ایک تحقیقاتی صحافی جو رات پارلیمنٹ لاجز کی پارکنگ میں سویا نے کہا ہے کہ تمام ممبران کے گاڑیوں اور جسموں میں خفیہ چپس لگی ہوئی ہیں اور ایک کمرے میں ایجنسیوں کے لوگ مانیٹر کررہے ہیں۔ جیو فینسنگ اور جیو ٹیگنگ کی گئی یے۔ ائیرپورٹ پر الرٹ ہے۔ سادہ لباس میں اہلکار خاکروب بن کر الرٹ ہیں
انفرا ریڈ کیمروں سے تمام ممبران کی نگرانی ہورہی ہے۔ جدید مشینوں سے ممبران کو دیے گئے کھانے چیک کیے جارہے ہیں کہ کہیں نہ آور چیز نہ ملی ہو اور ممبر کی طبیعت ناساز ہو جائے۔ مسٹرز لاجز میں فون ٹیپ ہو رہے ہیں۔ مسلح افواج کے چاق و چوبند دستے کسی بھی ممبر کو فوری نوٹس پر اٹھا لینگے
سی آئی اے، ایم آئی سیکس اور موساد سے بھی ہر قسم کی مدد لی جارہی ہے۔ زیرک صحافی کا کہنا ہے کہ گیارہ بجے کے بعد اسلام آباد کی حدود میں پرندوں کے علاؤہ کسی کو اڑان بھرنے کی اجازت نہیں ہوگی۔ مشکوک پرندوں کو بلند عمارتوں پر موجود خفیہ سنائپر فوری شوٹ کرینگے۔
ایک اور صحافی جو ابھی تک نہیں سویا نہ بتایا کہ سرگودھا ائیر بیس بھی الرٹ پر ہے اور ایف سولہ طیارے بھی کل سے ٹیکسی کررہے ہیں۔ ایمرجنسی میں افغانستان سے امریکی بیسز پر موجود ڈرونز اور لیزگائڈیڈ میزائل کی مدد بھی لی جاسکتی ہے۔
تمام ممبران کو فجر کی نماز باجماعت لاجز کی مسجد میں پڑھنے کی تاکید کی گئی۔ ممبرز کو مسجد میں داخل ہوتے وقت ٹوکن دیا گیا جو انہوں نے واپسی پر جمع کروایا۔ ناشتے میں آملیٹ اور بغیر شکر کے چائے دی جائے گی۔ ممبران کارک مارکس، لینن اور ٹراٹسکی کے لٹریچر پڑھنے سے منع کیا گیا ہے۔
ایک ممبر نے نام بتانے کی شرط پر بتایا کہ کئی ممبران کے کمروں کی لائٹیں بھی زبردستی گل کروائیں گئیں۔ کہا گیا یہ اس لیے کہ ممبران صبح ہشاش بشاش ہو کر اٹھیں۔ لڈو، کیرم اور کینڈی کرش پر دن دو بجے تک پابندی ہے۔ باقی تفصیلات پھر صحیح۔
ابھی ایک ممبر نے نام صیضہ راز میں نہ رکھنے کی شرط پر بتایا کہ کوہسار مارکیٹ سے انکا پرہیزی ناشتہ بھی آنے نہیں دیا گیا۔ ایک اور ممبر کا گلوریا جینز کا ناشتہ بھی کئی بار چیک کیا گیا اور جب وہ ممبر تک پہنچا تو نہ صرف ٹھنڈا ہوچکا تھا بلکہ کافی لوگ چکھ چکے تھے۔ کیا ظلم ہے یار!
تازی ترین: چیف وہپ عامر ڈوگر ایک سول اہلکار کے ساتھ ایک ایک ممبر کا دروازہ تین مرتبہ کھکھٹا رہے ہیں۔ اگر کھانسی یا کوئی اور آواز اجائے تو ڈوگر صاحب آگے بڑھ جاتے ہیں اور اہلکار رجسٹر پر اس نام کے آگے سبز نشان لگا دیتے ہیں۔ ابھی تک کوئی دروازہ نہیں توڑا گیا۔
• • •
Missing some Tweet in this thread? You can try to
force a refresh
