Thread by @angry_birdu

கோவில் நிதியை அரசு எடுத்து வேறு திட்டங்களுக்கு பயன்படுத்துகிறதா?

இல்லை. அரசுதான் மக்கள் வரிப்பணத்தில் இருந்து ஆண்டுக்கு 6 கோடி ரூபாய் கோவில் புனரமைப்புக்காக வழங்குகிறது!

(Page 119)

இந்து சமய அறநிலையத்துறை நிதி எப்படி இயங்குகிறது என்று பார்ப்போம். cms.tn.gov.in/sites/default/…

இந்து சமய அறக்கட்டளைகள் நிர்வாக நிதி என்ற பெயரில் ஒரு fund உருவாக்கப்பட்டு அதில் கோவில்களின் வருமானத்துக்கு ஏற்ப, அதன் வருமானத்தில் இருந்து கீழே குறிப்பிட்ட படி ஒரு பகுதி அந்த நிதியில் வரவு வைக்கப்படும்.

tnhrce.gov.in/resources/docs…

அந்த நிதியில் இருந்துதான் இந்து சமய அறநிலையத்துறை ஊழியர்களுக்கு தமிழக அரசு அளித்த சம்பளம், ஓய்வூதியம் போன்றவற்றை அறநிலையத்துறை அரசுக்கு திருப்பி அளிக்கிறது.

அதை தவிர கோவில் வருமானத்தில் இருந்து ஒரு பைசா கூட அரசிடம் செல்லாது!

tnhrce.gov.in/resources/docs…

இது போக, பொது நல நிதி ஒன்று உருவாக்கப்பட்டு, உபரி நிதி உடைய கோவில்களின் அறங்காவலர் குழு தாமாக முன்வந்து அளிக்கும் நிதி அதில் செலுத்தப்படும்.

இந்த நிதி நலிந்த கோவில்களை புனரமைக்க பயன்படுத்தப்படும்

tnhrce.gov.in/resources/docs…

மிகை நிதி கொண்ட கோவில்கள் அளிக்கும் உபரி நிதியை ஏழை இந்துக்களின் திருமண உதவிக்காகவோ, ஏழைகளுக்கு உணவளிப்பதற்கோ பயன்படுத்தலாம்.

வேறு எதற்கும் பயன் படுத்த முடியாது

tnhrce.gov.in/resources/docs…

இப்படியாக, கோவில்களின் வருமானத்தை எதற்கு பயன்படுத்தலாம் என்ற விதிகள் தெளிவாக வரையறை செய்யப்பட்டிருக்கிறது.

ஆகவே, கோவில்களின் வருமானத்தை வேறு எந்த திட்டங்களுக்கும் அரசு பயன்படுத்துவதில்லை. சட்டம் அதை அனுமதிப்பதில்லை.

மாறாக அரசின் வருவாய்தான் கோவில்களுக்கு செலவு செய்யப்படுகிறது.