1973 ۾ اڄوڪي ڏينهن تي پابلو نرودا جي وطن چلي ۾ سلواڊور اليندي جي چونڊيل سوشلسٽ ۽ جمهوري حڪومت جو جنرل پنوشي تختو اونڌو ڪيو هو. اليندي چلي جو پهريون سوشلسٽ صدر هو جيڪو 1970 ۾ هڪڙي سوشلسٽ-ڪميونسٽ اتحاد جو گڏيل اميدوار هو>>>
اليندي پنهنجي اقتدار جي ٽن سالن ۾ چلي جي ٻاهرين ملڪن جي ڪمپنين جي قبضي هيٺ آيل ۽ ملڪ جي ايڪسپورٽ جو 70 سيڪڙو حصو ڏيندڙ ڪاپر انڊسٽري کي نيشنلائيزڊ ڪيو. اليندي انهن ڪمپنين کي معاوضو ڏيڻ بجاءِ کانئن گذريل ڪيترن ئي سالن کان ڪاپر جي حد کان وڌيڪ کوٽائي ڪرڻ تي قيمت ادا ڪرڻ جو مطالبو ڪيو
اقتدار جي پهرين سال هن ملڪ جي 91 انڊسٽريز کي نيشنلائيزڊ ڪيو، هارين ۾ ساڍا پنج ملين ايڪڙ ٻنيون ورهايون، ورڪنگ ڪلاس کي پگهارن ۾ واڌارو ڪيو ۽ غريبن کي سٺي ڪوالٽي جا گهر ٺهرائي ڏنا.
ٻاهرين ملڪن جي ڪمپنين ڏٺو ته اليندي کي ائين ڇڏيو ويو ته هو خطي جي ٻين ملڪن لاءِ مثال بڻجي ويندو>>>
سو انهن چلي ۾ پنهنجي سيڙپڪاري بند ڪري ڇڏي ملڪ ۾ احتجاج ڪرايا ۽ ٽرڪ يونين جي ملڪ گير هڙتال ڪرائي ملڪي معيشت جو ڦيٿو جام ڪري ڇڏيو.
اهڙي صورتحال ۾ اليندي جي عوام ۾ پاپولر سپورٽ ٿوري ڪمزور ٿي. چوٿين سيپٽمبر 1973 تي اليندي ڏه لک ماڻهن جي ريلي کي خطاب ڪيو جنهن ۾ ماڻهن جو هڪ ئي نعرو هو>
“اليندي، اليندي ماڻهو تنهنجو بچاءُ ڪندا”. پر ماڻهو کيس بچائي نه سگهيا.
چئن ڏينهن کان پوءِ اليندي پنهنجي آخري تقرير ڪئي جنهن ۾ هن چيو: “ هن آخري خطاب ۾ آئون توهان کي اهو چوندس ته هن گهڙي مان سبق سکو ته ڪيئن سامراجي قوتون حالتون خراب ڪرائين ٿيون ۽ ماڻهن جي حقن>>>>
جي حفاظت ڪندڙن خلاف فوجي بغاوت ڪرائين ٿيون. چلي زنده آباد، عوام زنده آباد، مزدور زنده آباد”.
شيخ اياز کان ويندي حسن درس تائين سنڌي شاعرن اليندي بابت ڪافي لکيو هو.
• • •
Missing some Tweet in this thread? You can try to
force a refresh