Thread by @KarapatanST

Kilalanin ang CAHRIHL at Karapatan ni Kate Raca bilang Hors de Combat sa Palawan!

Napilitang ipaubaya ni Kate Raca, isang dating mandirigma ng New People’s Army, ang kanyang sarili sa mga otoridad bunga ng mabagsik at sunud-sunod na Focused Military Operations sa Roxas, Palawan.

Ayon sa isang interbyu ng midya kay Raca, isang guro na gradweyt ng University of the Philippines – Diliman, kinubkob ng Marine Battalion Landing Team 4 (MBLT-4) ang kampo na kanilang hinihimpilan sa Barangay Tinitian na naging dahilan upang mapahiwalay siya sa kanyang mga

kasamahan, at kagyat na humingi ng tulong sa mga sibilyan at Barangay kapitan.

Si Raca ay maituturing na Hors de Combat, o dating mandirigma na wala na’ng intensyon pang lumaban sa konteksto ng digmaang sibil sa loob ng bansa.

Kailangang igalang ang karapatan ni Raca bilang isang Hors de Combat sa ilalim ng Comprehensive Agreement on Respect for Human Rights and International Humanitarian Law (CARHRIHL), at dapat tiyakin ang kanyang kaligtasan mula sa pagbabanta, harasment, intimidasyon,

pisikal at sikolohikal na tortyur at iba pang gawi na malalagay sa peligro ang kanyang buhay at dignidad.

Sa kasalukuyan, nasa kamay ng Marines si Raca at napuntahan na rin ng kanyang pamilya sa Puerto Princesa City.

Sa ganitong kalagayan na hindi na nakikilahok si Raca sa armadong paglaban, kailangan siguruhin ng Marines at pamahalaan na maiuwi siya sa kanyang pamilya.

Dagdag pa, walang nakabinbing kaso para kay Raca kaya wala nang iba pang dahilan upang patagalin pa ang paghawak ng Marines sa kanya.

#ReleaseKateRaca
#UpholdCARHRIHL