BASAHIN: Ayon sa Department of Public Works and Highways (DPWH), halos 1.5 milyong trabaho ang naibigay sa mga Pilipino ng ‘Build Build Build’ (BBB) program ng pamahalaan sa kabila ng COVID-19 pandemic. 
Ayon kay DPWH Sec. Mark Villar, ang mga proyekto sa ilalim ng BBB ang nag-udyok sa pagkuha ng kabuuang 1,482,119 manggagawa sa buong bansa magmula noong March 2020 hanggang August 2021.
Sa mahigit 1.4 milyong employment opportunities, may kabuuang 24,560 trabaho ang nalikha ng mga proyektong nasa ilalim ng DPWH Unified Project Management Office (UPMO) at 70,661 sa pamamagitan ng DPWH National Capital Region.
Habang, 72,168 ang nabigyan ng trabaho sa Cordillera Administrative Region; 65,716 sa Ilocos Region; 65,529 sa Cagayan Valley; 125,330 sa Central Luzon; 74,252 sa Calabarzon, 181,501 sa Mimaropa; at 213,089 sa Bicol.
Sa tatlong rehiyon ng Visayas, ang mga proyekto ng DPWH ay nakalikha ng kabuuang 250,102 trabaho na kinabibilangan ng 120,749 sa Western Visayas; 73,148 sa Central Visayas; at 56,205 sa Eastern Visayas.
Sa Mindanao, may kabuuang 345,887 trabaho ang naibigay, kabilang ang 81,188 sa Zamboanga Peninsula; 97, 466 sa Northern Mindanao; 10,6027 sa Davao Region; 38,930 sa Soccsksargen; at 22,276 sa Caraga.
• • •
Missing some Tweet in this thread? You can try to
force a refresh
