఎంత వంచినా వంగదు, మాట వినదు.

చ3: తేలు కోకలో చుట్టుకుంటే ఊరికే ఉండక పదే పదే ఎలా
కుడుతుందో అలాగే వేంకటేశ్వరుని కృప లేక ఘోరమైన ఆశ ఎప్పటికీ నీకు మేలు సోకనివ్వదు.