Thread by @KarapatanST

Panawagan ng Karapatan TK: Alisin si Kate Raca mula sa kustodiya ng Marines!

Mula pa noong Disyembre 11 ay nasa kamay na ng 3rd Marine Brigade, Western Command, Armed Forces of the Philippines si Kate Raca.

Mahigit 48 oras na rin mula noong napasakamay ng mga ito si Raca nang wala namang kasong inihaharap sa kanya.

Maaaring sa pagkakataong ito ay sapilitang pinapapirma at pinapailalim sa proseso ng Enhanced Comprehensive Local Integration Program (E-CLIP)

si Raca tulad ng mga kasong naitala noon ng Karapatan TK. Ang E-CLIP ay isang huwad na programang magbibigay serbisyo diumano sa mga susukong ‘rebelde.’ Desperadong inilalako ito kahit sa mga sibilyang hindi naman sangkot sa armadong labanan.

Malinaw na magiging sagka ito sa karapatan ni Raca sa kanyang dignidad na panghawakan ang kanyang pampulitikang paniniwala at prinsipyo, sa pamamagitan din ng taktikang Psychological Warfare ng mga Marines na may hawak sa kanya sa kasalukuyan.

Sa ilalim ng International Humanitarian Law at Geneva Convention, si Raca ay isang prisoner of war at hors de comat, sa kadahilanang nasa kustodiya siya ng Marines, at may mga karapatan ito na dapat ay tinitiyak din ng awtoridad na may hawak kay Raca.

Ngunit sa ginagawang pagbibinbin ng 3rd Marine Brigade kay Raca, ay lumalabag ito sa kanyang karapatan sa ilalim ng Comprehensive Agreement on Respect for Human Rights and International Humanitarian Law (CARHRIHL),

isang kasunduan na pinirmahan ng Gubyerno ng Republika ng Pilipinas (GRP) at National Democratic Front of the Phillippines (NDFP), kung saan nakasaad sa Part IV, Article IV na,

“(6) All persons deprived of their liberty for reasons related to the armed conflict shall be treated humanely, provided with adequate food, and drinking water, and be afforded safeguards as regards to health and hygiene, and be confined in a secure place.

Sufficient information shall be made available concerning persons who have been deprived of their liberty. On humanitarian or other reasonable grounds, such persons deprived of liberty shall be considered for safe release.”

Wala nang ibang dahilan upang manatili pa si Raca sa loob ng kampo-militar! Mariing ipinapawagan ng Karapatan Timog Katagalugan na dapat alisin na si Raca mula sa kustodiya ng 3rd Marine Brigade at agarang ipatupad ang ligal na proseso na naayon sa batas,

kaalinsabay ng paggiit na mapangalagaan ang kanyang mga karapatan bilang isang POW at hors de combat.

#ReleaseKateRaca!
#UpholdCARHRIHL!