Ang unang reaksiyon nila: halos tumambling sa kasiyahan dahil patay na siya. Hindi naman kagulat-gulat; mismong si Rizal, pagkatapos barilin, ayon sa isang saksi, may mga Pilipinong tumawa at pumalakpak sa Luneta. Ang kahit kaunting kabutiran sa isang tao ay nakakasilaw kung...
tutuusin, kaya mas mainam na lang magkalat ng lagim; sa dilim pare-pareho tayong pangit at pare-parehong puwedeng magkunwaring magaling, kahit sarili lang natin ang maniniwala. Heto ang sinabi ni Teodoro M. Locsin bilang paliwanag sa tindi ng galit ng iilang Pilipino kay Ninoy...
Pero ang layunin ng thread na ito ay hindi upang ipaliwanag ang buod ng buhay ng isang yumaong pangulo kundi dalhin ang usapan sa isang bagay na kailangan pag-usapan: ang diskurso natin tungkol sa mga taong may kapansanan, at sa pangaalaga nila, at ang mentalidad nila at ng mga..
mahal nila sa buhay habang gumuguho ang kanilang kalusugan at dumarami ang pagsusubok --hindi lang pisikal, emosyonal, o ispiritwal-- na hinaharap ng pasyente, ng kailang pamilya, at mismo na rin ang kanilang mgs kaibigan at kakilala. Sa tutoo lamang bukod sa kanser at high-blood
ang mga karamdaman na kilalang-kilala ng marami ay ang diabetes at ang mga karamdamang sanhi nito kasama na dun ang problema sa bato. Nakakagulat na hindi ito alam ng mga nagsusubok na siraan ang dating pangulo at ang kaniyang pamilya --na hindi nila alam na kahit may maloloko...
sila, mas marami ang mamumulat sa kanilang gawain dahil kabisado nila kung ano ang dinaanan ng dating pangulo at ng kaniyang pamilya pagdating sa sakit; sa aking tantsa halos lahat tayo ay may kilala (kamag-anak, kaibigan, o katrabaho) na nagkaroon ng/humaharap sa diabetes at...
sakit sa bato. Darating talaga ang panahon kung saan hindi mo na kaya ang pinipilit na lunas ng mga doktor; ang mga doktor mismo, ginagalang ang kagustuhan ng pasyente sa puntong iyon; ang pamilya ang kasama ng pasyente sa pagharap sa napakalalim na hukay ng paghihirap na dulot
ng sakit. At kung talaga ganun ka bagito sa buhay ang isang tao na hindi pa nila nararanasan o mauunawaan ang mga bagay na ito, sila ang malayo sa tutoong pamumuhay at dinadaanan sa buhay ng kanilang mga kababayan. Nakakaawa sila; nakagalit, nakakasuka, pero higit sa lahat...
nakakaawa sila. Dahil yun pala sa dulo ng lahat, ang maibabato lang nila sa isang pumanaw na at sa kaniyang mga mahal sa buhay, ang pagiging pusong-bato, at malayo sa pagkaraniwang buhay ng higit ng nakakarami, nila. Pero sana gamitin natin ang panahon na ito, upang pagusapan ang
diabetes, renal disease, ang urong-sulong na mga patakaran at programa ng pamahalaan, ang presyo nito at ang mga sinisingil ng karamdaman hindi lang sa pamamagitan ng salapi, kundi sa kalusugang emosyonal, espirituwal, atbp. ng pasyente, pamilya, manggagamot. Yun lang.
@threadreaderapp unroll please.
• • •
Missing some Tweet in this thread? You can try to
force a refresh
