Thread by @AgikuyuWomen

A thread about Agìkūyū traditional Mūratina and what each component In the Mūratina stands for.
Njoohi ya Mūratina ni ya kūrathima na noongorio ciayo nicio Ici:

MAAĨ
Atĩ mũgĩkũyũ atũũragĩra ma,arũgamaga na ma,kwoguo ma-ĩĩ,na maaĩ nĩ muoyo

Mūratina Tree👇👇👇👇Mūratina.

MĨRATINA
Mĩratina nĩ Ngai ũhandaga na ũũmbi waake ta nyoni,mũndũ angĩhaanda kĩratina ona gĩakũra itunda nĩ gũbutha rĩbuthaga,no rĩa kwĩmeria rĩtibuthaga,kĩratina nĩkĩo kĩĩgũithagia thĩ,

nongoorio ya kĩratina nĩta kuuga mũgĩkũyũ akũraga nginya we mwene akanogio nĩ gũtũũra arĩkia kuona njiarwa,akaagwa nĩ kwenda no ti gũkua.
Nĩ mũgiro gũtua mũratina ũrĩ mwĩthĩ amu kũu no ta kũũraga mũndũ,mũratina wetagĩrĩrwo ũkũre nginya wĩgũithie thĩ

NGOGOYO YA IGWA
Ota ũrĩa kĩgwa gĩkũraga na marũũngo,ũguo noguo mũtũũrĩre wa mũgĩkũyũ ũtariĩ,hau nĩ ta kuuga ũndũ ũmwe ũkaigĩrĩrwo ũngĩ,oũrĩa kĩrakũra noguo na kũũrĩa gĩtina kwĩna cama na ngogoyo,ũguo nĩ ũndũ ta atĩ njiarwa ciũkaga ciumanĩĩte thutha nginya gĩkaumia mwĩthuka,

kuuma hau no kwambia kĩambagia kũhooha o kahora o kahora.Ũguo no ũndũmwe na kuuga mũgĩkũyũ atũũraga mũno,njiarwa naake makagacĩra na akauma thĩ ĩno nĩ kwenda

ŨŨKĨ
Njũkĩ nĩ hũũngi na ũũkĩ ũrongoragĩria mwana wa mũgĩkũyũ atuĩke mũhũũngi ta njũkĩ atahe na akainũkirie ciana mataha ta njũkĩ na arĩ na thaayũ